فەرماندەیی قەرارگەی ناوەندیی یەژاستاری ئەرەیاوناێوەش وەڵا کەرڎۊ و هەڵمەتەو ١٥و ئابیش وەنەو ڕابەروو گەلوو کوردی عەبدوڵڵا ئۊجالانی، گەلوو کوردی وەڵاتپارێزنی و گەریلاکا، کە بەگیانبازی گرڎوو سەنگەرەکاو مدرامانینە جەنگ کەرا، مەبارەکە کەرڎە.

جەئەدابییەیۊ و سەرەتاو سەرڎەموو کوردیی ئازادین وەرکەوتوو دلێڕاسەینە

ئەرەیاونایەکە ئینەن:

"هەڵمەتەو ١٥و ئابی هەمان وەختنە ئەرەپڕاێوە سەرڎەمیانەن، کە جە ڕووەو ستراتیژی و تاکتیکییوە خەتەو سەرکەوتەی سەروازیی ئێمەش دیارییە کەرڎێنە، ڕێبازوو دایوەنەی گەریلایی ئاپۊیی گیانبازییش دەسنیشانە کەرڎێنە. نەخشەڕاو گرڎ کورڎێوە شکۊمەندی و وێگێرینە.

وەختوو جینۊسایینە کە گەلوو کوردی جە ڕووەو بییەی، کولتووری و شناسنامەیۊ قەراخوو دلێنەشییەینە بۍ، هەڵمەتەو ژیوایۊ ١٥و ئابی هەنگامە و هۊشیاریێوە نەتەوەیییەی بێهامتێش خوڵقنا. جە ٣٩ەمین ساڵیادوو هەڵمەتەو ژیوایۊ ١٥و ئابیمانە سەرەتا فەرماندە عەگید، هەرپاسە گرڎوو گەشمەرڎاو شۊڕشەکەیمان بە ڕێز و پەنەزانایۊ یاد کەرمێوە. جەژنەو گەریلای و ژیوایۊ ١٥و ئابی جە درووسکەروو ئا هەڵمەتۍ جە ڕابەر ئاپۊی، جە سەرجەموو گەلە وەڵاتپارێزنەکەیمان و هامڕایاما، کە ئارۊ سەنگەرەکاو مدرامانینە بە گیانبازانە جەنگ کەرا مەبارەک کەرمۍ.

بە هەڵمەتەو ١٥و ئابیوە، کە بە سەرمەشقایەتیی فەرماندە عەگیدی بە ئەنجام یاوا، فیشەکێوە کە دژوو کۊلۊنیالیزمی، پیاسالاری، دژوو فاشیزمی ونمجی، کە هجووم کەرۊ سەروو بەها کولتورییەکا و بییەی کوردی، تەقییا، بێگومان نەک حەر چارەنویسوو کورڎسانی، تەماموو جیهانینە چارەنویسوو گەلە وێگێرا و لایەنگێراو ژیوای ئازادی و دیموکراتیکیش فاڕا. هەڵمەتەو ژیوایۊ ١٥و ئابی دژوو سیستموو سەرمایەداریی کۊلۊنیالیستی، کە وێش جە فاشیزمی، ستەمی، قڕکەرڎەی و کۊکوشینە وینۊوە، بەروستەێوە ئازادیین، کە بەرشوزۊ ئیتر حیچ چێوێوە پێسە وەڵۍ مەبۊ. یوەم فیشەک کە بە چەکوو فەرماندە عەگیدی تەقییا، سەرەتا خوڵەو مەرڎاو سەروو گەلوو کوردی و چەوسیاوەکاش لا دا و باخچەو گەلە ئازادا، کە چێروو فشاریو کۊکوشینە وشک بییەبۍ، بناغەو سەرجەنۊ سەوزبییەیۊش پەی نیارە. پەوکای پێسە گەلوو کوردی و جەنگاوەراو ئازادی بە ڕۊشنایی ڕابەر ئاپۊی واوەی سەوز بییۊ و بی بە ساعیبوو ئیرادەی، گرڎوو ئا چیوا ئارۊ هەنێما، گرڎوو دەستکەوتەکاما جە سایۍ هەڵمەتەو ژیوایۊ ١٥و ئابیوەنی. سەروو بنەماو کۊشیاێوە کە هەنگامەو ئازادی ١٥و ئابی مەرزناشرە، ئێمە تارێخوو کۊیلایەتیما تەختوو زەمینی کەرد،  دژوو کۊلۊنیالیستەکا و ئا هێزاکەگەرەکشانە خاکەکەیما ئەرەگیر کەرا بە سوپاو وێماوە ملمۍ ڕارە، بە یاواینەی گەورەی نەتەوەییوە ئارۊ وەرکەوتوو دلێڕاسەینە و هەم سەروو ئاستی میاننەتەوەییچ پێسە کوردی ماچمۍ ئێمە هەنمۍ. بێگومان ئانە کە بی بایسوو ئینەی پێسە سەربەرزانە و بە شکۊوە بیمۍ و وەرکەوتوو دلێڕاسەینە سەرڎەموو کوردی ئازادی دەسش پەنە کەرد، داستانوو قارەمانێتی ١٥و ئابین، کە ئینسان متاوۊ پێسە جەئەدابیەیۊێوە بشناسۊش. پەوکای هەڵمەتەو ١٥و ئابی ئوەوخوابییەیۊ ئەرەپڕایە کلاسیکەکا یا چالاکیێوە چەکداری ئاسایی نییا، کە وەراوەروو قەرەقۊڵێوە کریابۊ. چوارچێوەی قووڵبییەیۊێوە گەورەو ڕابەر ئاپۊینە، کادرە سەرمەشقەکۍ و فەرماندەکاو پەکەکەی بە ورسەنگنای تارێخی و دووربینانەی قەوەت، هەڵمەتێوە ئازادیینە. جە هەمان وەختەنە جە ڕووەو ستراتیژی و تاکتیکیوە خەتەو سەرکەوتەی سەروازیی ئێمەش دیارییە کەرڎە، رێبازوو دایوەنەی گەریلای ئاپۊیی گیانبازییش دەسنیشانە کەرڎە، ئەرەپڕاێوە سەرڎەمیانەن، نەخشەڕاو گرڎ کورڎێوە شکۊمەندی و وێگێرین.

