ئەرەیانراوەکە واتەنش، چالاکییەکەو سەما یوجەی، هاگابییەین جە ئایدۊلۊژیای ئازادوو ژەنۍ کە ڕابەروو گەلوو کوردی عەبدوڵڵا ئۊجالان پێشنیارش کەرڎەن.

ئەرەیاونایەکە ماچۊ:

"هامڕێما سەما یوجە جە بنەیانیوە گەورەینە پەیدا بییە، جە ڕسییوە کۊمەڵایەتینە کە وێڕاوەبەرایەتیی کورڎا، جە سەدەو نۊزدەینە پەیدا بی، هەرچنڎ ئی ڕاسییە ئاستش کەم بۍ، وەلی وەسۍ بۍ پەی ئانەیە هامرا سەما چەنی گیانوو سەرەورڎای ئاراراتی یۊ گێرۊ. سەما یوجە، جە کەسێتیی وێشنە خۊیدا سیفەتوو ژەنۍ کورڎۍ ئازۍ سەرەورڎەرۍ و شکۊمەندێش پەرە پەنە دا. بە چالاکییە فیداکارییەکەو ساڵەو ١٩٩٨ ڕووەش کەرڎە پەنەئشناسۍ تازەو خەتەو ئازادیی ژەنا، هامڕێما سەما یوجە، هاگاش جە ئایدۊلۊژیای ئازادوو ژەنۍ بۍ، کە ڕابەر جە ٨وو ئازارینە ئەرەیاوناش، ئیتر بی بە پرڎێوە ئاویرەینە بەینوو ٨وو ئازاری و ٢١ وو ئازارینە. هامڕێما سەما، بییە بە یووەمین ژەنۍ جە پڕۊسەو ئازادیی ژەنێنە کرە ڕابەر ئاپۊ پێشنیارش کەرد. هەمان نۊع جە ڕاو چالاکیوە خەتە سەرەکییەکاو خەباتوو ژەنۍ ئازادێش ڕۊشن کەرڎێوە، بە باوڕۍ گەورەوە ڕووەش کەرڎە ئایدۊلۊژیاو ئازادیی ژەنۍ. پینەیچە بییە بە چراوێوە کە ئا ڕێشە ڕۊشنە کەرڎۊ، سەما بەڵگەنە پەی ئا ڕاسییە کە ئایدۊلۊژیاو ئازادیی ژەنۍ سەروو خەتەو ڕابەریوە بلۊ، چێوە پەنەوازییش پانەینە کە شۊنکەوتۍ زیلانۍ بیمۍ.

 ساڵەو ١٩٩٨، هامڕێما سەما چالاکییە فیداکارییەکەش یاونا یاگۍ، چێنە هێزە پیلانگێڵنەکۍ، خەتەو پاکتاوی تایبەت بە وێشا متەرە و وستەشا هەرمانە، فاشیزمی تورکی بە یارڎەی هێزە کۊنەپارێزەکا و ناوەندە ناسیۊنالیستە کۊنەپارێزەکا، جە لاێوە گەرەکشا بۍ تەڤگەرەکەیما گولانە کەراوە، لاۍ تەریچۊ هەوڵێشا دۍ، زیندانەکانە سەرکرڎۍ ، لەلایەکی تر هەوڵیدا لەساختۍ وەش کەرا و سیاسەتوو پەرە پەنەدای کادرەکا وزا هەرمانە. جە دژوو هەوڵاو سەرکوتکەرڎەی تەڤگەرەکەیما دلێوە، سەما بییە بە تۊپەڵێوە ئاویر، بە فاشیزمی ستەمکارییش وات: "پێسە چەنی دووۍ ڕۊجیارۍ ئاسماننە مەبا، پەی ژەنۍ ئازادێچ دووۍ ورچنیەیۍ ژیوای و دووۍ مۊراڵۍ مەبا". ئەوەخوایش کەرڎۊ دڵوو ژەناو کوردی دایمە پەی ڕابەری مدۊ وەنە، چیوە سەما قیبلۍ ژیوای بۍ چەنی ڕابەری، چراوێوە بۍ پەی ڕۊشنیی ڕاو ڕابەری. بییە بە تۊپەڵیوە گڕە دژوو کوڵویانای و وچکلەکەرڎەیۊ سەرکرڎە قەسایلەینەکا سەما یوجە، واتش: "سەرکەوتەی جەنگنە و ئازادی جە ژیواینە مەبۊ، بەبۍ ڕابەری"، ئینە بی بە هاوار.

