ئەڎایا ئاشتی بە داواکاری ئاشکراکەرڎەو چارەنۋیسو بێسەروشۊنەکاشا و داڎگایی کەرڎەی کوشەرەکا(بکوژەکا) جە حەفتەو ٩٥٢ەمینینە جە مېڎانو گالاتەسەرای درێژەشا بە چالاکیەکەیشا دا. ئەڎایا ئاشتی بە تاجە گوڵۊ بەرەو مېڎانو گالاتەسەرای ڕاپیمایشا کەرڎ.

سەرەڕاو ئانەی داڎگای دەستوری هەمیشەیی جەبارەو قەڎەغەکەرڎەو مېڎانەکەیوە قەرارو "پاشێلکاری" ش دان بەڵام پۍ ١١ەمین حەفتەی سەرو یۊی پۆلیسەکۍ ئەڎایا شەممەیشا گەمارۊدۍ. پۆلیسەکۍ هجومشا کەرڎ سەرو چالاکیەکەی و هامسەرۆکو گرڎی ئیهەدەی ئەرەن کەسکین و چنڎین پارێزنەرۍ و وەرگریکارۍ مافەکا مرۆڤیشا گېرتۍ.

هـ . ش