کۆردیناسیۆنو تەژەکە-ئەی ئەرەیاۋنێوەش وەڵاکەرڎۆ و ئاماژەش پانەیە دا بە هەنگامەی تازۍ 'تیشکەکا ۋەرەتاوی' فکرەکاو ڕابەرو گەلوو کورڎی عەبدوڵا ئۆجالانی مېیاۋنا بە گرڎ کەس و شۊنێوە.

سەبارەت بە هەنگامەکۍ ئەرەیاۋییان: "ڕابەر ئاپۆ ماوەو ٢٥ ساڵان جە مڎرامانوو ئیمراڵیینە جە دژو پیلانگێڵنی مېیاننەتەوەیی ئینا ئەرەکۊشاینە. چنی ئینەیچ گەلوو کورڎی، جوانا، ژەنا و دۆسا گەلوو کورڎی ئینۍ مڎرامانی گۆرەنە." ئەرەیاۋنانیچش، گەریلاکاو ئازاڎیی کورڎەسانی جە دژوو ڕژێمو فاشیستی و قڕکەرو ئاکەپە-مەهەپەی ئەرەکۊشایۍ گۊرەی ئازاڎیشا ڕاوەبەرکەرڎەن و ئامان: "گرڎوو ئا ئەرەکۊشایا جە کەسایەتی ڕابە ئاپۆینە یۆش گێرتەن و فاڕیان پەی شۆڵەچراوەو ئازاڎیی."

'پارادایمەکۍ ڕابەر ئاپۆی ئازاڎیی گرڎوو گەلا جیهانیشا خوڵقنان'

جە بەردەوامینە باس جە فکرەکاو ڕابەرو گەلوو کوردی عەبدوڵا ئۆجالانی مکەرۆ و ئانەی وزۆ ڕووە: "ڕابەر ئاپۆ نەک تەنیا داواو ئازاڎیی گەلوو کورڎی مکەرۆ، بەڵکم ۋەرو ئانەی پارادیمەکۍ ئازاڎیی گرڎوو گەلا جیهانینە هەنۍ، ئیمراڵینە گۆشەگیرکریان و دلۍ سیستەمو گۆشەگیرینە دلێنەبەرڎەی سەرشەرە سەپیۆنە."

'ڕۆشنایی ۋەری بیاونمۍ بە گرڎ شۊنێوە'

جە دما دمایینە باس جە هەڵمەتەو 'ئازاڎیی پەی عەبدوڵا ئۆجالانی، چارەسەری سیاسی پەی پەرسو کورڎی' کریان و ئاماژە پانەی مکەرۆ کە هەڵمەتەکۍ بە سەرمەشقایەتی ژەنۍ کاریگەری فرە عالش وەشکەرڎەن و ئەرەیاۋنانش: "ئاژەو ئیساتۍ پەنەوازش پانەینە کە قۆناغەو پیلانگێڵنیی بە تەمامی دلێنە بریۆ، گۆشەگیری سەرو ڕابەر ئاپۆی بماڕیۆ و ئازاڎیی ڕابەر ئاپۆی مسۆگەر بکریۆ، پەی ئینەیچ پەنەوازا ئەرەکۊشایەکۍ فرە زیاتەرۍ بانۍ. پېسە تەڤگەرو ژەنا کورڎی جە ئۆروپانە (تەژەکە-ئە) ئەرەیاۋنمێش هەڵمەتەو ئازاڎیی پەی ڕابەر ئاپۆی بە ئەنجامدای هەڵمەتەو 'تیشکەو وەرەتاوی' بەرمێنە قۆناغێوە تازێوە. هەڵمەتەکۍ بە ماناو گلێرۆبیەین دەورو ڕابەر ئاپۆیرە. فکرەکاو رابەر ئاپۆی بیاونمۍ بە گرڎ کەسۍ و شۊنێوە، ڕۆشنایی ۋەرەتاوی بیاونمۍ پا شۆنا کە ئینۍ تاریکینە."

جە دما دماینە داوا جە گرڎوو ژەنا کریان بەشدارۍ هەنگامەو 'تیشکەکا ۋەرەتاوی' بانۍ کە جە چوارچێوەو هەڵمەتەو 'ئازاڎیی پەی عەبدوڵا ئۆجالانی، چارەسەری سیاسی پەی پەرسو کورڎی'نە ئەنجام مڎریۆ.