 سەرەتاو وێپاریزناین پەی ژەنا

هەڵمەتەو ١٥و ئابی هەمان وەختە دژوو مەژگوو پیاسالاری و دامودەزگاکاشا، گورزێوەن. چەنی ١٥و ئابی ژەنی ڕووەشا کەرڎە ڕیزەکاو گەریلای، بناغەو بەسوپابییەی ژەناشا دا، پەی گرڎوو ژەناو دنیۍ، کە چێروو ستەموو سیستموو پیاسالارینە کوشیۍ، چەوسیێوە، ئانۍ تندوتیژی و ئەشکەنجەشا وەراوەرۊ کریان، بییە بە هەنگامێوە ئازادیی. ١٥و ئابی زیادتەر جە گرڎ لایۍ پەی ئێمەی ژەنان هەنگامەی یوەمەو کۊشیای وێپاریزناین. بێگومان ئەگەر ١٥و ئابی نەبیۍ ئارۊ نەتاوێنمۍ باسوو گەریلایەتیی ژەنا و کۊشیای ژەنا کەرمۍ. ئێمە پێسە گەریلاکاو یەژاستاری، ئەگەر جە سەرحەدۊ تا زاپ متاومۍ گورز وەنەو سوپاو تورکی ئەرەگیری شانمۍ سەرمەشقێئا شکۊمەندییە بێمۍ، بێگومان ئانە جە سایۍ هەڵمەتەو ژیوایۊ ١٥و ئاب و ئارڎەینەی ڕابەر ئاپۊین. وەروو ئانەیە ئێمەی ژەنان ئارۊ  کەشەکاوە بە هەقسانایۊ جە سیستمی سەرڎەس و سەرمایەداری بەئازادی مژیومۍ و وەراوەروو سوپا ەگیرەکانە جەسەما کەرڎەنما بە سەنگەر و جەنگ کەرمۍ، ئێمە مزانمۍ کە ئانە سایۍ چێشینە و ماچمۍ، کە ئێمە ئا ڕاسییە هۊشمەندییە تارێخییەما کۊشیاینە بەرڎەوام پارێزنمۍ.

