فەرماندەیی قەرارگەی ناوەندیی یەژاستاری ئەرەیاوناێوەنە گەشمەرڎاو ئامەدیش یادۍ کەرڎێوە و واتش: "ئەندامەو دەسەو فەرماندەیی هەپەگەی و یەژاستاری هامڕا ئاخین موش (هولیا دەمیرەر)ە، جە باڵاێوە بەرزی کەشیوە ساعیبەو ڕۊحێوە گەورەینە، هەمان وەختنە سادۍ، جەوێویەرڎۍ و داراو ژیری و هۊشمەندیی قووڵینە. دمایین جار فەرماندۍ ئەیالەتوو ئامەدی بۍ، جە پێوەرەورشییەێنە کە ١٧و ئەیلوولوو ٢٠٢٣ێنە بەرزاییەکاو لجێنە ئامابۍ ئاراوە چەنی ڕۊهات پاسور (جیهاد ئای)ی، عەگید بەرخودان (حەبیب کاراکۊچ)ی و دەمهات سەتکار (چەتین تەمەل)ی مدرامانی بێهامتاشا ڕاوە بەرد و گەشمەرڎۍ بیۍ. پێسە فەرماندەیی ناوەندیی یەژاستاری ئێمە سەرەوەشی جە بنەیانەو  گەشمەرڎا، گەلە قارەمان، گیانباز و وێگیرەکەو سەرحەد، ئامەدی و گردوو گەلە وەڵاتپاڕێزنەکەیما کەرمۍ. جارێوە تەر جە کەسایەتیی هامڕا ئاخینینە گەشمەرڎاما بە ڕێز و پەنەزانایۊ یاد کەرمێوە و وەعد تازە کەرمێوە، کە ئێمە یادشا جە کۊشیایمانە بە زیندەیی مازمێوە و بە سەرکەوتەی هەقەشا کەرمێوە".

فەرماندەیی یەژاستاری جە درێژەو ئەرەیاوناکەیشانە واتەنشا: "هەڤاڵ ئاخینە یوە جە بەهاکاو گەلی ئازیزوو سەرحەدینە، کە ئێندەو جوگرافیا سەربەرز و سەرکەشەکەی جە سەرحەدینە ژیوێنە، بە وەڵاتپارێزنی و بەهای گەورە و کولتووریوە گەورۍ بیێنە. هامڕا ئاخینە قوبرسنە پەیدۍ بیێنە، کە هەزاران کیلۊمەترۍ چێوە دوورا".

ئەرەیاونایەکە پێسە بەرڎەواما: "پێسە حەر زارۊڵێوە کوردی، کە جە هجوومەکاو نکۊڵی و سڕیەیۊوە ورئامێبێنۍ نەتاواشا فێرۍ دەشتە ئارامەکاو بەحری چەرمەی با، کە پێچەوانەو جوگرافیاو کەشەکاو سەرحەدینۍ. بەرڎەوام ڕووەش چا جوگرافیا و بەهایا بۍ، پێسە گەورۍ بییە. بە دڵسۊزیی گەورەتەر، کە بۊنەو دووری و بڕیایرەیۊ خولقیابۍ، عومرێوە گولانەنە هەستوو وەڵاتپارێزنییش جە قووڵایی دڵیشنە نەخشنابۍ و بەرڎەوام قینە و تووڕەیی بێشناسنامەبییەی کوردبییەیش دڵشنە بەزیندەیی گێرتەبۍ. وەروو ئانەیچە جە عومرێوە فرە گەنجنە جمیەروو ئازادییش ئشناسا. ئێشوو بڕیایرە جە شناسنامەی و کولتووروو وێش، خەیاڵ و پەیجۊرییەکێش پەی وێستەیۊ وێش پێسە ژنێوە بی بە سەبەبوو ئانەیە چەنی جمیەروو ئازادی جووڵیۊوە. بۊنەو فرەو هۊکاراوە لوا بەریتانیا و فرسەتش پەی ڕەخسییا کە نزیکۊ ڕابەرایەتی بشناسۊ و چاگە بلۊ شۊنەو خەبات و کۊشیای ڕابەرایەتیرە. هامڕا ئاخینە ئاستوو ئا کاریگەرییەیشو جە ڕابەرایەتیوە ورش گێرتەبۍ پێسە پێناسەش کەرڎەبێ: "پێسە ئانەیە کە وێم دییەبۊوە، ئا شۊنیرەلوایۍ کە نەتاوابێم بشناسووشا، ئشناسێم". دماو ماوێوە کوڵی ساڵەو ١٩٩٧ بەڕسمی بەشدارییم پارتەکەنە کەرد و چا ماوێوە چالاکییەکاو ئەورووپاینە بەشدارە بییا. ئاخینە کە پێسە کناچۍ  وێگیرەو سەرحەدی وەشە بییە، پەیجۊریەکێش شۊنەو ئازادییرە بەرڎەوام پاڵەشا نیێنە پۊوە، کە بلۊ کەش و گرد فرسەتێوەنە ئا داواکارییەشە وستەن ڕووە.

