ڕاپیما جەماوەرییەکەو ئەرەنیشتا کانتۆنو فراتی بە درووشموو 'نا پەی کوشتەو کەسانێ مەدەنی، بەڵێ پەی سووریایێ دیموکراتیک' مچیێ مێڏانەکا.

ڕاپیماکەی جە مێڏانو ئازادی بە واتەیۆ و بەرزکەردەیۆ درووشمەکا "نا پەی قڕکەردەو مەدەنی"، "ئاشتی پەی گرڏ و گەلا سووریای" و "مڏرامان ژیواین" تا مێڏانو ئاشتی بەردەوام بێ. چاکە فاڕیا پەی گلێرۆبییەی.

جە گلێرۆبییەکەینە دماو مڏراو دەقێوە پەی گەشمەرڏا، واتەواچەو دەس وەڵوستەو ئازادی عەبدوڵا ئۆجالانی کانتۆنو فراتی ئایشە ئەفەندیە قسێش کەردێ و دماو شەرمەزارکەردەو کۆمکەژییەکا کەناراوەکا سووریای واتش: "مشۆم ئیتر ئاشتی و ئارامی گرڏو سووریای گێرۆوە. گرڏو گەلوو سووریای دەس دلێ دەسەنە پەی ئانەی کۆشش بکەرا."

گلێرۆبییەکەی بە درووشموو "مڏرامان ژیواین" و " بژیوۆنە مڏرامان و قەسەدەی" دمایش ئاما.