یەرۍ ڕۊنامه‌نویسۍ گیریۍ
جه چوارچوه‌و ئۊپەراسیۊنوو پاکتاوکەرڎەی سیاسینە، یەرۍ ڕۊنامه‌نویسۍ تەرۍ ڕاو پۊلیسوو ده‌وڵه‌تیوە توركیوە گیریۍ.
چوارچوەو ئۊپەراسیۊنێوەنە، كه‌جە ڕاو داواكاریی گردینوو ئامه‌دیوە ده‌سش پەنە کەرڎەن، یەرۍ ڕۊنامه‌نویسۍ، به نامەکاو فورات جان ئه‌رسه‌لان، سیبه‌ل یوكله‌ر و ده‌لال ئاكیوزی جە ڕاو پۊلیسوو ده‌وڵه‌توو توركیوە گیریۍ.
به پاو زانیارییه‌كا جە چوارچوەو ئا ئۊپه‌راسیۊنەینە، سه‌رسەعبوو ئارۊی پۊلیس شاروو ئه‌نقه‌رەینە فورات جان ئه‌رسه‌لان، په‌یامکیانوو ئاژانسوو میزۊپۊتامیایش (MA) یانەکەشنە گێرتەن، وەلۍ تا ئیساتۍ سەبەبوو گێرتەکەیش نەزانییان. فورات پەی ڕاوه‌به‌رایه‌تیی پۊلیسوو ئه‌نقه‌ره‌ی فاڕیانۊ.
هه‌ر به پاو ئا زانیارییا، وەختوو ورکوای سەروو یانەو ئا په‌یامکیانەینە، پۊلیس ده‌سش گێرتەن ملوو كۊمپیوته‌ر و مۊبایله‌كه‌یشرە.
هاموەخت سەرسەعبوو ئارۊی، پۊلیس ڕۊنامه‌نویس سیبه‌ل یوكله‌ر-ش ئه‌نقه‌رەنە گێرتەن و دماتەر پەی ڕاوه‌به‌رایه‌تیی ئاسایشوو ئه‌نقه‌ره‌ی فاڕیانۊ.
ئیزمیر
له شاروو ئیزمیرینە چوارچوەو ئا چەنەپەرسایۊیانە جە ڕاو داواكاری گردینوو ئامه‌دیوە ده‌سش پەنە کەرڎەن، پۊلیس ورش کوان سەروو یانەو په‌یامکیان ده‌لال ئاكیوزی. دماو ئانەی یانەکەشا وشکنان، ڕوانەو ڕاوه‌به‌رایه‌تیی پۊلیسوو چانكایایشا کەرڎەن.
یاگۍ واتەینە ماوه‌و دووە ساڵی ویەرڎەینە به ده‌یان ڕۊنامه‌نویسۍ لاو هێزه‌كاو ده‌وڵه‌توو توركیوە توركیانە و سەرنیشتوو كوردستانینە گیریێنۍ و ڕوانه‌و زیندانی كریێنۍ.
س.ز
