هێلین ئومیدە سڵامش وەنەو کەمپینوو 'بە ژەنی، ژیوای، ئازاڎییوە بەرەو ئازاڎی'ی کەرڎ، کە جمیەروو ژەنە ئازاڎا (تەژەئا)ی دەس پەنە کەرڎەن و واتش، کەمپینەکە بە پاو ئا ستراتیژەیە، کە ژەناو کورڎی جە سەدەو ٢١یوە دیاریشا کەرڎەن. ئومیدە ئاماژەش پانەیە کرڎ، کە پەی سەرکەوتەی کەمپینەکەی مشۊم ئینسان فرەلایەنە کۊشییۊ و واتش، "مشۊم پاسە بۊ کە، حیچ کرڎەوە، هجووم و هەوڵداێوە وەراوەروو بەهاکاو ژەنانە کورڎستاننە بێجواب نەبۊ.

ئەندامەو کۊمیتەی ناوەندیی پەکەکەی هێلین ئومیدە بەشدارییش جە بەرنامێوە تایبەتینە کەرڎ، کە جە کەناڵوو میدیا خەبەریوە وەڵا کریاوە. ئومیدە سەبارەت پا کەمپینەیە کە جمیەروو ژەناو کورڎی وستەن ڕا، واتش جەنگێوە کە فاشیزموو دەوڵەتی تورکی دژوو گەریلاکاو ئازاڎیی کورڎستانی و گەلی کەرۊش، هامکاریی پەدەکەی چا جەنگە جەنگە چەپەڵەنە و چند بابەتێوە پێوەسبە سیاسەتی دیموکراتیکیوە قسێش کەرڎێ.

چەمپەنەکەوتەکەی هێلین ئومیدۍ پێسنەن:  

چەمکوو گۊشەگیری پەڕاوپەڕ گوزارشت مەکەرۊ چا کرڎەوا کە وەراوەروو ڕابەر ئاپۊیۊ کریا، گەلوو کورڎی، ڕاسیی ڕابەریەتی و هێزەکاو کۊشیای ڕووبەڕوو دۊخێوە لای سەریی ئانەیۊ بیێنێوە.  

ئانەیچش وست ڕووە، کە گۊشەگیری بە ماناو بڕیایرەی و جیاکەرڎەیۊ مۍ، وەلۍ دلۍ ناوەندوو قڕکەرڎەی و ئەشکەنجەو ئیمراڵینە سیاسەتێوە هەن، کە ئانەش ویەرنان، ڕێبەرایەتی وەڵتەرۍ تا دۊخوو ئیمراڵی بشناسۊ و پەی ئانەیە چانەیە بیاومێنە، کە چاگە ڕووە مدۊ  بڕۍ چەمکێش بەکارۍ ئارڎۍ، پەی نموونەی واتش، "من چێگە زیندانی و سزاڎریاێوە ئاسایی نیییەنا"، واتش، "ئێمە دەسوو سیستموو قڕکەرڎەی تورکیوە گیریێنمێ". هەرپاسە  جە گێڵنایۊ ڕاسیی ئیمراڵینە چەمکوو تابووتی و دارمەیتوو ئیمراڵییش بەکار ئارڎ.  مشۊم ئینسان زیاتەر سەروو ڕاسیی ئیمراڵی، کە جە ڕوەکاو پیلانگێڵنینە فرەو جارا پێسە سیستموو چوارمیخی نامۍ نریان و هەرپاسە سەروو کۊو ئا چەمکا مرڎۊ.  

هەستکەرڎەی بە سیستموو قڕکەرڎەی ئیمراڵی

چی  پێسنەن؟ وەروو ئانەیە بەڕاسییچ جە ڕاو سیستموو قڕکەرڎەی ئیمراڵیوە ڕاسیی سڕیەیۊیۍ، کە سەپییان هەن. ڕاسینە موازییۊ کە جە کەسایەتیی ڕابەرایەتینە کۊشیای ئازاڎیی گەلوو کورڎی پاکتاو کریۊ. سیاسەتوو سڕیەیۊ هەن، سیاسەتوو قڕکەرڎەی، پی مانۍ درێژەش پەنە دریۊ. هەرمانبەدەساو  دەوڵەتی ئانەشا وەختی جیانە و بە جیا باس کەرڎەن. واتش "ئێمە نەک جارێوە، گرڎ ڕوۍ وڕنمێش و مدەیمێش قەنارە". ئانەیچە دیارڎێوەن کە ئێمە پەنەش ماچمۍ سیستموو گۊشەگیریی ڕەهای یا ڕاسیێوە، کە ئێمە هەوڵۍ مدەیمۍ پێسە سیستموو قڕکەرڎەی ئیمراڵی پێناسەش کەرمێ.

