کەمپوو پەنابەراو گەشمەردە ڕۆستەم جودی (مەخمور)ی،٢٠و تەمووزوو ٢٠٢٣ێنە پەی ئازادیی جەسەیی ڕابەروو گەلوو کوردی چالاکیی ئێشکگێری ملۆنە ڕاوە. گرد حەفتێوە ئێشکگیرییەکە بە نۆرە گرووپیوە مکەرانێشبارەو گرنگی و ئامانجوو چالاکییەکەیوە، ئەنداماو گرووپوو ٧٩ قسێشا پەی کەردیمێ.

'ئێمە تا ئاخر چەنی ئیرادەو ڕابەرایەتی و گەشمەرداما هەنگامە منیەیمێ'

ئەداو گەشمەردە دلۆڤان ئیشلەکی کە ١٧و تشرینو یوەموو سالێ وەڵینێ، کۆیەو سەر بەهەولیرینە بە هجوومێوە عاسمانی دەوڵەتوو تورکی ئەرەگیری تیرۆرە کریا، حەلیم ئیشلەکو جگە جە شەرمەزارکەردەی گۆشەگیریی سەروو ڕابەروو گەلو کوردی عەبدوڵا ئۆجالانی واتش:" تا هورگێرتەی گۆشەگیەی سەروو ڕابەرایەتیما، ئێمە بەردەوامێ بیمێ جە ئێشکگێری،وەروو ئانەیە ڕابەرایەتی دژوو ستەم و نادادی سەروو گەلوو کوردی مدرانۆ، ڕووبەڕوو بێڕیزیی بییەنۆ. چێش گرنگ بۆ پەی سەرۆکیما مکەرمێش،خاسا چی جیهان وەراوەروو ئا گۆشەگیرییوە بێدەنگەن؟ ڕابەرێتیما گەرەکشا گەلە بندەسەکەیش نەجات بدۆ، وەرەچەماو گردوو دنیێوە دەوڵەتوو تورکی کۆکوشیی مکەرۆ،کەس دەنگش چۆوە نمێ، ئێمە ناچارێنمێ پەی ڕابەریما پەی ڕابەریما هوربێزمێوە سەروو پایا و چەنی ئیرادەو ڕابەری و گەشمەرداما هەنگامە بنیەیمێ."

حەلیمە ئیشلیکە تیرۆرکەردەی ڕۆنامەنویسە ئازاداش سەیدسادەقنە شەرمەزار کەرد و واتش:" دەوڵەتوو تورکی و بارزانی و پەدەکەی یۆی مگێرا و ڕنامەنویسێ کۆکوش مکەرا،، ساڵەی وەڵینە چنی کوڕەکەیم لوایمێ پەی ڕانیەی،تا جلێ زەماوندێ پەی کوڕەکەیم بارمێ، کە یاوایمێ کۆیە بە فڕۆکەی بێفڕۆکەوان هجووم کریا سەرما و کورەکەم گەشمەردە بی. چ حەقێشا هەن سەرماوە، تا هجووم بکەرا سەرما، بەتایبەت هجووم مکەرانە سەروو ژەنا، فرەو ڕۆنامەوانە ژەنا مکەرانە ئامانج. ئا مافا چکۆنە ور مگێرا و کێ ڕاشا مدۆ پەنە؟ تا ئێمە زیندێ بیمێ شۆنکەوتێ سەرکیما و گەشمەردامانمێ و شۆنیشارە هەنگامێ منیەیمێ".

'پەی ڕابەرایەتیما وێما پەی گرد نۆعە چالاکیێوە ئامادە کەردەن'

چالاکە شرنەخە دەسنیشانش کەرد، ئامانجوو چالاکییەکەی ماڕای گۆشەگیریی ئیمراڵین و واتش:" ئێمە پێسەو ئەرەنیشتاو کەمپەکەی ئامادێنمێ، تا ئاخر ئینایمێ شۆنە و ئا میراتیوە، کە ڕابەری پەی جیا ئاستێنمێ، ڕژدێنمێ سەروو ماڕای گۆشەگیری، پێسەو گەلوو کوری بە ئەندێشەکاو ڕابەرایەتیوە مژیومێ و بەزیندەیی مازمێشاوە. ٢٠٢٤ مکەرمێ بە ساڵەو ئازادیی ڕابەر ئاپۆی. دەوڵەتوو تورکی چندە تەنگەتاو بۆ، چندە نزیک بۆوە جە دلێنەشییەی، ئاندە گۆشەگیریی سەروو ڕابەر ئاپۆی زیاد مکەرۆ، هومێدەوارێنمێ گرد یاگێونە چالاکیی قەوەتتەر، پەی ڕابەرایەتی بکریۆ، نمەبۆ وەراوەروو گۆشەگیرییوە بێدەنگی ورچنیۆ، حەر نۆعێوە بۆ ئا گۆشەگیرییر ماڕمێ.

ئاخرۆ واتش، دواو وەنەو گەلوو کوردی مکەروو، چکۆ مژیودی بژیودێ بەس نمەبیدێ کۆیلێ و سیخوڕێ دوژمنی، مەگندێ شۆنەو زەڕی. تاکەی بێدەنگی، مشۆم گەلوو کوردی زیاتەر وێش قەوەت بکەرۆ و یەکڕیز بۆ."

'مشۆم ئێمە دەنگوو وێما بیاونمێ گرد یاگێوە'

میکائیل ئیسماعیل ئۆرەماریشی چالاک واتش، "مشۆم گەلوو کورد ی پەی ڕابەری دنگ بەرز بکەرۆوە و بیاونۆش گرد یاگێوە و ڕابەری زیندانەنە ڕزگار بکەرۆ، ئاد ئێمەش هۆشیارێ کەردیمێوە، پەوکای ئێمە قەرزارێشنمێ، مشۆم سەرۆکایەتیما ئازاد بکەرمێ و زیندانەنە بارمێش بەر."