چا کۊنفڕانسەنە کە لاو ئەکادیمیاو مۊدێرنیتەی دیموکراتیکیوە ساز کریۊ، جە هیندستان، کێنیا، کۊڵۊمبیا، ڤەنزوێلا، ئەفریقاو پانیشتی، وەڵاتوو باسکی، کاتالۊنیا، ئیتالیا، کوردستان، فلیپین، ئەڵمانیا و نەرویجۊ چالاکۍ و کەسایەتییەکۍ بەشداری کۊنفڕانسەکەنە کەرا، کە بەینوو ١٧-١٩و تشرینوو دووەمینە باسێلوو سویسڕاینە بە نامونیشانوو "هونەروو ئازاڎی- ڕێکوزیای و ستراتیژەکاو مدرامانی کۊلێکتیڤ"ی ساز کریۊ.  

واتەواچ بارەو مۊدێرنیتەی سەرمایەداری و مدرامانیوە کریۊ

دلۍ ئەرەیاونییاو کۊنفڕانسەکەینە ئامان، "چی کۊنفڕانسەنە دژوو قەیرانوو مۊدێرنیتەی سەرمایەداری و چەنەکەوتەیۊکاش، ئێمە سەروو شێواز و دوورنماو چارەسەریوە مردمۍ، سیستموو لایەنە بنچینەییەکاو وێتازەکەرڎەیۊ وەرهەڵیسێوە سەرێعی و ڕادیکاڵی، ئەخلاقی و سیاسی کامێنێ؟

بە ئامایوەروو باسوو ئی پرسیارا، کۊنفڕانسەکەنە گەرەکمانە واتەواچ بارەو لایەنە جیاجیاکاو مدرامانی دژوو سیستمی کۊلێکتیڤۍ کەرمۍ. جگە جە مشتومڕی تیۊریکی، جمیەرۍ جیاجیۍ پەی قەوەتکەرڎەی پراتیک و کۊشیای هامبەشوو وێشا پێوە سەرئامای و ستراتیژوو وێشا هامبەشی پەنە کەرا".

بەشێوە تەروو ئەرەیاونای کۊنفڕانسەکەینە ئامان، "دەسوستەی دیموکراتیکی میاننەتەوەیی وەراوەروو سیستمینە، چی سەرڎەمە پەڕ قەیرانەنە جە گرد وەختێوە پێویستتەرا. کێشە کۊمەڵایەتییەکۍ تا مۍ دژوارتەرۍ با. هێزە دیموکراتیکەکۍ ڕووبەڕووۍ ئا دژوارییەینۍ، کە سەرجەنۊ گلێرگەکا سیاسی کەرا و کرڎەوەی دیموکراتیک خولقنا. هونەروو سیاسەتی ئانەن، کە هێزی سیاسی پەشتی بە دەوڵەتی نەبەسۊ، وێش سەروو بنەماو گلێرگەی وەڵا کەرڎەبۊوە. بە سیاسەتێوە کۊمەڵایەتیی چینە فرسەتوو ئازاڎبییەی ڕەخسییۊ.

بەشداربییەی پێویسش بە نامەتۊمارکەرڎەین

ئەرەیاوناکەینە ئامان، " بە ئەرک نەبۊ وەڵێوەختە بە نامونیشانوو 'کۊنفڕانس'ی نامێوە پەی ئی نامونیشانەیە بکیاندێ: [email protected]

پەی بەشداربییەی کۊنفڕانسەکەنە مشۊم وەڵێنە نامۍ تۊمارە کەرڎۍ، پێویسا نامۍ هەرێم و ڕێکوزیایەکەیتا ئاماژەش پەنە دریۊ.

تا کەسەکۍ بەشداری کەرا، مشۊم پەیاموو پەسەندکەرڎەی داواکارییەکەیشا پەی گێڵۊوە.

زانیاریی زیاڎتەر چی لینکەنە هەن:

https://democraticmodernity.com/events/conference-the-art-of-freedom

س.ز