ئێمە هەرپاسە واتما سیستموو چوارمێخەی و جەخاچدای. چوارمێخ چێشا؟ ئینسان زیاتەر جە ڕاسیی حەزرەتوو عیسایۊ جە چوارمێخەی و جەخاچدای میاوۊنە. پسماریشا دۍ دەس و قاچش و ورشا واست. بەڕاستی ئینە پاسە کەرۊ، کە شمە نەتاودۍ حیچ چێوۍ کەرڎۍ و ئینە فاڕییۊ پەی پڕۊسێوە ئێشکەرێ. ئانە مەرڎەۍ بەرڎەوام و ئەشکەنجاوین. ئا دیارڎە، کە ڕابەرایەتی گەرەکشا پێسە چوار مێخەی گوزارش جە سیستمەکەی کەرۊ.

ستاتۊو بەدیلگێرتەیچ هەن. ئینە بە ماناو ئامرازێوە. سیستموو  جینۊسایدی ئیمراڵینە پێسە سەروو یەرۍ قاچا و کۊڵەکا درێژەش پەنە دریۊ و دژوار کریۊ. لایەنێوە وێرانکەرڎەی و وڕناین، لایەنێوە تەر ئەشکەنجەدای، لایەنی یەرەمیچ بەکارئارڎەی کەرەسە و ئامرازەکان.

ئێمە چند مەعنایچش دەیمۍ هەڵای وەسۍ نییا، ئێمە چندە هەست بە سیستموو جینۊسایدوو ئیمراڵی کەرمۍ، ئێمە ئاندە متاومۍ بیاومۍ بە هەقیقەتوو ئا سیستمی.  گرڎوو ئانیشا زیندانیۍ کریا،  بە ڕێژێوە دیاریکریا جە گلێرگەی بڕیارە، شارییاوە. ڕاسینە پەروەرڎێوەن، کە سیستمی سەرجەنۊ ئامادە کەرۊوە. زیندان و گێرتەخانەکۍ پەی ئانەیە ئەرەمەرزیێنێ. وەلۍ چێگەنە چێوۍ تەر هەن، کە سیستموو ئیمراڵینە ئامان ئاراوە.

گەلوو کورڎی، ژەنی، گەنجۍ گرڎ ڕوۍ، کە ملۊ  زیاتەر درک پا دۊخەیە کەرا. وەختۍ مدیەی پەی دماڕۊی، حیچ دۊخێوە ڕژێمی قڕکەرڎەی ئیمراڵی بە ئاسایی مەزانۊ. یا گرڎ کەس خاس میاوانە کە ئا قۊناغ و پڕۊسە یاسایی و ئاسایی نییا.

فرە پرسیارێچ کریا، ئیمراڵینە چێش ڕووە مدۊ، ئایا ژیوای ئیمراڵینە چەنینا، ڕابەرایەتی جە چە بارودۊخێوەنە زیندانیی کریان. وەختێوە بابەتەکە ڕێبەرایەتی بۊ، گەل ئامادە بۊ. پەی ئانەیچە جە گرڎ فرسەتێوەنە گرڎ نۊعە چالاکیێوە کەرۊ، گەلوو کورڎی سەرباروو فشار، ستەمی و زۊرڎاری بەروو وەڵاتینە تا هەر چوارپارچەو کورڎستانی  گرڎ یاگێوەنە پەی ڕابەرایەت ئینۍ چالاکینە. گرڎ لایۍ پەرۊشێنۍ، ئێمەیچ پاسنێنمی.

ڕابەرایەتی گرڎ چێوۍ وێش پەی بییەی گەلەکەیش بەخشان

ئانۍ گەرەکشانە جە ڕژێموو قڕکەرڎەی ئیمراڵی بیاوانە، بزانا کە ئیمراڵینە چێش ڕووە مدۊ، با تەماشەو دۊخی سیاسی، سەروازی و کۊمەڵایەتی کەرا. دۊخوو ئیمراڵی و جبەری فرە جیاوازۍ نییەنۍ جە یۊترینی. ڕۊ دماو ڕۊی خاستەر ئانە وینییۊ. کرڎەوە، سیاسەت و مامەڵەکاو جینۊسایدی ئیمراڵینە بەرڎەوامێنۍ، ڕاستەوخۊ فاڕییا پەی سیاسەتی دژوو گەلی، ژەنی، گەنجۍ و هێزەکاو دیموکراسی.

