ئامەڎ سپۆر کە جە کۆمەڵەو سوروو لیگی دووەم و فیدراسیۆنوو تۆپەو پەیا تورکیاینە گەمە کەرۊ و حۊڵەکېش پۍ بەدەسئارڎەی پاڵەوانیەتی ئی فەسڵەیە، جە حەفتەو ١٢ەمین و لیگەکەینە جە ساحەو ۋېشەنە رووبەڕوو ئەتیمەسگوت بەلەدیەسی سپۆری بیۊ.

گەمەکە جە ساحەو تاهیر ئەلچی لووا ڕاوە و بەهەزاران هاندەرۍ ئامەڎ سپۆری ئاماڎۍ بېنۍ. فاتمە ئایدنە ئەڎاو یاریزان و یانەو ئامەڎ سپۆری ئۆکتای ئایدنی بە بەهانۍ ئانەی کە جە وەختوو دەسپنەکەرڎەو گەمەکەینە ۋەروو نەشیدەو تورکی هۊرنەئېستۊ سەروو پەیا ، گیریا.

فاتمە ئایدنە دماو ئەوەکۊڵیایەکا جە ڕاوەبەری پۆلیسینە، ئازاڎە کریا.