فشار و سەرکوتکارییەکاو هێزەکاو دەوڵەتوو ئێرانی پەی سەروو شۊنکەوتاو ئایینوو بەھایی بەرڎەواما و بە پاو سەرچەمەکاو ھەواڵوو ئێرانی، ڕۊو ٢٦وو ئەیلوولی، ھێزەکاو سەر بە دەسەڵاتی شاروو شیرازینە ھەریۊ جە سەحەر موحێبپوورۍ و ڕۊکسانا وجدانی-یێشا یاگۍ هەرمانەکێشانە گێرتێنۍ. حەرپاسە بەهارە قادرییە و ستارە تاعمییەشا یانەو وێشانە گێرتێنۍ.

بە پاو زانیارییەکا، وەختوو وشکنای یانەو ئا ژەنانە، دەس ملوو کتێبە ئایینی، ڕسمۍ، کۊمپیوتەر، تەلەفۊن و بڕۍ کەلوپەلی تایبەتیشارە گیریان. تا ئیساتۍ نەزانییان ئا ژەنۍ بە چە تۊمەتێوە گیریێنۍ.  

یاگۍ باسینە شۊنکەوتاو ئایینی بەهایی، کە مەزندە کریۊ ژمارەشا ئێراننە ٣٠٠ هەزار کەسۍ بۊ، یۊنۍ چا پێکئامایا بە درێژایی دەسەڵاتوو 45 ساڵەو کۊماروو ئیسلامی، کە بە سیستماتیک ڕووبەڕووۍ فشاری، سەرکوتکاری و بڕیایرەی کریێنێوە.

س.ز