'ئېشکگیری ئازاڎیی' چنی ئەنڎاما جمیەروو گەنجا ۋەردەواما
چالاکی ئېشکگیری پەی ئازاڎیی ڕابەر ئاپۊی، کە جە شاروو ستراسبۊرگی ملۊڕاوە، جە حەفتەو ٥٨٥ ەمینە چنی ئەنڎاما جمیەروو گەنجا ۋەردەواما.
'ئېشکگیری ئازاڎیی' کە جە ٢٥ حوزەیران و ٢٠١٢، بەسەرمەشقی و دەسوەڵېوستەی ئازاڎیی پۍ ڕابەر ئاپۊی، جە شاروو ستراسبۊرگ و فەرەنسای دەسش پنەکەرڎ، دژوو گۊشەگیری و پەی مسۊگەرکەرڎەی ئازاڎیی جەستەیی ڕابەروو گەلوو کورڎی، ۋەردەواما.
'ئېشکگیری ئازاڎیی' کە درېژ مەوداتەرین چالاکی کورڎین جە ئۊروپانە، جە حەفتېوە تازەنە چنی گرووپېوە جە ئەنڎاما جمیەروو گەنجا ملۊڕاوە.
ئەنڎامۍ گرووپەکەی پېکئامېنۍ جە باز کۊچەر، عەلی سەڤەنی و باغۊز حەسەکەی.
لاو ۋېشۊ باز کۊچەر بەنامۍ گرووپەکەیۊ سەرەتا سڵامش پۍ ڕابەر ئاپۊی و گەریلاکا ئازاڎیی کورڎسانی و گەلوو کورڎی کیاست.
کۊچەر ۋیرش ئارڎۊ ، ئا چالاکیە ١٢ ساڵېن جە مېڎانېنە کریۊ ، کە داموو دەزگاکۍ ئۊروپایش ئینۍ چنە و ۋاتش،"گۊشەگیری سەروو ڕابەر ئاپۊی مایەو ئېشین پۍ ئېمە، حەرپۊکەی چا بارۊ داوا جە گرڎوو گەنجا کەرمۍ، جە گرڎ یاگېنە مشۊم گەنجۍکورڎسانی، گەنجۍ جە ئۊرووپا ورزا سەروو پەیا، ئانەی پۍ ڕابەرایەتی دەسشانە مۍ درېخی نەکەراو کەراش، ڕۊ ڕۊو ورئېستەی سەرووپەیان".