ئێمە باس جە هەقیقەتوو ڕابەرایەتیێوە کەرمۍ، کە گرڎ چێویش بە کورڎا بەخان. تاریخوو گەلای تەریچ ڕابەر، سەرمەشقی سیاسی/ سەروازییشا هەن. وەلۍ هەقیقەتوو ڕابەرایەتی کورڎستاننە ئانەن، کە ئایدۊلۊژیا، هەستیاری، سیاسی و کۊمەڵایەتی، تەنانەت گرڎوو خانەکاش و ساتەکاو ژیوایش بە کۊشیای بە بییەی کورڎا بەخشان.  من پێسە کەسێوە شایەتی مدەونە و ماچوو. جە هەناسەدای و سەیایۊیۊ تا وارڎەی، وەرمۊ تا لوایڕانەی، چالاکیی کۊمەڵایەتییوە، تا دابینکەرڎەی وچکلەترین پێویستیی ژیوای، گرڎ چێوێوە وێش پەی وەڵیوەلوای  کۊشیای بییەی و ئازاڎیی کورڎا بەخشان. ڕێبەرایەتی واتش، "منیش ڕاسینەی کۊمەڵایەتی و سزاڎاینە مژیوو". ماچۊیچ کورڎۍ کە جینۊساید کریا، هەمان وەختنە هجووموو  پاکتاوی کرییۊ سەروو ڕابەر ئاپۊیچ. هەمان ئا هجوومە کۊلۊنیالیستیانە سەروو کورڎاوە سەپییۊ، سەروو ڕابەر ئاپۊیچۊ هەن. جە دڵی پاک و بێگەرڎیوە، کورڎی وینی، ڕابەر ئاپۊیچ وینی".

ڕابەر ئاپۊ چەمپەنەکەوتەێوەنە واتەبێش: "شمە پەی من کەمپینە ساز کەرڎۍ، دەس بە هەڵمەتۍ پەی ئازاڎیی من کەرڎێ. وەلۍ دۊخوو شمە جە هینوو من خراپتەرا.  وەروو ئانەیە مەزاندۍ شمە ئینایدۍ چە دۊخێوەنە، هجوومێوە پاکتاوکاری چەنی کریۊ سەروو شمە. شمە مەزاندۍ کە چیشەنە مژیودێ. وەروو ئانەیە شمە پا هجووما، کە چارەنویسا مژیودێ". ڕابەر ئاپۊ بە گرڎوو ئانیشا، کە گەرەکشانە چێویشپەی کەرا، واتش: "شمە ئوەەڵ چێوۍ پەی وێتا کەرڎێ".

ئەو سەرڎەمە کە ئێمەش ئیایمۍ چەنە، مشۊم ڕابەر ئاپۊ جە ناوەندوو کۊشیایمانە بۊ. مشۊم گرڎ چێوۍ پەی ئازاڎیی ڕابەر ئاپۊی کریۊ و سیستموو قڕکەرڎەی ئیمراڵی ورشنییۊوە. پەی ئانەیچە چێشما جەدەس بۍ و پەنەما کریۊ مشۊم کەرمێش، وەلۍ مشۊم بزانمۍ ئایا پەی وێمانە . زیاتر جە گرڎ کەسێوە کورڎۍ، ژەنۍ و گەنجۍ پێویسشا پانەیە هەن.  گرنگا کە ئێمەیچ ئازاڎی ڕابەر ئاپۊی و دۊخوو وێما پێسە یۊی پەنە کەرمۍ، ئننا مشۊم قوربانییۍ و فیداکاریۍ کریا، هەوڵۍ وزیا هەرمانە، ئانۍ بە نیەتی خاسۊ کریا، وەلۍ نەتاوا وێشا جە چنگە و چەپۊکەو قڕکەرڎەی ڕزگار کەرا. ئانە چنگە و چەپۊکێوە چانێنە، کە لایەنی میاننەتەوەییش هەن، لایەنی هەرێمایەتییش هەن، کورڎۍ خائینۍ و هاوکارۍ هەنێ. کورڎایەتیی ئازاڎ، جەنگ پەی بیەی و ئازاڎیی کورڎان، کۊشیای زیاتەر پەی ئازاڎیی جەسەیی ڕابەر ئاپۊی، پەی خاستەر یاواینەی جە سیستموو قڕکەرڎەی ئیمراڵی بیاوانە و ئندەو یاواینەی چانەیچمشۊم  ئێمە  دژش کۊشیەیمێ.

