بۊنەو ٣٩ەمین ساڵوەگېڵوو هەڵمەتەو ١٥ و ئابیۊ، یەکینەکۍ پارېزنای ژەنا(یەپەژە)ی و یەکینەکۍ پارېزنای گەلی (یەپەگە)ی جە قەبرسان و گەشمەرڎا مدرامانو کۊڵانەو شېخ مقسودی و ئەشرەفیەینە جە مەنتیقەو شقەیێفی شاروو حەلەبی، مەراسیمېوە سەروازیش کەرڎ. جە مەراسیمەکەنە ئەنڎام ونوېنەرۍ لایەنە سیاسیەکا و ڕېکوزیا مەڎەنیەکۍ ئاماڎۍ بېنۍ.

لاو ۋېشۊ ڕۊژدا عەفرینە، فەرمانڎۍ یەپەژەی مبارەک بایی هەڵمەتەو ١٥ و ئابیش جە ڕابەروو گەلوو کورڎی عەبدوڵا ئۊجالانی و ئەڎایا گەشمەرڎا و گەلی کەرڎ.

ڕۊژدا ۋاتش،'' جە ڕۋۍ پېسە ئارۊینە فەرمانڎەی گیانباز مەعسوم کۊرکماز یۋەم گوللېش  جە میاچەماو دوژمنی دا. تەقنای یوەمین گوللۍ بی بە سەرەتا پۍ کۊشیای چەکڎاری. پې گەلوو کورڎی و گەلا چەوەسیای بی بە فاکتەرېوە پۍ حەق ئەسای و ڕزگار بیەی جە زنجیرەکا کۊیلایەتی''.

ئا فەرمانڎۍ یەپەژەی  جە دمادماینە ۋاتش،''بە ڕەنجو گیانبازی گەشمەرڎا یاۋېنمۍ پی مەرحەلە وەڵېکۊتەو ئاخېزیە. درېژە بە کۊشیای سەرو خەتەو هەڵمەتەو ١٥ وئابی، کە ڕۊو ژیۋایۊ گەلوو کورڎین مڎەیمۍ و دەسکۊتەکا بەدەس مارمۍ''.

مەراسیمەکە بە دروشمەکا"بۍ سەرۊکی ژیۋای مەبۊ'' و ''ژەنی، ژیای، ئازاڎیی'' دمایش پنە ئاما.

هـ . ش