یەکێتی ژنانی ئازادی ئەلەگازێ لە ٢٨ هەمین ساڵیادی چالاکییە فیداییەکەی زەینەب کناجی (زیلان) لە ساڵی ١٩٩٦ دژی دەوڵەتی تورک، کۆبوونەوەیەکی ئەنجامدا. لە گۆڕەپانەکە وێنەی ڕێبەری گەلی کورد عەبدوڵا ئۆجالان و شەهید زیلان هەڵواسرا. یادەکە بە خولەکێک ڕێزگرتن بۆ گیانی شەهیدان دەستی پێ کرد.

لە یادەکەدا، لەسەر ناوی یەکێتی ژنانی ئازادی ناتالیان سابۆیان، هاوسەرۆکی کۆمیتەی کوردستان سیلۆ دربۆیان و باوکی شەهید ڕوکەن میلۆ، قسەیان کرد. تیشکخرایەسەر کەسێتی و چالاکییەکەی زیلان و گوترا: "لە کەسێتی شەهید زیلان هەموو شەهیدانی مانگی حوزەیران بیردەهێنینەوە، شەهید زیلان بۆ ئێمە هێڵی ئازادی ژن و گەلی کوردە".

هەروەها مناڵێک بە ناوی زیلان هەڵبەستێکی لەسەر شەهید زیلان خوێندەوە. یادەکە بە درووشمی "بژی سەرۆک ئاپۆ" و "شەهید نامرن" و "ژن، ژیان، ئازادی" کۆتایی هات.