ئا زارۊڵە کە پەنج ساڵۍ چێوەڵتەر دەوڵەتوو تورکی بەسەختی بریندار کەرڎەبۍ، مەرد
دەوڵەتوو تورکی ئەرەگیری ٥ ساڵۍ چێوەڵتەر مەنتیقەو قامیشلۊینە هجوومش سەروو زارۊڵێوە کەرڎەبۍ، کە خەریکوو کێڵەکەرڎەی بییەبۍ، بەسەختی بریندار بییەبۍ، مەرد.
جە ئەیلوولوو ساڵەو ٢٠١٨ سەروازاو تورکی دئەرەگیری جە دەگاو خەرەب کۊرتۍ سەروو حدوودوو وەرنیشت و سەرنیشتوو کوردسانینە و جە ١٠ کیلۊمەترا وەرنیشتوو قامیشلۊینە، تەقەشا جە پێڕۍ زارۊڵا کەرد کە سەرەگەرمۍ گەمەی بێنۍ، جە ئەنجاموو دەسمجوو فیشەکەکاوە گووللێوە وەروو لەمەو زارۊڵێوە کەوت، بە نامۍ عەبدوڵا بارزانی. فیشەکەکە زەرەرش یاونا بە بڕبڕۍ مازیش و جەستەیش.
عەبدوڵا بارزان یەکسەر کیانیا پەی خەسەخانەو فەرمانی قامیشلۊنە، وەلی دمای بۊنەو سەختیی زەخمەکیشۊ ڕوانەو پانیشتوو کوردسانی کریا. بۊنەو دۊخی دارایی بنەیانەکەیشاوە نەتاواشا شییەو چارەسەروو زارۊڵەکەی دابین کەرا و دماو ١٧ ڕوا ئاردشاوە پەی قامیشلۊی. دکتۊرەکۍ چن عەمەلیاتێسا پەی کەرڎەبۍ و ئەداش چەمداریی چارەسەرەکاش کەرۍ.
بریندارییەکەش زەرەری فرەش دابۍ ئەندامەکاو جەسەیس پێسە، گەدۍ، مازی و گورچیلەیش، پی بۊنەوە تووشوو هەوکەرڎەی چند ئەندامێوە جەسەییش بیۊ.
عەبدوڵا بارزانی ١٧ ساڵە ڕۊو ٢٤وو حوزەیرانی فاڕیاوە پەی قامیشلۊی، وەلۍ گیانس جەدەس دا و جەنازەکەیچش قامیشلۊنە بەخاکی ئسپاریا.
س.ز
