ئا شۊنمۍ کە سوپاو تورکی پېسە 'ناوەنڎەکا پەکەکە'ی نامێشا بەرۍ، یانۍ دەگا نشینا بێنۍ
ئا شۊنمۍ جە مەنتیقەو ئامێدی کە دەوڵەتوو تورکی ئەرەیاۋنابێش 'ناوەنڎۍ پەکەکەینۍ بۆردومان کریێنۍ'، ئاشکرابی کە یانۍ و کەلەو ئاژەڵا دەگا نشینانۍ.
دەوڵەتوو تورکی مەنتیقە مەڎەنیەکا پانیشتوو کوردسانی بۆردومان کەرۆ و بە پەشتیوانی پەدەکەی حۊڵ مڎۆ دەگایەکا چۆڵ کەرۆ.
فڕۆکە جەنگیەکۍ تورکی جە ١٦/١/٢٠٢٤ینە بۆردومانوو دەگایەکا سپیندار، مژێ و کەڤنە مژێی ئامێدیشا کەردەبۍ. دەوڵەتوو تورکی ئەرەیاۋنێوە ڕسمیش وەڵاکەردەبێوە و ئەرەیاۋنابێش 'ناوەنڎەکۍ پەکەکەی بۆردوومان کریێنۍ' بەپێچەوانەو بانگەشە و ئەرەیاۋناو دەوڵەتوو تورکیۆ ئا شۊنمۍ کە بۆردومان کریێنۍ یانۍ و کەلەو ئاژەڵا دەگانشینا بیێنۍ. ئەرەنیشتۍ ئا دەگایا تا ئیسەیچ مەتاوا بلاوە دەگایەکاشا. کاربەدەسا پەدەکەی ڕا مەڎا دەگا نشینەکۍ گێڵاوە سەروو یانە و موڵکوو ۋێشا.
دەوڵەتوو تورکی جە ٢٥/١/٢٠٢٤ینە جە دەگاو سەرگەلێی ئامێدی هیتیارێوە پەلەوەری، جە دەگاو کۆنە مژێ ناوەندێوە تەندروستیش بە فرۆکە بۊردوومان کەردۍ. هاموەخت چنی بۆردومانی چڕی حەرپاسە بە تانک و هاوەنۍ جە هەرێمەکۆ بۆردومانوو ئا مەنتیقاشە کەرد.
چا بەینەنە ئاشکرا بی کە کاربەدەسا پەدەکەی موختارۍ دەگایەکاشا ئاگاڎار کەردێنۍ جە دەشتەو بەینوو ئامێدی و شێلادزێنە و داواشا چنەکەردێنۍ ئاماڎەکاری کەرا پۍ ئانەی جە ماوێوە نزیکەنە دەگایەکاشا چۆڵ کەرا.
