تەڤگەری ئازاڎیی گلېرگەو کورڎسانی، سەبارەڎ بە جوڵە پنەکەرڎەی هېزەکا جە سنورو برادۊستی و سیدەکانینە حۊڵوو هورگیرسنای جەنگی دژ بە گەریلاکا ئازاڎیی کورڎسانی ئەرەیاۋنېوەش ۋەڵاکەرڎۊ.

جە ئەرەیاۋناکەنە ئامان، بە ئامای هاکان فیدانی و ئەرەنیشتەی چنی حکومەتوو عېراقی، گەرەکشانە عېراقیچ کېشا دلۍ جەنگی و پەدەکەیچ بەنامۍ پاسەوانی سنوریۊ ئی پیلانگېڵییە دژ بە گەریلاکا ئازاڎیی جا بەجۍ کەرۊ.

جە ئەرەیاۋناکەنە ئامان، جیای پارېزنای ئا خاکیە کە بە ۋنەو هەزاران گەشمەرڎاو زینڎانیا سیاسی و ئاوارەیی ڕزگارکریان، کەچی دەسوو ئەرەگیرا گېراو  ماراشا سەروو خاکەکەیما، حەرپاسە ئاماژە پانەی کەرۊ ، حکومەتەکەو پەدەکەی جیای ئانەی بە داهاتەکا ژیۋایۍ شایستە پۍ هاموڵاتیا و موچەوەراش حاسڵ کەرۊ، داهاتەکەی وزۊ خزمەتوو دۊڵەتوو ترکی پۍ جەنگی و ئەرەگیرکاری.

جە ئەرەیاۋناکەنە، گرڎ نیازۍ هجومی پۍ سەروو شۊڕشگېڵناو  ڕادەس کەرڎەی کەمپنشینا شەرمەسار کریۊ، حەرپاسە جوڵەپنەکەرڎەو هېزی جە سنورەکا برادۊستی و سیدەکانی بەپیلانەو دۊڵەتوو ترکی جە قەڵەم مڎۊ کە پەدەکە جابەجېش کەرۊ.

جە دما دمایی ئەرەیاۋناکەینە ئاگاڎیی ئانەی دریان پەدەکە قەوارەو هەرېمیش وستەن ۋەروو مەتەرسی دلېنە شیەی، داوا کریۊ ، گرڎما بەیەک دەنگ واچمۍ:"نا پۍ خزمەتکەرڎەی بە ئەرەگیرا".