ڕۆژنیوز جە سەرچەمێوە جە فەرماندەیی هێزی عاسمانیی عێراقیوە وەڵاش کەردۆ: قەراروو وستەیرەی فڕۆکە بێفڕۆکەوانەکە تورکییەکەی جە فەرماندەیی وەرگێریی عاسمانیوە بەرشی و فڕۆکەکە کەوتەرە واری.

ئاماژەش پانەیچە کەردم، ئی فڕۆکە تورکیای وەش کەردەن و جە فڕۆکە گەورە و وەلێکەوتەکان، وەلێ هەڵای هیچ خوڵکنامێوە یا ئەمرێوە ئەوەکۆڵیایما پەنە نەیاوێنە بەغداوە و تورکیایچۆ، بەتەمامی هەوڵیوە پەی پەردەپۆشکەردەی بابەتەکەی هەن.

سەرچەمەکە ڕۆشنش کەردۆ،قەراروو وستەیرەی فڕۆکە بێفڕۆکەوانەکەی سەرەسڕئاوەرا، ئاخر ئی فڕۆکێ ڕوانە هەمان یاگەنە مفڕانە و میاوا شارەدەگاو تازەخورماتووی پارێزگاو کەرکووکینە، ڕسمێ مگێرا و چەمداریی مکەرا و هجووم و بۆردومانیچ مکەرا.

سوپاو عێراقی، ڕۆو پەنجشەمەی ئەرەیاوناش فڕۆکێوە بێفڕۆکەوانی تورکییش کەرکووکنە وستەنرە وار، عەمید عەبدولسەلام ڕەمەزان، یاگەداروو فەرماندەو وەرگێریی عاسمانیی کەرکووکی،کۆنگرێوە ڕۆنامەوانیینە یاگێ کەوتەیرەی فڕۆکەکەینە واتش: فڕۆکێوە بێفڕۆکەوانوو تورکی کە عاسمانوو عێراقیش پاشێل کەردەبێ  وزیارە واری.

ڕۆشنیچش کەردۆ، کە فڕۆکەکە بە ئاراستەو سلێمانیی دووەم گەورەتەرین شاروو هەرێموو کوردستانی ئامان.

ئینە هەوەڵ جارا، کە فڕۆکێوە بێفڕۆکەوانی تورکی دلێ عێراقینە موزیۆرە وار، سەرەڕاو ئا هجووم و لەشکرکێشی و سەروازییا کە ماوەو چند ساڵی ویەردەینە کریێنێ، چند مانغێ چێوەڵتەرنە یاوێ سەر، وەختێوە بەئاشکرا دەگا و شارەکڵەکاو پارێزگاو دهۆکیش داگیرێ کەردێ، جگە ئانەیچە ڕێککەوتەینامێوە بەینوو ئەنقەرەی و بەغداینە ئیمزا کریان،کە ڕا بە ئەردوغانی مدۆ، سەروەریی خاکوو عێراقی پاشێل مکەرۆ.

دماو وستەیرەواروو  فڕۆکەکەی، فەرماندەیی هامبەشوو ئۆپەراسیۆنەکا کەرکووکەنە ئەرەیاوناش وەرگێریی عاسمانیی عێراقی فڕۆکێوی بێفڕۆکەوانش کەرتوو فەرماندەیی عەمەلیاتەکاو کەرکووکینە دییەن، دماو شۆنیرەلوای و زانای خەتەو گەشتەکەیش پەی ناوەندوو شاروو کەرکووکی و بارەگای حکومی و ناوەندی ئابووریی گرنگی ئامانجێ گرنگێش چنەنێ وزیارە وار.

دماو وتەیرەیش بەرکەوت کە تورکین و تیمێوە هەرمانە تەکنیکییاو بەڵگەو تاوانکاری و وەرگێریی عاسمانی و ستافوو فڕۆکە بێفڕۆکەوانەکا وەشکریا، پەی زانای سەبەبوو کەوتەیرەواریش و ورەکارییەکا.