ئەرەنیشتاو کانتۆنوو منبجی دژوو هجوومەکاو دەوڵەتی ئەرەگیروو تورکی ڕاشا پیما و واتشا:" متاومێ بە کۆشیای هامبەش، دژوو هجوومەکا ئەرەپڕمێ و کۆشیای ئازادیی گەلەکەیما، سەربوزمێ".
ئەرەنیشتاو منبجی، ئەنداماو ڕێکوزیایەکاو وێڕاوەبەریی دیموکراتیکی، پارتەکێ، ئەنجوومەنە وێمانەکێ، کەسایەتییاو کانتۆنەکا، جمیەروو گەنجە شۆڕشگێڵناو سووریای شەهبا و عەفریننە و ڕێکوزیایەکاو ژەنا دژوو هجوومەکاو دەوڵەتی ئەرەگیروو تورکی، ڕاشا پیما.
هیزیچ بۆمبێوە دلێ سەیارێوەنە تەقاوە، هاموەڵاتە خالیدە محەممەد شەریفەی (٤٥ ساڵ)ە و کوڕەکەش گەشمەردێ بیێ.ئیدارەو وێراوەبەریی دیموکراتیکی ئەرەیاوناش کە ئاژاوەگێڵناو دەوڵەتوو تورکی چی تەقایۆیەنە دەسشا بییەن.
ڕاپیمایەکە بازنەو میزانیوە دەسش پەنە کەرد،وێنیشانەدەرێ ڕسموو گەشمەرداو تەقایۆکەی و پانکارتوو:" تورکی فاشیست، هەڕەشێنە پەی سەروو ئاسایشوو جیهانی، با دژوو تیرۆری بمردمێوە" و " خەڵک یۆنێ و ئازارەکێچشا یۆنێ" بەرزێ کەردێوە.
ڕاپیمایەکە مەیدانوو ئەل سەفینینە بییەن بە جەمۆبییەی و چاگە هامسەرۆکوو جمیەروو گەنجە شۆڕشگێڵناو سووریای و کانتۆنوو منبجی، حسێن بەگاری ئەرەیاوناش: "هجوومەکاو دەوڵەتوو تورکی و بەکرێگیریایاش سەرنمەگنۆ و گەلاو هەرێمەکەی بەردەوام ڕێبازوو گەشمەرداشا هورچنییەن و تا ئازادیی جەسەیی ڕابەر عەبدوڵڵا ئۆجالانی بەدەس مارانە و گەلێ ستەموەنەکریێ جە سیستموو سەرمایەداری و دیکتاتۆری نەجاتشا مبۆنە، کۆشیایشا بەردەوام بۆ.
