قسەکەرەو پارتوو یەکسانی و دیموکراسیی گەلا (دەم پارتی) ناوەندی گردینوو پارتەکەیشەنە دماین وەڵێئامایەکێش ورێسەنگنێ. ئاماژەش پانەیە کەرد، ئی بەیانییە وانەنە چندین کەسێ دەسبەسەرێ کریێنێ پێسەو هاوسەرۆکاو دەم پارتیی وانی، جەختش کەردۆ ئیساتێنە نەژادپەرسی ئینا سەروو هەرمانێوە.

ئاماژەش پانەیە کەرد پانەیە دەسەڵات وانەش جە ویەردەی ورنەگێرتەن،واتش: "ئادێ دوژمنوو کوردانێ و ئینە ڕاسا. حەر چێوی ڕووە مدا دەسەڵات وەرپەرسا.  سەروو ژیوای ڕوانەو کوردا تاوان مخولقنا. نەژادپەرسی ئاسایی مکەراوە، ئینە فرە تەرسناکا".

هەرپاسە تیشکەش وستە سەروو ورکوای سەروو ئاهەنگەکا شارە کوردییەکانە و گێرتەی هاموەڵاتا سەروو گۆرانییە کوردییا و هورپڕای، هەرپاسە ئاماژەش پانەیە کەرد بە هجوومەکا پەی سەروو زوانی و چاندی کوردی، واتش: "سەرۆک کۆمار ئەردۆگان واچێ "ئێمە پاڵوو تورکینە، فرسەتوو فێربییەیما بە زوان و زاراوەکای تەری بەخشا"، "فرسەتما دا بە زوانەکان پڕوپاگەندە بکریۆ"، "کوردی قەدەغە بێ، قەدەغەما هورگێرت". ئانێ ئیساتێ وەراوەروو ئینەیوە بێدەنگێنێ، هیزی هورچنیەیەکاو ٣١و ئادارینە بە گۆرانیێ کوردیێ پرۆپاگەندە کەرێنێ. بەتایبەت کاندیداو ئاکەپەی. چی پڕوپاگەندەو وێشا بە گۆرانیێ کوردیێ کەرێنێ؟ تاوانێوی تازە خولقیان. کوردبییەی، تاوانەن. نمەتاوی بە زوانوو وێت قسێ بکەری، هورپڕی و دەنگ بدەی".

ئاماژەش پانەیە کەرد یۆ جە هۆکارەکاو گێرتەیەکا بەرزکەردەیوەی درووشموو "بژیوۆ سەرۆک ئاپۆ"یا، بەڵام بە پاو قەرارەکاو دادگای دەستووری و دادگاو مافەکاو ئینسانی بەرزکەردەیوەی درووشـمی ملۆنە خانەو ئازادیی ڕابەروستەیوە.

ئایشەگوڵ دۆغانە داواش جە دەسەڵاتی کەردە، شۆنەو ڕاو چارەسەریرە بگێڵانە و واتش: "متاودێ درووشموو "بژیوۆ سەرۆک ئاپۆی" قەدەغە بکەردێ. بەڵام چەنی دەوروو بەڕێز ئۆجالانی چارەسەروو پەرسەو کوردینە قەدەغە مکەردێ؟ ئی ڕاسییە چەنی مسڕدێوە؟".

داواش جە ڕای گردینوو تورکیای کەردە و واتش: "بەیدێ پێوە هورپڕایێوی گەورە بکەرمێ. گەلوو کوردی دەس جە هورپڕای وێش  هورنمەگێرۆ".