ئێمە ئینامۍ بەرزتەرین ئاستوو کۊشیایمانە
پەوکای هەڵمەتەو ژیوایۊ ١٥و ئابی نیشانەش دایمۍ، کە چەنی متاومی گورزە جە دڵی ئا سیستمە فاشیستەیە بدەیمۍ، کە جگە جە ستەمی، نکۊڵی و کۊکوشی هیچی تەر بە ئێمە ڕەوا مەوینۊ. ١٥و ئابی بی بە بەرجەسەتەرین نیشانۍ شێوازوو هەقسانایۊ جە هجوومە تارێخییەکانە. ١٥و ئابی نیشانەش دا، کە چەنی متاومۍ سەروو خەتەو پارێزنای ڕەوایۊ، شکۊمەندی، کەرامەت و شناسنامەما بپارێزنمۍ. جە ٣٩مین ساڵیادوو ئا هەڵمەتە مەبارەکۍ هەقسانایۊمانە، کە وانەی تارێخیی گەورەش چەنەن، گرڎوو پارچەکاو کورڎسانینە جە بەرزتەرین ئاستوو کۊشیایمانە هەنمۍ. ئارۊیچ وەروو ڕۊشنایی چالاکیی ١٥و ئابینە، کەشەکاو کورڎسانینە، دژوو سوپاو تورکی تاوانکاریی جەنگی، کە بە وەڵێکەوتەتەرین تەکنیکوو سەرڎەمی جووڵیۊوە، شکۊمەندتەرین مدرامان تارێخوو وێمانە کەرمۍ. گرڎوو سەنگەرەکاو گەریلاینە سەرنیشتوو کورڎسانینە، بەتایبەتی ھەرێمەکاو پارێزنای مێدیای، ھامڕێما بە خەتەی سەروازی و ڕۊحیی فەرماندە عەگیدیوە سەرکەوتەی گەورە بەدەس مارا. سوپاو تورکی بە پاڵپەشتی ناتۊی و گرڎوو هێزە میاننەتەوەییەکا، بە گرڎ تەکنۊلۊژیێوە جەنگوو سەرڎەمیوە،  دژوو مەیدانەکاو مدرامانوو گەریلای جەنگێوە نەمرڎا برۊ ڕاوە و سەریچ مەگنۊ، ئینە یانۍ ئانەی، کە ڕۊحوو فەرماندە عەگیدی دلۍ سەنگەرەکاو گەریلاینە ئامادەن. سوپاو تورکی ٣٩ ساڵۍ چێوەڵتەر بارەو ھەڵمەتەکێماوە جە ١٥و ئابینە واتەبێش، 'ئانە هەرمانەو چند یاخیبیێوەنە، دوۍ ڕوێنە دماییشا پەنە مارمێ"، وەلۍ سوپای گیانبازە و جەنگاوەرەو فیداکارەو ئا ھەڵمەتۍ، ئارۊ گەورەتەرین وەربەسێنۍ وەرڎەموو پلانە تارێخییەکاو سوپاو تورکینە. ئێمە پێسە گەریلاکاو ڕابەر ئاپۊی، گرڎوو مەیدانەکاو جەنگی و مدرامانینە زیاتەر و زیاتەر وێما بە عەگید و زیلانەکا ڕازنمێوە. بە ڕۊحوو سەرکەوتەی فەرماندە سەرمەشقەکاما، لجە گرڎ وەختێوە زیاتەر جە سەرکەوتەی نزیکۍ بیمێوە. ئێمە شکۊمەندۍ و سەربەرزێنمۍ، چونکوم چا نەریتە بنچینەییە مدرامانما ورگێرتەن و جەنگەوانی فەرماندە عەگیدینمۍ.
وەعدوو سەرکەوتەی ئەوەخوا کەرمێوە
ئێمە جە سەنگەرەکاو مدرامانینە، کە دلێشانە جەنگی دژوار کەرمۍ، خێرامای وەنەو ٣٩مین ساڵیادوو ١٥و ئابی کەرمۍ. وەعد ئەوەخوا کەرمێوە، کە ڕۊحیوو ئەرەپڕای ھەڵمەتەکەیما بیاونمۍ سەرکەوتەی. پەوکای ئەرەیاونمێش، بە هێزوو ڕۊحوو و هۊشمەندیوە، کە جە فەلسەفەو ژیوای ئازادوو ڕابەریما و فەرماندە عەگیدی، زیلانۍ و گەشمەرڎە قارەمانەکاوە، کە سەروو خەتۍ ئاپۊێوە گژیۍ و گەشمەرڎۍ بیۍ ورگێرمۍ، ڕۊ دماو ڕۊی زیاتەر گورز جە دوژمنی مدەیمۍ و جە خەتەو سەرکەوتەینە جەنگنە وێما بەرجەستە کەرمۍ. سەروو ئا بنەمێوە مەبارەکبایی جەژنەو گەریلای و ژیوایۊ ١٥و ئابی وەنەو ڕابەر ئاپۊی، گەلاو وەرکەوتوو دلێڕاسەی و سەرجەموو هامڕایاما کەرمۍ.  

س.ز