ئارۊ سەرسەعب جە دەگایەکاو گۊمی و بامیتنوو لکەدریۍ لجۍ  ئامەدنە، ئاویر کەوتۊ و تا مۍ تەشەنە کەرۊ. ئاویر جە قەبرسانوو حاجی جەمیلی کەوتۊ و دەگانشینۍ بە بێڵە خاکەکەتەن تا ئاویەکەی کۊنترۊڵ کەرا. بە پاو زانیارییەکا دوۍ سەیارۍ ئاویرکۊشنایۊ پەی کوشنایۊ ئاویرەکەی ڕوانە کریێنۍ. دەگانشینۍ ئاشکراشا کەرد، هەوڵەکۍ پەی کوشنایۊ ئاویرەکەی لاوازێنۍ و هەڵای سەبەبوو کەوتەیۊکەیش ئاشکرا نەبییەن.

ئانە ئاشکرا بییەن، ئاویرەکە بەرەو ژیوگە تەشەنە کەرۊ و سەیارەکاو ئاویرکوشنایۊ بەزەحمەت ئاوی پەیدا کەرا. بە پاو زانیارییەکا، ئاویرەکە جە دەگایەکاو گۊمی و بامیتنی نزیک بۊوە. دەگانشینەکۍ هەوڵۍ مدا خاکەکەی ورکڵاشا تا ئاوێرەکە نەیاوۊ دەگایەکاشا. دەگانشینۍ ماچا ژیوایشا تەرسیش سەرنە، داوا کەرا زوو فریاشا گنا پەی کوشنایۊ ئاویرەکەی.

دەگانشێنەکۍ ئەرەیاوناشا، زەرەرێوە گەورەی ماددی و مەعنەوییشا یاوان پەنە.