وەزیر کەرۊنەشا ئامانج و داڎگایچ ڕەوانەو زینڎانیشا کەرۆ
چا ٤ گەنجەی کە جە مەنتیقەو ڕېیا ئارموشۍ جە وان گیریۍ، دماو ئانەی جە لاو وەزیروو دلېینەو تورکیایۊ عەلی یەرلیکایایوە کریۍ ئامانج، ٣ کەسېشا زینڎانی کریۍ.
٨ و ئەیلولی جە کۊڵانەو بۊستانجی و کۊڵانەو ئەسەندەرەی مەنتیقەو ڕېیا ئارموشۍ ی وانی جە هۊرکوای سەروو یانانە شیار ئۊرهان، دەلیل بۊزکورت، سەرحەد ئاکداغ، باران تیبەلیک، گیریېبێنۍ.
چا چوار گەنجەی کە بەتۊمەتەو ئەنڎام بیەی جە ڕېکوزیای گیریېبێنۍ، ٣ کەسېشا زینڎانی کریۍ. باران تیبەلیک، دماو قسە چنە هۊرگېرتەی جە لاو داواکاری گرڎینیۊ ئازاڎ کریاو حەریۊ جە شیار ئۊرهان، دەلیل بۊزکورت، سەرحەد ئاکداغی ڕەوانەو زینڎانی کریۍ.
ۋەڵتەر وەزیروو دلېینەو تورکی عەلی یەرلیکایا جە بارەو گەنجە گیریایەکاوە سەروو هەژماری تایبەتی ۋېشۊ نۋیستەبېش'ئەنڎاما ڕېکوزیای جودا خوازی' ئاڎېش پېسە ئامانجی نیشانە دېبېنۍ.