ڕەنگدایۊ ڕژێموو ئیمراڵی سەروو کوردا

ئێمە بە پاگێرتەیرەوە ماچمێ؛ کورد، ژەنی، گەنجۍ، ڕەنجدەرۍ، چەوسیێوەکۍ ڕۊ دماو ڕۊی خاستەر بارەو بارەو سیستموو ئیمراڵییەوە هۊشیارۍ باوە. چی؟ جیای ئانەی گرڎ ئانەشا دی. هەرکە ئیمراڵینە بەرەکۍ وزیێرە، حیچ هەواڵێوە جە ڕابەر ئاپۊی بەدەس نەوزیا؛ فاشیزم کورڎساننە، زیاتەر بەرکەوت و پەلامارڎەر بی.

گەرەکشانە سیستموو قڕکەرڎەی ئیمراڵی  فاڕ‌اوە پەی چوارلاو کورڎسانی. درێژە بە قڕکەرڎەی کوردا بدا. ڕوۍ نییا هجووم  نەکریۊ سەروو کوردا و کوردۍ تیرۊرۍ نەکریا. بە بەهانۍ جیا جیێوە گرڎ ڕوۍ  کوردۍ  کورڎساننە کوشیا. گەرەکشان حیچ ژیواێوە پەی کوردا نازاوە.

گلێرگەو تورکیای ژەعراوی کریان

وەختۍ پیلانگێڵنیی میاننەتەوەیی کریا، ڕابەر ئاپۊی واتش، "پیلانگێڵنیەکە ئنڎە دژوو گەلوو کوردین، ئاندەیچ دژوو گەلوو تورکین . گەرەکشانە ئایندەو گەلاو تورکیای تاریک کەرا و ڕاگێری جە قەوەتبییەیشا کەرا". دماو ئا قۊناغاو چارەسەری، گرڎوو ئانیشا بە کودەتا، جە ڕاو ناوەندەکاو گلادیۊیۊ دلۍ سیستمیوو جەنگی تایبەتوو تورکینە کەوتۍ جموجووڵۊ، بەر کەوت کە ئا هێزە جەنگش ڕێک وستەن، پاسە بەرڎەنش ڕاوە حەرگیز ویرێش جە چارەنویسوو گەلاو تورکیای نەکەرڎەنۊ. بەتایبەتیچ گەلوو تورکی. بدیەیدۍ، ئارۊ گلێرگەو تورکیای پێسە وێش ویرۍ چی  دەوڵەتا کەرۊوە.  وێش پەی وێش سەرەکیتەرین دروۍ نەتەوە-دەوڵەتی ئامێتەکەرڎەی نەتەوەین چەنی دەوڵەتین. چێوۍ چانەشا وەش کەرڎەن کە؛ دەوڵەت دەسوو چند کەسێوە دۊڵەمەندی و چند پێکئامیوە ئۊلیگارشیکینە بۊ.

دەوڵەت گرڎ یاگێونە ئامێرو خەرجکەرڎەین، وەلۍ بە بەهانۍ جەنگی دژوو کوردا تورکیا و کورڎساننە گەلوو تورکیایش وستەن دلۍ قەیرانێوە ئابووری. وەلۍ وەشڵەی حەر پینەیۊ سنووردار بیۍ. وەڵەی ئانە تەنیا بە هەژاریی ئابوریوە سنووردار بیۍ. چێوۍ دژوارتەرۍ ڕووە  مدا، ئادێچۍ جە لایەنی ئەخلاقییوە تووشوو وڕیای بۊ. تا گلێرگەو تورکیای دژوو کۊشیای بییەی گەلوو کوردی هامکاری کەرا، بکەن، پا فرتوفێڵە چەپەڵا ڕووبەڕووۍ باوە! ئا گەلە هەزاران ساڵە چی جوگرافیانە پێوە مژیومۍ، وینمۍ کە حیچ چێوۍ جە تورکا نەمەنەنۊ.

