ئێشکگێری، "ڕێزگێرتەی جە ئیرادە"و جۆلەمێرگی، لاو گرووپێوە کە موش و وانۆ ئامێبێنێ بەشدارێ دەورەکەی بێنێ. میانەو چالاکییەکەینە پەیاموو "تا ئەنجام ورمگێرمێ بەردەوامێ بیمێ جە چالاکییەکاما" ئەرەیاونیا.
ناڕەزایەتی دژوو دەسملەرەگێرتەیی شارەوانیی جۆلەمێرگی بەردەواما. بە فەرمانە وقەراروو وەزارەتوو دلێ، پەی شارەوانیی قەیومی نریارە. ئێشکگێرییەکە بە دروشموو، "ڕێزگێرتەی وەنەو ئیرادەی" ٢٥و حوزەیرانیوە وەردەموو پارێزگاو جۆلەمێرگینە دەسش پەنە کەردەن و ڕۆو ٣مینە بەردەواما. گرووپەکێ مەنتێقەو ملازگاروو موشینە و مەنتێقەو وانەیوە ئامێبێنێ و نەوبەتەکەشا گێرت.
پەرلەمانتاروو دەم پارتی جۆلەمێرگی ئۆنوور دوشونمەز و ڕاوەبەراو دەم پارتیی جۆلەمێرگی خێرامای شاندەکەیشا کەرد.
بە چەپڵە بەرەو یاگێ ئیشکگێرییەکەی ڕاشا پیما و پانکارتوو، "ئێمە گۆشەگیری ورمگێرمێ و قەیومەکا مکیانمێوە" ورکریا. ڕاپیمایەکەینە دروشموو "جۆلەمێرگ خاکمانە، شارەوانی هەرمانەمانە"، "جۆلەمێرگ هینوو ئێمەن، شارەوانی هینوو ئێمەن"، "بژیوۆ مدرامانوو جۆلەمێرگی" و "مدرامان ژیواین" بەرزێ کریێوە.
میانەو چالاکییەکەینە محەممەد ساڵح ئۆزدەمیر ئەنداموو ئەنجومەنوو شارەوانیی ئەلباکی قسێش کەردێ و واتش: "ئادێ پەی ناڕەزایەتی بەروستەی وەراوەروو نیایرەی قەیومەکا ئامێنێ ئێگە و تا بەدەسئاردەی سەرکەوتەی بەردەوامێ بانە جە چالاکییەکاشا ئێمە هەڵوێستی ناڕەوا و نایاسایی قەیومەکا قبووڵ نمەکەرمێ.
دماتەر گرووپەکە نەوبەتەکەشا جە گرووپوو دووەمی ورگێرت و بەرەو بارەگاو دەم پارتی ڕاشا پیما.
