زینڎانیێۋە سیاسی جە سەرنیشتوو کورڎسانی بە نامۍ عاسم دەمیری کە زیاتەر جە ٣٠ ساڵان ئینا زینڎانەنە و ماوەو زینڎانی کەرڎەکەیش تەمام بیەن، پۍ دۋەم جاری بە بەهانۍ ئانەی "پەشیمان نییا" ڕاگیری جە ئازاڎکەرڎەیش کریا.
عاسم دەمیری عومر ٦٦ ساڵ کە جە ساڵەو ١٩٩٢ېوە بە بانگەشەو "حۊڵدای پۍ تێکدای یۊبیەی و یەکپارچەیی دەوڵەت"ی ئینا زینڎانەنە، سەرەڕاو تەمام بیەو ماوەو سزاکېش بەڵام ئازاڎ مەکریۊ.
دەمیر بە مەڵامەتو ئانەی سەپناو "پەشیمانبیە"یۊیش رەڎکەرڎەنۊ بە قەرارو لوجنەو چەمڎاری کارگێڕیی زینڎانی ئەسپیە گیرەسون پۍ جاری دۋەمی ئازاڎکەرڎەکەیش پۍ ماوەو یەرۍ مانگا تەری دما وزیا.
دەمیر جە ٢٦و کانونو یۋەمو ١٩٩٢ زینڎانی کریا، دماتەر ٢ ساڵۍ جە زینڎانو موشی، ١٣ ساڵۍ جە زینڎانو دیلۆکی، ٥ ساڵۍ جە زینڎانو میدیادی، ٨ ساڵۍ جە زینڎانو ئۆردووی زینڎانی کریا و ساڵەو ٢٠٢١ی فاڕیاوە پۍ زینڎانو جۆرو ئێڵی ئەسپیەی گیرەسونی. دماو ئانەی جە ماوەی ۋیەرڎەنە ئازاڎکەرڎەکەیش بە مەڵامەتو ئانەی 'پەشیمان مەبۊوە' پۍ ماوەو یەرۍ مانگا دما وزیا، جە مانگەو حوزەیرانینە جارێۋەتەر و بەهەمان بەهانۍ ئازاڎکەرڎەکەیش پۍ ماوەو یەرۍ مانگا تەری دما وزیا.
هـ . ش