جەنگ گلێرگەو تورکیای و هەم دەوڵەتیچش  وڕنێنێرە

پەی نموونەی کێشەو پەنابەرا، وەختۍ دۊخوو ئا کەسا وینمۍ، کە بە جەنگ ناچارۍ بیێنۍ  پەی سوریای کۊچ کەرا، وینمۍ ئارۊنە یەک جە پەرسە گەرمەکاو تورکیای ئینەنە. بناغەو نەژادپەرسی  وەرانوەروو گەلانە، کە یاگەکای تەرۊ مەیا، جە هەڵوێستی پیلانگێڵنانەی وەراوەروو بونیادنیای کۊماری دیموکراتیکی، کە بۊ بە گەلاو تورکیای بۊ بە پڕۊژەو پێوەژیوای، سەرچەمە گێرۊ. پیلانگێڵنی پەی ڕاگێریکەرڎەی جە دیموکراتیکبییەی کۊواری بەرڎەواما. سیستموو جینۊسایدوو ئیمراڵییچ بەشێوەن چانەیە.  

جە ڕاو سیستموو جینۊسایدوو ئیمراڵییوە، گلێرگەو تورکیای زیاتەر جە  نرخەکاو ئازادی و دیموکراسی دوور وزیاوە، بۍ ئیرادە کریا و چۊکێش پەنە دریێرە.  

مشۊم تورکەکۍ زیاتەر وێشا بە ساعیبوو ڕابەر ئاپۊی بزانا

ڕۊشنویرۍ، هونەرمەندۍ، کەسۍ ساعیب ویژدانۍ، کرێکارۍ و ڕەنجدەرۍ تورکیای مسۊم زیاتەر جە ڕابەر ئاپۊی بیاوانە و وێشا بە ساعیبش بزانا. متاوو بواچوو، کە زیاتەر جە گەلوو کوردی، ئادۍ پێویسشا پادی هەن. وەروو ئانەیە گەلوو کوردی کەمیچ بۊ مزانۊ، کە ڕابەر ئاپۊ پەی ئادیشا بە چە مانێوەنە، لاو کەمیوە هەستش پەنە کەرۊ. ئانە جە ٥٠ ساڵی ویەرڎەنە هۊشیاریی گەورەش ئارڎەن ئاراوە. جیهان ئانەیە قبووڵ کەرۊ، کە کورد سیاسیترینێنۍ. مزانۊ کە چۊنە چێش کەرۊ. مزانۊ کە هەم وانە بدۊ بە دەوڵەتی و هەمیچ گلێرگەی. گەلوو کوردی هەقیقەتێوە چینەش هەن. وەلۍ گەلاو تورکیای بۊنەو نەتەوەپەرەسی و نەژادپەرسیوە ژەعراویۍ بیێنۍ و ئانەیچە دەسشاوە مەنەن جەدەسش مدا.

ئانە کە  بەدیلگێرتەی ڕابەر ئاپۊیش سەروو هێزە میاننەتەوەییەکارە سەپنا پەدەکەن

وەختۍ ئینسان هەوڵی مدۊ، کە ڕژێموو جینۊسایدوو ئیمراڵی هەست کەرۊ و شیکارییش کەرۊ، مشۊم ئینسان جە دۊخوو گرووپە هامکار و دارڎەسەکاو کوردی خاس بیاوۊنە. گرووپە دارڎەسە کورڎەکۍ تارێخەنە چە دەورێوەشا هەن، چێششا کەرڎەن چا سەد ساڵەو دمایینە کۍ گەرەکش بییەن دەورۍ چانە وینۊ و چەنی ئامان وەڵێوە، مشۊم شاڕستە و سەردێڕ بە سەردێڕ واتەواچش سەرۊ کرییۊ. وەروو ئانەیە جە ڕووەو مەژگی و ویرکەرڎەیۊوە ئاڵۊزییوە هەن.

ئا هێزە کە گێرتەی ڕابەر ئاپۊیش پێسە پێویسی ملوو هێزە میاننەتەوەییەکارە و دەوڵەتی تورکیرە سەپنا پەدەکەن. ئادۍ ئینەشا جە ڕێککەوتەی واشنتۊنینە کەرد. کۍ مزانۊ چە کرڎەوێوە تەری چەپەڵ هەن. ئاهێزە سەرەکییە، کە هەوڵۍ مدۊ ڕابەر ئاپۊ  گنۊ دلۍ سیستموو قڕکەرڎەی ئیمراڵییوە و گۊشەگیری ڕەهاش سەرۊ پەیڕەو کریۊ، پەدەکەن. پەدەکە هێزێوەن، کە ڕاگێری جە وەڵیوەلوای کۊشیای ئازادی کورڎساننە کەرۊ.  ئانە دەور و هەرمانەو ئادینە. ئێمە باس جە ئەرەمەرزیێوە کەرمۍ، کە وەڵۍ ئەرەمەرزیای پەکەکەینە جە کوشتەیی سەعید قرمزیتۊپراکینە دەورش بییەن.

