تەژەکە-ئە ئەرەیاوناێوەنە باسوو ئانەیش کەردەن، "٨وو مارسی ڕۆو جیهانیی ژەنە ڕەنجدەرا ساڵەو ٢٠٢٤ینە بییە بە ساڵێوە، کە ژەنی جەدەکانە پێسە مەیدانوو ئازادیی وێشا وینا و بە ئیرادە و دەنگوو وێشا هەڵوێستی ڕێکوزیاشا  دژوو سیستموو سەرمایەداریی دژە ژەنی نیشانە دا".

درێژەو ئەرەیاونایەکەینە ئامان: "ئارۆ دەسەڵاتداری بییەی وێش خۆی تەنیا سەروو ژەنێوە نەمەرزنانرە، هەمان وەختنە گەرەکشانە ئەو دەسکەوتێچە کە ژەنا دەس وستێنێ دلێشانە بەرا و واوەی دەوروو ژەنێ مجاراوە. لاێوە گەرەکشانە چوارپارچەو کوردستانینە نەتەوەپەرسی، ئایینپەرسی و سەرەکۆمنایرەی پەرە پەنە بدا و لاێوەیچۆ هانی فاشیزمی مڎا و هجووم کەرا سەروو ژەنا. هەوڵێ مڎا وەڵێ بە ڕێکوستەی ژەنا و سیاسەتێوە گێرا، کە ورچەرخیای کۆمەڵایەتی مسۆگەر کەرۆ. ژەنی مەیدانەکاو وەڵێوەبەردەی کولتوور و تارێخینە دوورێ وزیاوە و پانەیچە دلێ گلێرگەینە ڕا پەی گولانەکەردەیۆ ژەنا کەرا.  دەکەنەوە. بە وستەیرەی ئەرەمەرزیایەکا و  تاونایۆ کولتووریشا، بە گێرتەی ئیرادەی سیاسییشا یا قڕکەردەی سیاسی  هەوڵێ مدریا ژەنا تەرسنا و دلێ تاریکی تارێخینە خنیکناشا.

 دژوو گردوو ئا سیاسەتاو هجوومی، چەمتەرسناێ و هەڕەشێ، ژەنی ساڵەو ٢٠٢٤ینە وەراوەروو ئا سیاسەتە چەپەڵانە بە شێوێوە قەوەتتەر وێشا ڕێک وست و زیاتەر پارێزنای جەوهەریی وێشا وست وەڵێ. کۆشیای ژەنا بە پاگێرتەیرەی ١٦٧ساڵەی، کە ڕاو ڕۆزاکان، ساراکان، ئەڤین گۆیی، ئارین میرکان، هەڤرین، شێڤێ، پاکیزە، فاتمە، فریاڵ، ڕەیحان، ژینان ئەمینی، ناگیهان و سەرمەشقەکاوە بیێنێ بە میراتوو کۆشیای، هەرپاسە ئارۆنە بیێنێ بە ڕانیشاندەرێما.

دژوو ڕەگەزپەرسیی کۆمەڵایەتی، قڕکەردەی ژەنا، تندوتیژی سەروو ژەنا، چەوسنایۆ و زەوتکەردەی ڕەنج و جەسەو ژەنا، ئایینپەرسیی سیاسی و جەنگ، ژەنا مرداوە و بە ئیرادەو وێشا قەرار مڎا بە چە داواکاریێوە بژیوا. سەرمەشقایەتیی گلێرگەی کەرا، بواروو فاڕیای و ورچەرخیاینە بە قەراری یەکسانانەو وێشا وێشا سەروو مەیدانەکاو ژیوای، هامژیوای ئازادی پەرە پەنە مڎا. مشۆم پیێ هەست بە کۆیلەبییەی وێشا کەرا، ئەقڵیەتوو ئازادیی کە سیستمی پەنە بەخشێنێ ڕەتش کەراوە، بە هۆشیاریی ئازادیوازی و یەکسانی مامەڵە چەنی ژەنا کەرا. ڕاسیێوە کە تا ئازادیی ژەنێ نێ دی، گلێرگە ئازاد نمەبۆ، سەدەو ٢١ینە  بە شێوێوە ڕۆشن ئامان ئاراوە و ئاستێوە گەردوونییش بە کۆشیای ژەنا بەخشان.

ئەو ئاستە شۆڕشوو ژەنێنە سەدەو ٢١ینە یاوناش پەنە وزیان ڕووە و نیشانەش دان، کە هیچ قۆرتێوە نمەتاوۆ وەردەموو کۆشیای ڕێکوزیاینە بۆ بە قۆرت. سەربارو گردوو شێوازەکاو هەوڵدای قڕکەردەی و هجوومەکایچ جەنگەواناو ئازادیی ژەنێ ٨وو مارسینە کەشە ئازادەکانە پەرە بە کۆشیای مڎا و کارێوەشا کەرد، کە دوژمن وەراوەروو گردوو هجەوومەکاوە هەنگامە پەی دمای بنیۆ. 'ژەنی، ژیوای، ئازادی' لای سەری دروشمیوەن نەک پەی ژەناو کوردی، بەڵکوم پەی ژەناو جیهانیچ پێسە فەلسەفەو ژیوای تازەی بییەن بە هەناسە پەی کۆشیای. پەوکای ژەنی خاوەندارییشا کەرد، جە هەڵمەتەو 'ئێمە بە ژەنی، ژیوای، ئازادی-یوە  بەرەو شۆڕشوو ژەنا هەنگامە منیەیمێ '.

چی مانێنە ئێمە سپاسوو وێما پێشکەش بە هامڕایاما کەرمێ، کە ئامادەکارییەکاو گردوو چالاکییەکاو ٨و مارسینە بەشدارێ بێنێ، ئا ژەنێ بە ئیرادە، ڕەنگ و دەنگی قەوەتوو وێشا مەیدان و کۆڵانەکێشا پەڕێ کەردێ. بە ڕۆحوو ئەرەپڕای ٨وو مارسی پێسەو ژەنا ٢١وو ئادار (مارس)ینە زیاتە ر پەرە بە مدرامانیما مڎەیمێ و بەرەو ئایندێوە ئازاد هەنگامە منیەیمێ".