تەڤگەروو ئازادیی بە بۆنەو ٥ەمین ساڵەوەگێڵوو گەشمەردەبییەی ئەنداموو کۆمیتەی ناوەندی پەکەکەی و ئەنداموو کۆنسەو سەرۆکایەتیی گردینوو کەجەکەی هەڵمەت گابار (دیار غەریب)ینە، کە ئەنجاموو هجوومی عاسمانیی دەوڵەتوو تورکی ئەرەگیرکەرینە قەندیلەنە گەشمەردە بی، بیناو نەجەدەکەینە ئۆسلۆو پایتەختوو نەرویجینە چالاکیێوی یادکەردەیوە کریا.  

چالاکییەکە بە دەیەقێوە ڕێزگێرتەی پەی بۆ یادوو گەشمەرداو شۆڕشوو کوردستانی دەسش پەنە کەرد.

نویسەر و سیاسەتمەدار جەلالەدین دلباش چالاکییەکەنە قسێش کەردێ و باسوو ئانەیش کەرد نزیکۆ ئاشناو گەشمەردە هەڵمەتی بییەن و واتش: "گەشمەردە هەڵمەت ساڵانێوی فرە لاو ڕابەروو گەلوو کوردی عەبدوڵا ئۆجالانیوە پەرەوەردە بییەبێ، گەشمەردە هەڵمەت هامڕایێ، شۆڕشگێڵنێ و ڕۆڵێوی گەلوو کوردیا. پانیشتوو کوردستانینە خەباتی گرنگی بنەڕەتییش کەرد و پاسە گیانش بەخشا. پێویسا بە شێوێوی قەوەت خاوەنداریی جە كۆشیای گەشمەردە هەڵمەتی بکەرمێ."

دماتەر بە نامێ تەڤگەروو ئازادییوە ڕووبار یوسفە واتش: "گەشمەردە هەڵمەت شۆڕشگێڵنێوی گەورە بێ. حەر بە گەنجی دژوو سیستمی قڕکەری کۆشیاینە بێ. پانیشتنە بی بە نوێنەروو یۆبییەی نەتەوەیی کوردی و وەڵاتپارێزنوو کوردی. دژوو  گردوو هجوومەکاو دوژمنی سەروو گەلوو پانیشتی کۆشیای و خەباتەنە بێ."

درێژەو قسەکاشنە ڕووبار یوسفە سڵامش وەنەو کۆشیای گەریلا ئازادەکاو کوردستانی کەرد و یادوو گەشمەرداو کۆشیای ئازادییش کەردۆ.  

چالاکییەکە بە تەماشاکەردەی سینەڤیزیونێو سەروو کۆشیای گەشمەردە هەڵمەتی دماییش ئاما.