ئەگەر  ئینسان دژوو خیانەتی مردۊوە، قەوارەو هەرێمیچ پارێزییۊ

مشۊم ئێمە ئەقڵیەتوو پەدەکە/بارزانی تارێخنە بنیەیمۍ خاک. بە نامۍ کوردایەتییوە ڕاگێری جە وەڵیوەلوای کەرۊ، پێسە مامەڵەکەرڎەی بە نیەتی خاس هەن ئارانە؛ ئادیچ هێزێوە کوردیین، پێویسا بییەی وێش نیشانە بدۊ. ئەگەر باس جە گەلێوە قەراخوو جینۊسایدی و دلێنەشییەینە کەرمۍ، مشۊم کە جیاوازییش بەینەنە بۊ، بەدڵنیاییوە مشۊم هێزۍ جیاجیێچ با. وەلۍ پا ڕاددە دوژمنایەتی وەراوەروو وێش، شناسنامەیش، گەلیش، بەهایەکاش، ئا گرڎوو سات و سەودا و بازرگانییە پۊشاوە، هەوڵدای بە درێژەدای بە مەنەیۊش ڕاشاوە.. هەڕبەسەری بۊ! ئینسان تاوۊ تەنیا ئانەیە بواچۊ. چی ڕووەوە پەی گرڎوو کوردا، گەلوو کوردی، پەی گرڎوو ئانیشا گەرەکشانە پەی گەلوو کوردی کۊشیا و ئانۍ نیاز و نیەتی خاسشا هەن، من ئانەی بە هونەرمەندا، ڕۊشنویراو کوردی ماچوو ؛ مشۊم جە کەسایەتیی بنەیانەو بارزانیینە بەدڵنیاییوە دژوو خیانەتی وەراوەروو کۊشیای کورڎسانی مرداوە. گەر ئانە کریۊ، فرەو چێوا فاڕییا. ئەگەر ئانە کریۊ قەوارەو پانیشتی و شۊڕشوو وەرنیشتی پارێزییا. دلۍ سیستموو میاننەتەوەیینە کورڎەکۍ یاگێشا بۊوە، ئانە وەڵۍ پانەیە گێرۊ پەدەکەن.

ئا کەمپینە لاو تەڤگەروو ژەناوە دەسش پەنە کەرڎەن، پەی سەدەو ویس و یوەمین

سڵام وەنەو کەمپینوو بە ژەنی ژیوای ئازادی بەرەو ئازادی کەروو، هومێدوو سەرکەوتەیش پەی موازوو. گەرەکما باوڕوو وێم بە سەرکەوتەی بەروزوو. بنەڕەتیتەرین دینامیکوو کۊشیای ئازادی کورڎساننە ژەنینۍ. پی مانۍ ئی قەرارەو تەڤگەروو ژەنا سەرنیشتوو کورڎسانینە چی وەختە هەستیارەنە، پەڕ مانان.

ئا وەختە سیستەموو قڕکەرڎەی ئیمراڵینە تند بۍ، ژەناو کوردی خاس چۍ چیوەیە یاوێنە؛ تا هجووم پەی سەروو ڕابەر ئاپۊی زیاتەر بۊ، هجووم پەی سەروو ژەنا زیاتەر بۊ. چا وەختۊ زانیاری جە ڕابەرێتی ور نەگیریان و پەیوەندییش چەنی  پڕچییان، ستاتۊو ژەنا دماکەوتەن. سەروو بناغەو سیستموو قڕکەرڎەی ئیمراڵی، ڕژێمی فاشیست تورکیانە، فاشیزموو ئاکەپە-مەهەپەی نەک تەنیا دژوو ژەناو کوردی، بەڵکوم دژوو گرڎوو ژەناو تورکیا جەنگێش دەس پەنە کەرد. ئیساتۍ ژەنی ئینۍ چێروو هجوومی تندینە. نزیکەو گرڎ ڕوۍ کوشتەی و کۊکوشی ژەنا و هەراسانکەرڎەی و دەسدرێژیکەرڎەی ڕووە مدۊ.

ئەگەر شۊڕشێوە تورکیانە ڕووە بدۊ، فاڕیای و فاڕیای دیموکراتیک ڕووە بدۊ، سەروو بناغەو ڕاسیی ژەنۍ گەشە کەرۊ. ژەنی متاوا تورکیای فاڕا. بەدڵنیاییوە ئانە ڕۊشنا، ڕەهەندێوە چانە چی کەمپینەینە هەن.  

