ئێشکگیری ئازاڎیی جە حەفتەو ٥٨٤ەمینینە ۋەردەواما
چالاکی ئێشکگیری پەی ئازاڎیی ڕابەروو گەلوو کورڎی، عەبدوڵا ئۆجالانی کە جە شاروو ستراسبۆرگی ملۊڕاوە، بە بەشداری گرووپېوە کە جە یەرۍ وڵاتپارێزا ڕێکوزیېوە فریاگوزاری پێکئامېنۍ، ۋەردەواما.
'ئێشکگیری ئازاڎیی'، کە جە ٢٥و حوزەیرانوو ٢٠١٢ بە سەرمەشقی دەسوەڵېوستەی ئازاڎیی پۍ عەبدوڵا ئۆجالانی، جە شاروو ستراسبۆرگوو فەڕەنسای دەسشپنەکەرڎ، دژ بە گۆشەگیری و پەی مسۆگەرکەرڎەی ئازاڎیی جەستەیی ڕابەرو گەلوو کورڎی، ۋەردەواما.
ئێشکگیرۍ ئی حەفتەیە پېکئامېنۍ جە سلێمان کولە، محەمەد ئۆکانی و موراد دەمیری، کە جە فەڕەنسانە هەرمانەی مرۆییۍ ئەنجام مڎا و بەنامۍ ڕێکوزیاکەیشاوە بەشڎارۍ جەچالاکییەکەینە کەرا.
سلێمان کولە، قسەکەروو گروپەکەی ئەرەیاۋناش، ڕابەروو گەلوو کورڎی، عەبدوڵا ئۆجالان ئینا چېروو گۆشەگیریۍ ڕەهاینە، مەتاۋیۊ زانیاری جە بارەشۊ هۊرگیریۊ. ۋاتیچش: "تا ئا وەختەی ڕابەرەکەما ئازاڎ بۊ، جە ئێشکگیریما ۋەردەوامۍ بیمۍ".
قسەکەروو گرووپەکەی، بێدەنگی کۆمیتەو ڕاگیری جە ئەشکەنجەی سەر بە ئەنجومەنوو ئەوروپای و دامودەزگاکا تەروو ئەورووپای، ۋەران ۋەر بە گۆشەگیری شەرمەسار کەرڎ و داواش جە ڕای گرڎی ئەورووپای کەرڎ، چا بارۊ بە وریاییوە مامەڵە کەرا.
هـ.ش
