هرووژم و دۆڵەتو تورکی ئەرەگیری هێزی قامیشلۆنە بی بە مەڵامەتوو گەشمەرڎەبیەی خالیدە محەمەد شێخۆی و کوڕەکەیش بەنامۍ عەدنان سلێمانی، هەرپاسە هرووژمەکەو سلێمانی جە ٢٣ ۍ ئابینە کە جە ئاکامەنە رۆنامەوانا گوڵستان تارا و هێرۆ بەهادینە گەشمەرڎۍ بیۍ، جە کۆبانێنە بە ڕاپیمایۍ شەرمەزارکریۍ.

**

ئەرەنیشتا کانتۆنو کۆبانێ جە مېڎانو ژەنا ئازاڎینە جە کۆبانێ گلێرۍ بیێوە و تا مېڎانوو ئاشتی ڕاپیمایشا کەرڎ. ڕاپیماکەی بە دروشمەو "بە ئیراڎەو ژەنۍ ئازاڎۍ ئێمە دمایی بە سیاسەتوو قڕکەرڎەی و ئەرەگیری مارمۍ" ئەنجامدریا و دروشمەو "ئەردۆغانی بکوژ"ی وچیاوە.

دماو ڕاپیماکەی گلێرۆبیەیۍ سازکریا و پەی یاڎکەرڎەیۆ گیانبەخشایا دەیەقێوە بە بێدەنگی مردۍ. ئەندامەو کۆردیناسیۆنو کۆنگرە ستاری جە کانتۆنو فوراتینە زۆزان بەکرە قسێش کەرڎۍ و ئەرەیاۋناش، بە هۆشمەنڎی ژەنی، ژیۋای، ئازاڎیی حەقەو گەشمەرڎا مسانمێوە.

زۆزان بەکرە ئانەش وست ڕووە کە جە ڕاو ئا هرووژماوە نمەتاویۆ ئیراڎەشا دلێنەبریۆ و بە هێزو ژەنا دمایی بە ئەقڵیەتو ئەرەگیری و جینۆسایدی مارمێنە.

زۆزان بەکرە واتش، "ئێمە حەقە جە ئەرەگیرا مکەرمێوە. پا هرووژما کە ڕووانە مکریا سەرو هەرێمەکاو سەرنیشت و ۋەرکۆتوو سوریای، نمەتاوا دمایی بە ئێمە بارانۍ".