مشۆم هجووموو سەروو بەهاکاو ژەنا جواب بدریاوە

ژەناو کورڎی ٣٠-٤٠ ساڵێن جوگرافیاو کورڎستانی، سەرنیشتوو کورڎستانی فاڕا. پی هەنگامۍ قۆناغێوە کۆشانی جیددی تورکیانە دەسش پەنە کەرڎ. مشۆم ئینسان هەرمانە پەی سەرکەوتەی کەمپینەکەی کەرا. ئەرەیاونای کەمپەینەکەی وەسۍ نییا؛ تا ئینە پراکتیکی بۆ، ئینسان مشۆم فرە خاس ڕێکوزیا بۆ.  ژەناو کورڎی ئەزموونێوە چانەشا هەن. تەڤگەروو ژەناو کورڎی سەرنیشتنە کورڎستان میراتێوە فرە گرنگش هەن. پێویسا، حیچ کرڎار و هجووم و پاشێلکاریێوە وەراوەروو بەهاکاو ژەنا کورڎستاننە، بێجواب نەمەنۆوە. ئەگەر بە پاگێرتەیرە و ئیرادەوە بەرڎەوام بۆ، ئەنجامش بۆ. پەوکای ڕەواتەرین کۆشیای جیهاننە کۆشیای ئازادیی ژەنان. حەر ژەنێوە ئاگامەندە مەبۆ ئی دۆخەو ئیسەیە قبووڵ کەرۆ. ئی سیستەمە نۆعێوەن سەروو موڵکبییەی ژەنۍ ئەرەمەرزییان. سەروو ئامادەکرڎەی ژەنا پەی بۆ سیستمێوە پیاسالاری و پێشکەشکەرڎەیشا بنیات نریان.

گەرەکشانە ژەنی ئینەیە پێسە چارەنویسی و ڕاسیێوە سرووشتی قبووڵ کەرا. بە پاو فۆرمولەی ئەفسووناوی "ژەنی، ژیوای، ئازادی" کە سەروو بناغەو ژەنۆلۆژی گرڎ یاگێوەنە کاریگەری منیۆرە. ئێمە پێسە ژەنۍ زیاتەر جە نان و ئاوی پێویسمان بە زەمینێوە ئازادی چینەین.  

دوژمن پەتەش پڕچنێنە

جەنگ  و وێرانکاری هەرێمەکاو  پارێزنای مەدیاینە بەرڎەواما. وەڵتەریچ واتما دوژمن جەنگنە گیرش وارڎەن و هەوڵۍ ڕزگارکەرڎەی وێش مدۆ ئێمەیچ وەرڎەموو ڕاسیێوە پاسە قڕکەری و ستەمکاری و ئەرەگیرینە مرڎێنمۍ. هەرێمەکاو پارێزنای مەدیاینە، چالاکیی تازە و کاریگەر ملۆ ڕاوە، وەلۍ جەنگەکە تەنیا هەرێمەکاو پارێزنای مەدیاینە نییا. بڕۍ لاێچ زیاتەرا، وەلۍ بەتایبەتی بە سەرمەشقایەتیی ستەمکار و قڕکەروو تورکی، جەنگ گرڎوو پارچەکاو کورڎستانینە دژ بە کورڎی کریۆ.

نامۍ سیاسەتی جەنگا

من ئینەیە پەی گەلی ماچوو؛ پەی گەلەکەیما، گەنجا و ژەنا. چونکوم واقیعێوە چانە کورڎستاننە نییا. کورڎستاننە جەنگ هەن. بەڵۍ ئێمە باسوو جەنگی جیهانی کەرمۍ. جیهاننە جەنگ هەن. ئێمە تەنیا باسوو جەنگی پەی کورڎا کەرمۍ. وەلۍ ڕاسییەکە ئانەن جەنگ لە کورڎستاننە ورگیسییان، جەنگ خودوو سیاسەتین. ئانۍ کە ماچا بەبۍ جەنگ متاومۍ سیاسەت کەرمۍ غەڵەتێنۍ. سیاسەت جەنگێوە تووڕەن، سیاسەت جەنگێن گیسییاننە. وەرکەوتوو دلێڕاسەینە چی سەرڎەمەنە، نامۍ سیاسەتی جەنگا. پێویسا گرڎ کەسێوە چی پەیوەندییەنە سەرنجە بدۆ، نرخنای وێش کەرۆ، یاگۍ وێش دیارییە کەرۆ، بزانۆ چکۆ مرڎان.  

