چالاکیی ئێشکگێری کە لاو دەسوەڵیوستەی ئازاڎیی پەی عەبدوڵڵا ئۊجالانیوە پەی ئازاڎیی جەستەیی ڕابەروو گەلوو کوردی عەبدوڵڵا ئۊجالانی شاروو ستراسبۊرگوو فەڕەنساینە ٢٥وو حوزەیرانوو ٢٠١٢ دەسش پەنە کەرد، ئی حەفتە چەنی گرووپێوە تازەی بەرڎەواما.

جە حەفتەو ٥٩٤وو چالاکیی ئێشکگێرینە گرووپێوە هەرێموو شارلێرۊی بەلجیکاینە چالاکییەکەشا ورگێرتەن،  گرووپەکە کەرەم ئاشکان، موتات قەرەسو، یوسف دەمیر، فەرهاد عوزمان و سەدات ئایدیننۍ.

کەرەم ئاشکان قسەکەروو گرووپەکەی سەرنجەش وستە سەروو گۊشەگیریی ڕەهای سەروو ڕابەروو گەلوو کوردی عەبدوڵڵا ئۊجالانی، واتش:"گۊشەگیری تا مۍ قورستەر بۊ."

ئاشکان واتش:" بە ئامایما پەی وێگەی داوا وەنەو ئەورووپای و ڕێکوزیای نەتەوە یۊگێرتەکا کەرمۍ، کە هەرمانەو وێشا بیاونا یاگۍ."

 گرووپەکە داواش وەنەو گەلوو کوردیچ کەرڎە، دژوو گۊشەگیری بلا سەروو جادەکا.