حەر چرکێو ژیوایش بەشداربییەێوە گیانبازانە بێ

هامڕا ئاخینە پێسە کەشوو کارتەڤینی، وەختۍ ئینسان جبەرۊ مدیۊش پەی، شکۊیۍ ئینسانانە گێرۊ وێش، دلێوە زریان و گڕکانۍ ڕووە مدا، وەلۍ ئانە بەئاسانی هەستش پەنە مەکریۊ. ئا گڕکانە دماو بەدیلگیرتەی ڕابەرایەتیوە تەقا و کەس نەتاواش بە بەهانۍ جیاجیۍ ڕا وەنەو هامڕا ئاخینی گێرۊ. ساڵەو ٢٠٠٠ بە هۊشمەندیێوە گەورەوە یاوا خاکوو وەڵاتی و بییە بە گەریلا. ئامانجش ئانە بۍ، کە هەقەو پیلانگێڵنی دژوو ڕابەرایەتی کەرۊوە، کە ڕەنگا دما هومێدوو بەدەسئارڎەی شناسنامەو کوردی و ژەناش بە جەوهەر و بەهاکاو وێشۊ خۊیەوە کوۍ کەرڎێنێوە، هەرپاسە تا نازۊ ئی گەلە جارێوە تەر بە هەمان ئێشەرە ویەرۊ. پا ئامانجاوە بەشدارییش جە چالاکییەکاو هێزی تایبەتینە کەرد و بە بەشداربییەی ڕاسواچانە، دروس و گیانبازانەوە چاگە ڕاستەوخۊ سەرنجەکاش پەی لاو وێش کێشتۍ. جە بەشداربییەیشنە بە ئێدعا، هۊشمەندی و ئیرادەو وێشۊ کاریگەرییش نیارە و ماوێوە کوڵەنە بییە بە فەرماندۍ. هەڵوێستێوە پچڕ پچڕ و پارچەکریاش نییا. گردوو ئا ڕاسییا، کە زانێشا و دلێشانە ژیوۍ، ئانۍ کە بڕواش پەنەشانە و پەیشا کۊشییۊ، یۊنۍ. بەشداریکەرڎەیش جە حەر ساتێوەنە بە ڕۊحێوە گیانبازانەوە بۍ. فەلسەفەو تیکۍ نانی و کومبارێوە جە کەسایەتیی خاکەڕا و جەوێویەرڎەو ئادێنە بەرجەستە بی. ئاخینە حەرچندە بە هەڵوێستی سادە و نەرم وەراوەروو هامڕایاش و بە هەمان هەڵوێستۊ دلۍ ژیواینە ئشناسیۍ بۍ. وەلۍ وەراوەروو دوژمنیوە تووڕەیێوە دماییناماش بۍ. پەوکاییۊ جە گەورەتەرین ئامانجەکاش ئانە بۍ، کە هەقەو وێش کەرۊ و چانیشا کە ئا هەرمانا کەرا، پەوکای وەختۍ کە قۊناغوو هەڵمەتەو ١وو حوزەیرانی دەسش پەنە کەرد، بەجۊشوخرۊشۊ ڕوويش کەرڎە بۊتان. هامڕا ئاخینە جە هەرێموو گاباروو بۊتانینە مەنۊ، ئەزموونی سەرەتایی و گەورەو گەریلایەتیش جاگە دەس وست. ئیرادەش جە ئاوێوە ور گێرت و بە وەشەسیاییش ئیرادەکەش کەرد بە پۊڵا و دماگێروو گاباریش ور گێرت.جە پێناسەو وێشەنە و شناسنامەو گابارینە قۊناغێوە گرنگ بی و ئیساتۍ پێسە ئاخین گابارۍ پڕۊفایلوو گەریلایەتییش نەخشنان و بەرەو ئا ئامانجە لوێنە وەڵێوە. جە جەنگی شۊڕشگێڵنینە پەی پرۊفیشناڵبییەیی گەریلای، ڕەنج و مانیاێوە فرەش کێشت. هامڕا ئاخینە، کە بە دڵسۊزیی فرەوە بەشدارییش چا خەباتانەکەرڎەبۍ، بییە بە یوە جە فەرماندە سەرمەشقەکا، کە گەریلایەتی مۊدێرنیتەی دیموکراتیکش بونیاد نیا و وستش وەڵۍ. هامڕا ئاخین گەرەکش بۍ ئا زانایی و ئەزموونە خاکوو سەرنیشتینە، ئامەدوو دڵوو کوردستانینە وزۊش خزمەتوو کۊشیای و جارێوە تەر حەزوو وێش بەروستۊ، کە پێسە فەرماندێوە گیانبازۍ ڕیزەکاو وەڵێوە یاگێش بۊ. تا ئانە کە ساڵەو ٢٠١٨ لوا ئامەد و پێسە فەرماندێوە تا گەشمەرڎۍ بییە، هەوڵێش دۍ هەرمانەکاش بە رێکوپێکی پۊڕنۊ.

ئیرادێوە پۊڵایین، جەبنەناما و قەوەت

هامڕا ئاخینە ژیواینە هەم خەباتوو وێشەنە، هەم جە مامەڵەکەرڎەیش چەنی  هامڕایاش، هامڕێوە فرە ساکارە و جەویویەرڎۍ بۍ، دایمە پەڕاوپەڕە بۍ جە هەستی. پەوکای حەر خەبات و هەرمانێو کە پەیش لوۍ، بە بییەی و هەڵوێستوو وێش، هەستش پەنە کریۍ. جە ئەوەڵ وەختوو بەشداربییەیشۊ یاگۍ وەشەسیای و ڕێزی بۍ. هامڕا ئاخینە بەخشاینە بێسنوورە بۍ، وەراوەروو هامