جە ئەرەیاوناکەی فەرماندەیی گردینوو یەپەژەینە، پێسە زانیاری بارەو جەنگەوانە گەشمەرڎەکێوە وەڵا کریانۊ:   

"چی وەڵاتەنە، ژەنە قارەمانەکۍ بە پەیوەندیکەرڎەی بە ڕیزەکاو ئازاڎییوە، دڵسۊزی و پەیوەستبییەیشا بە بەهاکاو شۊڕشیوە بەرجەستە کەرد.

هامڕێما لینا عەلۊ بە شناسنامەو "ئێزدا بەرخۊدان جودی"ێوە پاکیی دڵ و مەژگیش پارێزنا جە خڵتەو سیستمی مۊدێرنیتەی سەرمایەداری، پەی بنیاتنیای ژیواێوە ئازاڎی و یەکسانی، سەروو ئی بناغەیۊ عومرێوە کەمۊ پەیوەندییش کەرد بە ڕیزەکاو ئازاڎییوە شاروو عەفرینینە. ئا چاندە وەڵاتپارێزنەشە دلێنە گەشەش کەرد، دەوری گەورەش گێڵنا جە وەشکەرڎەی کەسێتیی هامڕا ئێزدێنە. براو گەشمەرڎە ئێزدۍ، ئەسڵان قەندیل جە مدرامانی تارێخیی کۊبانێنە لوا کارەوانوو نەمراوە، چێگەیچۊ هامڕا ئێزدا شۊنکەوتەی دۊزوو گەشمەرڎاش کەرد بە پیمەری سەرەکیی ژیوای.

هامڕا ئێزدا بە ڕۊحە گەنجەکەیش درێژەش بە وەرموو زارۊڵەییش دا، پەی کۊشیای پەی ئازاڎیی وەڵاتی. هامڕا ئێزدا کۊششێوە گەورەش بەر وست جە پتەوکەرڎەی کۊشیای و مدرامانینە پەی عەشقی ژیواێوە ئازاڎی. پێسە هامڕێوە گەنجۍ جە ڕیزەکاو ئازاڎیینە، دایم سەرچەمەو مۊراڵی و جۊشوخرۊشوو دەوروبەرەکەیش بۍ. کۊشش و قوربانیدای بیۍ بە دوۍ چەمکۍ دیارۍ جە کەسێتیی هامڕا ئێزداینە.

واتەو "جوانتەرین ژەناو جیهانی، گژۍ قێزەونتەرین پیایاو جیهانیرە ملاوە"، بۊنەو هامڕایاو پێسە ئێزدێوە، مانای هەقەتینەش ورگێرتە.  هامڕێما ئێزدا، جە ئازاڎکەرڎەی ڕەقەی و دەیرەزۊرینە، دژوو هجوومە دڕندانەکاو داعشی مرڎاوە. پەی ئازاڎکەرڎەی گەلەکەیش و ژەنا جە ستەموو داعشی، بە هێز و باوڕێوە گەورەیۊ سەنگەرەکاو وەڵێش گێرتۍ. هامڕا ئێزدا، ساعیبەو یاواینێوە قووڵی بۍ پەی سیاسەتوو قڕکەرڎەی و چەوسنایۊ و ئەرەگیریی هێزە هەژموونگەراکا. پی بۊنەوە تا دماهەناسەو ژیوایش، خەتەو ژیوای ئازاڎیش بەرجەستۍ کەرڎە، جە کاروانەکەشنە دلۍ دۊزوو ئازاڎیی گەلینە.

هامڕا ئێزدا، ئا وەختە جە هەرمانە شۊڕشگێڵنییەکۍ وێشنە بۍ، جە ٩ ئابینە، تووشوو ڕووەداێوە ئاما، پێسە گەشمەرڎۍ بییە و لوا کارەوانوو نەمراوە.

ڕۊحە گەنج و دڵسۊزەکاو دۊزوو ئازاڎیی گەلی، هومێدوو ئێمەنۍ، ڕاو دماڕۊی ڕۊشنە کەراوە، هامڕاما ئێزدا یوەنە چا هامڕایا ڕۊحوو بەرڎەوامیی شۊڕشی بەرجەستە کەرا. ئەوەڵۊ، گەرمتەرین سەرەوەشیی کیانمۍ پەی بنەیانەو هامڕۍ گەورێما ئێزدا و گردوو گەلە وەڵاتپارێزنەکەیمان. بەرڎەوامۍ بیمۍ سەروو ڕاو گەشمەرڎا و وەعدەکەیما بە هامڕایاما پەی بنیاتنیای وەڵاتێوە ئازاڎی.

شناسنامەو هامڕا گەشمەرڎەکێما ئینەن:

شناسنامێ: ئێزدا بەرخۊدان جودی

نامۍ و دمانامێ: لینا عەلۊ

نامۍ ئەڎێ: وەسفیە

نامۍ تاتەی: حیکمەت

وەخت و شۊنەو گەشمەرڎەبییەی: ٩ ئابوو ٢٠٢٣ / تەبقە