تەڤ-چاند ئەوروپا دژ بە هجومەکا دەوڵەتوو ئەرەگیری تورکی و خیانەتەکا پەدەکەی ئەرەیاۋنېوەش ۋەڵاکەرڎۊ.

جە ئەرەیاۋناکەینە بەنامونیشانەو "ئێمە  دژ پا سیستمە جینۆسایدیە کە دوژمنایەتی کورڎی کەرۊ بیمۍ بە یۊ"ینە، ئامان: "سیاسەتوو جینۆسایدی فیزیکی و کولتووری کە بە پەیماننامەو لۆزانی دژ بە گەلوو کورڎی دەسشپنەکەرڎ، سەڎ ساڵېش شۊنەو ۋېسەرە جیائاست". ئارۊ ئی سیاسەتە بە جەنگی تایبەت و گرڎ جۆرە کرڎەوېوە بەرو مرۆڤایەتی ۋەردەواما. پەدەکە جە یاڎوو سەڎ ساڵەو ڕێککۊتەی جینۆسایدینە پاگیری سەروو خەتەو هامکاری و خیانەتی کەرۊ. بېجگە جە پەدەکەی، جە کۆنفرانسوو لۆزانینە گرڎوو ئا ڕێکوزیا و ئەرەمەرزیا کوردسانیۍ کە ئازاڎییشا گەرەکا و ماچا 'ئێمە هەنمۍ و ئینایمۍ چۍ'، کۊ بیېوە.  کورڎەکۍ جە کۆنفرانسوو کورڎانە کە جە لۆزان لۋاڕاوە، نیشانەش دا کە جە ۋەران ۋەرو گرڎ هجومە جینۆسایدییەکانە یۊگېرتېنۍ. جە فرەو یاگەکا دنیېنە ئی داواکاریۍ گەلوو کورڎی جە لاو ڕۆشنۋیرا، هونەرمەنڎا، سیاسەڎمەدارا، زانایا، ڕێکوزیاکا گلېرگەی مەڎەنی، سەندیکاکان وهتد... بە تنی پاڵپەشتی کریا.

فاشیزمی ئاکەپە-مەهەپەی، پۍ تەمامکەرڎەی قرکاریەکاش دژبە نەتەوەو کورڎی جە١٠٠ ساڵەو  کۆمارینە،  داواو پەشتیوانی جە گرڎ لېوە جەهانی کەرۊ.

حەر پا مەڵامەتیچۊ گرڎوو سەروەت و سامانوو ماددی و مەعنەوی وڵاتی ، سروشتی و گلېرگەیش تاڵان کەرڎەن. پەنا بەرۊ  پۍ گرڎ جۆرە چەکێوە کیمیاۋیی جبەرو یاسای و بەرو ئەخلاقی  و هجوم کەرۊ سەروو بەهاکا گەلوو کورڎی. دەسەڵاڎدارا پەدەکەی بە فەرشی سوور و باوشۍ گەرمۊ خېرامای چی دوژمنە قەسەم وەرا کوردی کەرا و گرڎ جۆرە پەشتیوانیېوە پۍ مەسڵەحەتەکاشا حاسڵ کەرا.

تا ئیسە جمیەری ئازادیوازی کورڎی سەرەڕاو گرڎ جۆرە حۊلېوە ئیستفزازی پەدەکەی  پۍ ئانەی جەنگی دلېینە ڕووەنەڎۊ بە وردی رەفتارش کەرڎەن. گرڎ لایەنە دیموکراسیە هەستیارەکېچ پەشتگیریشا چی رەفتارە  هەستیارا کەرڎەن. بەڵام پەدەکە گرڎوو ئا بانگەوازی و ڕێبازە هەستیارېشە پەشتگۊ وستۍ و ۋەردەواما جە پەیوەنڎییە پیسەکاش چنی دەوڵەتوو تورکی. یۊ جە نموونەکا ئی دماییە گەشمەرڎەکەرڎەی ئیسماعیل پوری(چیا ئاگری)  بۍ جە ماکو جە ٥و ئابینە جە تەرەفوو میتی و ئیستخباراتوو پەدەکەیۊ . جە ئاکاموو هجومە پیلانگێڵیەکا خانەواڎەو مەسعوود بارزانی و پەدەکەیۊ، جە حەر چوار لاو جەهانیۊ چنڎین  جەنگەوانۍ ئازاڎیی گەشمەرڎۍ بیۍ و ژمارېوە فرېچ زامڎارۍ بیۍ.

"ئێمە مدرامان کەرمۍ"

ئێمە پېسە تەڤ-چاندی، چنی ڕۆشنۋیرا و هونەرمەنڎا ئازاڎیی گلېرگەو کوردسانی، چنی گەلی وېڕاگرو و شەرەفمەنڎی دژ بە دەوڵەتیی فاشیستی تورکی و گرڎوو هێزە خائینەکا، بەشێۋېوە چالاکانە خەبات کەرمۍ، دژ پی کردەوا مرڎمېوە. سەرو ئی ئەساسیە داوا جە گرڎوو ڕۆشنۋیرا و هونەرمەنڎا ئازاڎیوازی کەرمۍ که ۋەران ۋەر پا خەتەو خیانەتیە مرڎاوە که دوژمنا کورڎی گېرا باوشی، تەنیا هیواو گەلوو کورڎی ڕابەر ئاپۆ و ته ڤگه ڕی ئازاڎیی و گەریلان ، جە گرڎ یاگېنە دەوروبەروو بەهاکا نەتەوەیینە یۊگېردۍ و چالاکانە خەبات کەرڎۍ پۍ ۋنەپەرسایۊ جە گرڎ جۆرە ناداڎپەروەریۍ”.

هـ . ش