 

جە بەجڤاکبییەی کۆشیای ئازادی تەرسا

جەنگوو هەرێمەکاو پارێزنای مەدیای بییەن بە جەنگێوە فرە ئاڵۆز. بی بە مەیدانوو جەنگی، کە هێزە کۆنەپەرس و ئازادیوازەکۍ تورکیا و کورڎستاننە کوۍ باوە. دەبنەوە. چی خاڵێنە متاوو ئینەیە بواچوو مدرامان، کۆشیای، جەنگ؛ جەنگوو وێپاریزنای بەرڎەواما. هەڵوێستوو گەریلای هەرێمەکاو پارێزنای مەدیاینە ئینا چی ئاستەنە.

 

بە ڕێزۆ یادوو هامڕا ئاخین موشی و ٣ هامڕایەکاش کەرووە، کە ئامەدنە گەشمەرڎۍ بیۍ. هامڕا ئاخینە بەڕاسی یووە بۍ جە فەرماندە دەگمەنەکاو تەڤگەروو ئازادیی کورڎستانی. هامڕا ئاخینە نموونۍ نەرمونیانی و وێگەرەکنەبییەی  و سادەیی کەسایەتیی و قووڵایی بەها وڵاتپارێزنییەکا بۍ. هامڕێوە فرە جوانەما جەدەس دا. جارێوە تەر وەعد مدەیمۍ کە جە کەسێتیۍ وێمانە و کۆشیای وێمانە بە قووڵکەرڎەیۆ ئا زانست و بەها و هەڵوێستەیشە کە بە میرات پەیش جیا ئاستیمۍ، بەرەو سەرکەوتەی بەرمێش.

ئامانجشا ئانەن کە کورڎە شەرەفمەند و ئەرەمەرزیایەکا هەولێرنە بەر کەرا

بە ڕێزۆ یادوو هامڕا گەشمەرڎە دەنیزجەودەت بولبونی کەرووە

وەڵتەر باسما جە کەسێتیی هاکان فیدانی کەرڎەن، ئاما و بڕۍ کۆبییەیوێش کەرڎۍ، دیارا درێژە بە هەرمانۍ هەواڵگێریۍ وێش مدۆ. پێسە وەڵتەر هجوومش پەی سەروو نوێنەرە سەرمەشقاو  گەلوو کورڎی ڕێک وستەن.

تەنیا بە هجووموو سەروو نویسگەی کەنەکەی هەولێرنە مەمرڎۆ، کوشتەی هامڕا دەنیزیوە مەمرڎۆ. یۆ جە ئامانجەکاشا دووروستەیۆ سەرجەموو ئەرەمەرزیا کورڎییەکان چی هەرێمەنە. گەرەکشانە واچا جە سەدەو لۆزانینە مەتاوا هەولێرنە مەناوە، چونکوم کەنەکە لۆزانش پێسە پەیماننامەو قڕکەرڎەی ئەرەیاونا و خەباتوو یۆبییەی نەتەوەییش وەش کەرڎ دژوو لۆزانی.

پێویسا سیاسەتی دیموکراتیک وێش کەرۆ بە تاکە ورچنیا

مەیدانوو سیاسەتی دیموکراتیکی مشۆم بەڕاسی بۆ بە مەیدانێوە دیموکراتیک. پێویسا بۆ بە نموونەو سیاسەتی و دیموکراسیی بەشداریوازی. ئینە چەنەوینای منا، ویەرڎەنە خاڵۍ لاوازۍ چی بوارەنە  فرۍ بیێنۍ، هێزی دیموکراتیک و چەپ و سۆسیالیست مەتاوا بە سیاسەتوو پارتە ئۆپۆزسیۆنەکاو دلۍ سیستمی پێسە جەهەپەی سیاسەت کەرا. وەختۍ هەوڵۍ سیاسەتکەرڎەی چانەیە مدا دەسچنگەرایی، دەسەڵاتوازی، میتۆد و پەیوەندییەکاو سەروەریوازی بەرۍ گنا.

یۆ جە توخمە بنەڕەتییەکاو چەپی، بنیاتنیای یۆبییەین. نوێنەروو چەوسیاوە و هەژار و مافوریایان. مزانا کە ڕێکوستەی بە ماناو هێزی مۍ. پەوکای متاوا مەیدانوو سیاسەتی دیموکراتیکی فاڕا پەی مەیدانوو یۆبییەی و هامپەیمانی. متاوا جە نەریتی دیموکراسیینە پێوە مامەڵە کەرا و بۆشایی سیاسەتی تورکیانە پەڕ کەراوە.

س.ز