ئێشکگێریی ئازاڎی چەنی گرووپێوە جە دانیمارکۊ بەردەواما
چالاکیی ئێشکگێری، کە پەی ئازاڎیی ڕابەروو گەلوو کوردی، عەبدوڵا ئۊجالانی جە شاروو ستراسبۊرگوو فەڕەنساینە دەسش پەنە کەرد، جە حەفتەو ٥٨٨ چەنی گرووپێوە دانیمارکۊ بەردەواما.
'ئێشکگێریی ئازاڎی'، کە جە ٢٥وو حوزەیرانوو ٢٠١٢، لاو دەسوەڵیوستەی ئازاڎیی پەی عەبدوڵڵا ئۊجالانی، جە شاروو ستراسبۊرگوو فەڕەنساینە دژوو گۊشەگیری و پەی مسۊگەرکەردەی ئازاڎیی جەستەیی ڕابەروو گەلوو کوردی دەسش پەنە کەرد، پاش نیا حەفتەو ٥٨٨یوە چەنی گرووپێوە تازەی.
گرووپی وەڵین کە حەفتۍچێوەڵتەر سویدۊ بەشدارییشا کەردەبۍ، ئی حەفتەیە چالاکییەکەشا دا دەسوو گرووپێوە کە دانیمارکۊ ئامێبێنۍ، چالاکاو ئی حەفتەیە سادق چیفتچی، یاشار کایا و ئیسماعیل پۊلادنۍ.
سادق چیفتچی، قسەکەروو گرووپەکەی واتش، "ساڵانێوەن نەتاوانما زانیاری بارەو ڕابەروو گەلوو کوردی، عەبدوڵڵا ئۊجالانیوە ور گێرمۍو واتیچش: "ئێمە نیگەرانێنمۍ".
چیفتچی پەی ئازاڎیی عەبدوڵڵا ئۊجالانی و گەلوو کوردی داواو بەقوەتکەردەی و بەگوڕتەرکەردەی کۊشیایش کەردە. گرووپەکە هامکارییەکاو پەدەکەیشا پەی بۊ دەوڵەتوو تورکی ئەرەگیری شەرمەزار کەردۍ.
س.ز