هامڕاما سەما یوجە واتش: "تا بوو بە تەلەبێوە خاسەو کاوەو سەرڎەمی، مەزڵوم دۊغان و گرڎوو گەشمەرڎای تەری، گەرەکما پێسە زەکیەی سۊچوو و پێسە ڕەهشانی بوو بە نەورۊز". هەلومەرجی نالەباروو زیندانەکاش فاڕا بە ئاویروەدای جە وێش، پینەیچە بییە بە خواوەندەی تازۍ ژیوای. چی بارەوە هامڕا سەلما نوێنەرەو ژەنەو کوردینە کە جە بووڵەو وێس وێش خولقنا، پینەیچە بییە بە خواوەندەی تازۍ ژیوای کە زیندانەکێش کەرڎۍ بە مەیدانوو جەنگی، بییە بە ژەنێوە فەرماندۍ، کە هەقەو هەزار سالا جە دوژمنی کەرۊوە.

ئا هێزەنە کە پاسە کەرۊ هەقە چا سیستمی کریۊوە، کە دژوو ئشناسنامەو ژەنێن، واوەی ماناش بەخشاوە بە ژەنۍ،  هامڕا فیکری بایگەڵدی پێسە سەروازێوە دڵسۊزی هامڕێما سەما کەوتە ڕاو ئینەیجە ئەفسانەیی بۍ. هامڕا فیکری بایگەڵدی بە چالاکییە فیداکارییەکەیش بەرش وست، دڵسۊزی یانۍ پراکتیکی هەقەتینەین، یانۍ شۊنکەوتەی سەمۍ و زیلانۍ، خاستەرین گوزارشتش کەرد جە کەسایەتیی پیای ڕاسواچی. فەلسەفەو ڕابەریش کەرد بە بناغەو بییو بە قوەت پەیش، هامڕا فیکری بایگەڵدی بەڵگەن پەی ئانەیە، هەزاران کۊشەرۍ دڵسۊزۍ پێسە زیلانۍ و سەمۍ و فیکری جە ڕیزەکاو مدرامانینە هەنۍ.

بۊنەو سیستموو ڕابەریوە پیلانەکۍ بەرڎەوامێبێنۍ، دایمە تەرسێنۍ جە ئایدۊلۊژیاو ڕابەری. هێزەکاو کۊیلەگەری گەرەکشا بۍ کاریگەریی ڕابەری نازا وەختۍ زاناشا ئینە مەحاڵا ئیتر دەسشا کەرد بە سیستموو جەنگی تایبەتی  جە ئیمراڵینە دژوو ڕابەری. ئیسە زانیارییما سەروو دۊخوو ڕابەری پەنە مەیاوۊ. گرڎوو ئەرەمەرزیایەکاو وەرگێری جە مافوو ئینسانی بێدەنگێنۍ چینەیە، ئی بێدەنگییە زوۊن هەن دژوو سەرەورڎایەکاو شێخ سەعیدی و ئاگری و زیلانی و دێرسیمی. ڕابەرما ئینا گۊشەگیریێوە تندنە. ئەگەر گرڎوو هێزە هەژموونوازەکا، بە جەنگی تایبەت هجووم کەرا سەروو گەلوو کوردی و ڕابەریما ئانە هەڵایچنڎین کۊشەرۍ پێسە مەزڵومی و کەمالی و خەیری و زەکیەی و زیلانۍ و ڕەهشانی و سەمێما هەنۍ. پێسە هێزوو فیداکاروو ڕابەری، بە بۍ ڕابەری مەژیومۍ بیمۍ بە دۊگا، زینار، سارا و ڕۊکەن، گورز هێزە پیلانگێڵنەکا مدەیمۍ. بە بۊمبی ئازادی و گیان و سامانوو پیلانگێڵنەکا مسۊچنمۍ. وەخێوە پەی سوککەرڎەی ئازارەو گەلەکەیما قەراما دا بە "مردنای ئۊپەراسیۊنی سەروازی"، فاشیزمی ستەمکار زیاتەر جە ٣٠ جەنگەواناش گەشمەرڎۍ کەرڎۍ، گۊشەگیری سەروو ڕابەرییما ویر مەشۊ، ئا زارۊڵێما هۊش مەشا کە وەختوو گەمەینە سەروو جادەیۊ کوشیۍ، هامڕا گەشمەرڎەکێما ویرما مەشا. ئێمە هێزوو هەقسانایۊ ڕابەری و گەلینمۍ. دەسدرێژکەرەکا سەروو ڕابەری و گەلی قرتنمۍ.  بێگومان پێسە سەمۍ و سارۍ و ڕۊکەنی پەنەشا کەرمۍ. پێسە یەژاستاری جە ساڵیاڎوو گەشمەرڎەبییەیشانە، یاڎوو هامڕا سەما یوجەی کەرمێوە؛ هەمان ڕێکێش گێرمۍ پەی دایوەنەو دوژمنی، کەسێتیی سەمێنە یاڎوو گرڎوو گەرشمەرڎا بە ڕێز و سوپاسۊ کەرمێوە.

بژیوۊ خەتەو مدرامانوو پاگێرتەیرەی سەروو ژیوای چەنۍ ڕابەری!

بژیوۊ گەشمەردو ژیوای ئامانجداری و ئازادی!

بمرا هێزە پیلانگێڵن و فاشیست و ستەمکارەکێ"

س.ز