پارێزنەرە زیلانە ئاماژەش پانەی کەرد، زینڎانیەکۍ چالاکیەکەشا نەک تەنیا پېسە ناڕەزایەتیێوە ۋەرا ۋەر بە فشاری و گۆشەگیری بەکار مارا، بەڵکو پېسە ڕا چارێوە پەی بەدەسئاردەی حەقەتینەکا موینا.

 زیلان ئایدنە جە کۆمیسیۆنوو زینڎانەکا جەمەو پارێزنەرا پەی ئازاڎیی چنی ئاژانسوو هەواڵوو فوراتی قسێشا کەردۍ و ئاماژەش پانەی کەرد کە دەسەڵاتی دیکتاتۆری کە دماو کودەتاکەو ساڵەو ١٩٨٠ ئەرەمەرزیا، پەی ئانەی فشار وزۆ سەروو گلێرگەی سەرەتا جە زینڎانەکاوە دەسش پنەکەرد. زیلان ئایدنە ئەرەیاۋناش، ئا کردەوۍ، سەرەتا سەروو گلېرگەو کوردیرە سەپیا و دماتەر سەروو گرڎوو ئا کەسارە کە دژوو ئا ناعەدالەتیە مدرێنێوە جابەجێ کریان.  

ئیمرالی نموونێوە دیارا

جە درێژەو قسەکاشەنە زیلان ئایدنە واتش: "گۆشەگیری گلێرگەی جە ئیمرالیۆ دەسشپنەکەردەن، ماوەو ٣٨ مانگان هیچ زانیاریێوە جە ڕابەروو گەلو کوردیۆ هۊرنەگیریان. بنەیانە و پارێزنەرا مەتاوا پەیوەندی چنی موەکیلەکاشا بگێرا. گۆشەگیریێوە جە ئیمرالینە هەن نموونێوە تایبەتا جە گلێرگەنە. جیاوازیێوە فرەش چنی زینڎانەکا تەری نییا. چایچۆ گۆشەگیری سەروو زینڎانەکارە وەڵا بۊوە و دماتەر جە گلێرگەنە هەمان سیاسەت وەڵا مکەراوە.

ئەرکوو شۆڕشگێڵنیی زینڎانیا

 زیلان ئایدنە باسش چانەیچ کەرد کە زینڎانیا سیاسی پېسە ئەرکێوە شۆڕشگێڵنی جە دژوو گۆشەگیری ئیمرالی و زینڎانەکا تەری و گلێرگەی دەسشا بە چالاکی کەرد و واتش: "مدرامان جە زینڎانەکانە نەریتێوە تاریخیا دژوو ئا ڕژێمە دیکتاتۆرەی  دماو ساڵەو ١٩٨٠ئەرەمەرزیان، مدرامانوو زینڎانیا مارۊوە یاڎوو گلێرگەی کە مانگرتەی ساڵەکا ٢٠١٦ و ٢٠١٩ ینە گلێرگەیچ دەسش بە مانگرتەی جە واردەی بە نۊبەتی کەرد، جە ٢٧و تشرینوو دووەم و ٢٠٢٣ جە دژوو گۆشەگیری دیسان دەسشا بە مانگرتەی جە واردەی کەرد. داخەم مەشۆ گلێرگە کاروەدایۍ گونجیاش نیشانە نەڎا. جە ئاکامەنە چالاکیەکە لووا قۆناغێوە جیاوازۆ. ئا زینڎانیۍ ئینۍ گۆشەگیرینە قەرارشا دان چنی قەوم و کەسەکاشا دیڎار ئەنجام نەڎا بەمەبەسوو سەرنج وستەی سەروو ئاژەی سەختوو گۆشەگیری، حەرپاسە مافوو ۋێشا جە بەکارئاردەی تەلەفۆنی چنی بنەیانەکاشا بەکار نمارا."

زینڎانیا چالاکیەکەی مەلانە ۋەروو دەم و دادگای

 زیلان ئایدنە ئاماژەس پانەی کەر، هەڵوێسوو ڕاوەبەریەکا زینڎانا بەپاو زینڎانەکا فاڕیۆ و واتش: "بەڵام بەگرڎیی ئا زینڎانیۍ بەشداری چالاکییەکەی مکەرا، ڕووبەڕوو ۋنەپەرسایۆ مکریا، سزاو دیسپلینیشا سەرەرە مسەپیۆ، جە مافەکا تەریچ بێبەشۍ مکریا یا سەردای زینڎانییەکاشا ۋنە قەڎەغە مکریۆ." 

پێویسا پېسە چالاکیێوە ئاسایی تەماشە نەکریۆ 

زیلان ئایدنە جە دمادمایی قسەکاشەنە واتش: " زینڎانیا چالاکیەکەشا نەک هەر پېسە ناڕەزایەتیێوە دژوو ستەمی و گۆشەگیری، بەڵکم پېسە ڕێوە پەی بەدەسئاردەی ڕاسییەکا بەکار مەیا و ماچۆ، "ئا کەسۍ ئی سیستمەشا وەشکەردەن ۋەرا ۋەر گرڎوو ۋەرپرسیارییەتیەکا بێباکێنۍ. بەڵام زینڎانیا سیاسی بە ماڕای گۆشەگیری و بە پرۆسەی تازە و وەشکەردەی کەسایەتیێوە ئازاڎیی، ژیۋایۍ تازە پەی گلېرگەی بنیاڎ منیا.