ئا هەلیکۆپتەرەی سەرۆککۆمارو ئێرانیش چنەبۍ، وێرەگاو ڕۊو یەکشەممەی جە مەنتیقێوە سەختی کەش و کۆو پارێزگاو تەورێزینە کۆتەرە واری. دماو چنڎین سەعاتا گێڵای هەلیکۆپتەرەکە بە مەڕیایی ئێزیاوە.

میدیای ڕسمی ئێرانی وەڵاش کەردۆ، هیچ کام جە سەرنشینا هەلیکۆپتەرەکەی زینڎۍ نیەنۍ و کاربەدەسا ئێرانی وەڵاشا کەردۆ کە رەئیسی و عەبدوڵاهییان و تەماموو ئا کەسا کە چنیشا بیێنۍ گیانشا جە دەسدان.

بەپاو دەستوروو ئێرانی، جە ئەگەرو مەردەی، دەس جە کارکێشتەیۆ یا نەمەنەو سەرۆککۆمارینە جە پۆستەکەشەن بە هەر مەڵامەتۍ، یاگەگیری یووەم بە رەزامەنڎیی رابەروو باڵای ئایینی سەرۆکایەتی دەسەڵاتی جابەجێکاری گێرۊنە دەس و مشۊم جە ماوەو ٥٠ ڕووانە هۊرچنیەی سەرۆکایەتی کۆماری بلۆڕاوە.

محەمەد موخبیر یاگەگیری یووەم و ئیبراهیم رەئیسی بە شێوۍ وەختی ئەرکەکاو سەرۆککۆماری بەرۆڕاوە.