فەرماندەیی گرڎینوو یەکینەکاو پارێزنای ژەنێ (یەپەژە) بە بۆنەو ٨وو ئاداری ڕۆو جیهانیی ژەنە کرێکاراوە پەیامێوەش وەڵا کەردۆ. 

جە ئەرەیاونایەکەو یەپەژەینە ئامان: "ڕۆو ٨وو ئاداری ڕۆو جیهانی ژەنە کرێکارا جە گرڎوو ژەناو جیهانی و هامڕای هەقەتینوو ژەنا ڕابەر ئاپۆی مەبارەک کەرمێ.  بە بۆنەو ئی ڕووە مەبارەکەیۆ یادوو گرڎوو گەشمەرڎە ژەنە ئازاڎیوازا کەرمێوە و وەعدوو بەرزکەرڎەیۆ کۆشیای مدەیمێ. 

پێسە یەکینەکاو پارێزنای ژەنێ (یەپەژە)ی سەروو میراتی سەنگینوو ژەنە خەباتکاراوە کۆشیایما  کەرمێ. عەلەمەو مدرامانی و سەرفرازیی ڕۆزا لۆکسمبۆرگ، جلارا زەتکین، لەیلا قاسم، لەیلا خالد، ساکینە جانسز و گولناز کاراتاشمانێما ورگێرت و بە قارەماناو جەنگوو وەرنیشتی ئارین میرکان، ڕێڤان کۆبانێ، زیلان حەسەکە، تۆلهەلدان رامان، ڕۆژدا منبج و سۆرخوین ڕۆژهەڵات بەرە و شۆڕشوو ژەنا هەنگامە منیەیمێ. بە شانازییوە پێسە هامڕایە ژەنە قارەمانا مژیومێ و بە تووڕەیێوە فرەوە  دژوو حەر جۆرە سیاسەتێوە قڕکەرڎەی، ئەرەگیرکاری و گۆشەگیری، کۆشیایما بەرز کەرمێوە.

نیۆرکۆ تا ئەڤغانستان، شەنگالۆ تا ئێران، بە ڕۆحوو مدرامانیوە سڵام جە کۆشیای گرڎوو ئا ژەنا کەرمێ، کە تەختوو دەسەڵاتداریی پیای لەرزناوە. ئێمەیچ چێوە وەرنیشتۆ ئا یاگێ کە تاریکیی هەزار ساڵەیش دلێنە بنەبڕ کریا و عەلەمەو مدرامانوو ژەنێش دلێنە بەرزە کریاوە، سڵام و عەشقوو وێما کیانمێ پەی گرڎوو ژەنە کۆشەرا جیهاننە.

ئارۆنە ژەنی گرڎ لاێوە جیهانیوە وەاروەروو زهنیەتوو ستەموو دەسەڵاتداریوە کە بە جەنگ، تاڵانی، دەسدرێژی و قڕکەرڎەی وێش سیستماتیک کەردۆ، سەرەش بەزر کەرڎەنۆ.  کەشەکاو کورڎسانینە گەریلاکاو یەژاستاری  وەراوەروو چەکی کیمیاویوە جەنگێوە بەحورمەت کەرا، ئێراننە وەراوەروو گرڎوو دەسدرێژی، قەنارەدای و زۆرداری سەروو ژەناوە، بە ڕۆحێتوو ژینا ئەمینی-ێوە، ژەناو فارسی و وەرکەوتی بە دروشموو 'ژەنی، ژیوای، ئازاڎی'ی داواو ژیواێوی بەهەیبەتی کەرانێ. دەکەن. ئەڤغانستاننە وەراوەروو دڕندایەتیی تاڵیبانیوە، ژەناو ئەڤغانی سەرەوردای و بەمکوڕییوە داواو ئازاڎیی کەرا. چێگەیچ وەرنیشتنە و سەرنیشتوو سوریاینە وەراوەروو داعشیوە، کە پێسە تیرۆرستەرین هێزوو جیهانی نامێ بریا، ژەناو کورد، عەرەب، سوریانی، ئەرمەنی و ئاشوری دلێ ڕیزەکاو (یەپەژەدا)ینە وێشا ڕێک وستەن و گرڎوو مەیدانەکاو ژەنانە دەسکەوتەکاو شۆڕشی پارێزنا. ئی وزە هامکاریی ژەنان کە مجیۆ دلێ دەرێوە و بۆ بە سەرچەمەو ئازاڎیی تەماموو گلێرگەی و جۆشوخرۆشوو کۆشیایما زیاتەر کەرۆ.

بێگومان سەیەو فکر و ئەرەمەنەیەکاو ڕابەر ئاپۆینە، کە ویرۆکەو ئازاڎیی ژەنێش، ڕوێ مەبارەکی چینەنە، ٨وو ئادارینە پێشکەشوو گرڎوو ژەنا کەرد، ئێمەش یاونایمێ ئی ڕووە. وەروو ئینەیە شۆڕشوو وەرنیشتی بە شۆڕشوو ژەنێ مشناسیۆ و ئارۆ سەروو ڕێخەو وێماوە پەی جەوهەروو وێما گێڵمێ و تارێخوو ئازاڎیی وێما بە کۆشیای و ئازاڎیی منویسمێوە. 

پێسەو یەپەژەی مزانیی وەهارێوە گەشتەری مدەیمێ بە تەماموو گەلاو هەرێمەکەی. گرڎوو مەیدانەکاو ژەنا بە جەوهەروو ژەنێ مانادارێ با. وەروو ئانەیە وێما ڕێک وستەن و وەراوەروو ویروو پیاسالاریوە کۆشیەیمێ. پێسە متاومێ وێما و شۆڕشوو ژەنی هەمیشەیی کەرمێوە. لەسەروو ئی بنەمێوە داواو وێڕێکوستەی وەنەو گرڎوو ژەنا کەرمێ، گرڎوو مەیدانەکاو ژیوایشانە وێشا پەڕچەک کەرا تا بە ئیرادەو ژەنێ ئازاڎێوە، گرڎ نۆعە سیاسەتێوە  قڕکەرڎەی، ئەرگیرکاری و گۆشەگیری بەرمێ دلێنە، دماڕوێوە ئازاڎ و ئارام پێشکەش بە تەماموو ژەنا و ئینسانیەتی کەرمێ."