ئەرەمەرزیاو کەریموو عەلەکەی، کە ئەرەمەرزییوە ڕۊشنویریی گردینی تایبەتا، ئەرەیاوناش ئێساڵ یەرەمین دیڎاروو ئەدەب و کولتووروو هەورامانی بەرا ڕاوە، بە پاو ئەرەیاوناکەی یەرەمین دیڎاروو ئێساڵی بە نامۍ "پڕۊفیسۊر محەمەد ئەمین هەورامانی"یوە ملۊ ڕاوە، کە دلێسنە میانەو یەرۍ پانێلانە نۊ کۊڵیارۍ بەشدارۍ با و یەرێشا هینۍ وەرکەوتوو کوردسانینۍ و ششا هینۍ پانیشتوو کوردسانینۍ، بە پاو ئەرەیاوناکەی ئامانج جە دیڎارەکەی واتەواچ و بەروستەی چاندوو هەورامانین و دیڎارەکە دیمۍ هەورامانسناسییانەی ئەکادیمییش هەن.

ئەرەیاوناکەی وەخت و شۊنەو دیڎارەکەیش نەنویستەن و قەرارا پی زوانە کریۊ و بەپاو زانییارییەکا چوون ساڵانی ویەرڎە دیڎاری یوەم و دووەمشا هەڵەبجەنە بەرڎێنۍ ڕاوە، ئێساڵیچ ئەگەر هەن هەڵەبجەنە بلۊ ڕاوە.

س.ز