بە پاو ڕاوشۊنە ئەمنییەکا، مشۊم یاگۍ داڵدەدایەکاو ژەنا بە شاریاوەیی مەنۊوە، وەلۍ تورکیانە و سەرنیشتوو کوردستانینە ئا یاگۍ ژەنا ئاشکرێنە چونکوم ئی ستاندارڎە نهێنییە پاشێل کریان. یۊ چانیشا پەناگە ژەنان مووشنە. پەرلەمانتارەو شاروو مووشی دەم پارتیینە سومەیە بۊزە، بابەتەکەش وست باسوو ڕۊیۊ، حەرچندە پڕۊژە یاسێکۍ چند پەرسێوەش بێنێ، وەلۍ وەزارەتە پەیوەندیدارەکۍ وەختشا پەی نەنیارە.

پلاتفۊرموو ئێمە کوشتەی ژەنا مردنمۍ دەسنیشانش کەرد، ساڵەو ٢٠٢٣ێنە، ٣١٥ ژەنۍ لاو پیایاوە کوشیێنۍ و 248 ژەنێچ بەشێوێوە گوماناوی مەردێنێ. سەرەڕاو قەراروو گێرتەیرەوەروو ڕاوشۊنی پێویسی، ژەنی بەئاشکرا کوشیا چونکوم هێزەکاو حکومەتی هەرمانەو پارێزنای مەیاونا یاگێ. نەبییەی پەناگەو ژەنا و کێشەو ئاسایشی سەبەبۍ سەرەکیێنۍ پەی پەرەسانای کوشتەی ژەنا. سۊمەیە بۊزە، ئەندامەو پەرلەمانوو دەم پارتی، کە وەڵتەرۍ بە ئەمرەو پەرلەمان بابەتەکەش بەرز کەرڎۊ، واتش فرە دوکاندارەکا زانێنۍ پەناگەو ژەنا چکۊوەن، بنەیانەو قوربانییاو تندوتیژی لوێنۍ وەرڎەموو بەرەکەی و مردێنێ. بارەی ڕاوشۊنەکاو ئاسایشی و تایبەتمەندیی پەناگەکەیۊ کە تەمام پاشێلۍ کریا، سومەیە واتش، "ئێمە کۊبییەیۊما سەروو ئاستوو دلۍ بۍ و واتشا، کە گردکەس یاگۍ داڵدەدای ژەنا مزانا و ستافەکەیچش گیریێنێ.

وەزیرەکۍ حیچ هیچ هەنگامێوەشا نەنیێنە

پەرلەمانتارەو مووشوو دەم پارتی سومەیە بۊزە ئاماژەش پانەیە دا، کە مانگەو ئابوو 2023 ێنە پڕۊژە پەرسێوەشا پێشکەش کەرڎەن، وەلۍ وەزارەتوو خزمەتگوزاریی کۊمەڵایەتی و خێزانی و وەزارەتوو دلۍ حیچ هەنگامێوەشا سەرش نەنیێنە و واتش :" هەڵای جوابێوەما وەزارەتوو دلێوە ورنەگێرتەن. ئاژانسەکە وەعدش دان ئا ژەنا پارێزنۊ، مشۊم زووتەرین وەختەنە فاڕیاوە پەی یۊجە شارۊچکەکاو دەوروبەری و یاگەکۍ ڕۊشنە نییە، پێویسا ئەوەکۊڵیای کاریگەر کریۊ سەروو ئا کارمەند و ڕاوەبەرا کە پاشێلوو ڕاوشۊنەکاو ئاسایشی و نهێنییشا کەردێنە.

بەپاو ژمارەو ئەرەنیشتا پێویسا پەناگێوە پەی ژەنایچ بۊ

سومەیە بۊزە واتش بۊنەو ژمارەو ئەرەنیشتاوە، حیچ پەناگێوە ژەنا شارەکەنە نییا، ئینەیچ کێشەی ئەمنییش وەش کەرڎەن، شارەوانی هەرمانەو وەشکەرڎەی پەناگەو ژەنا و زارۊڵاش ئینا گەرڎەننە.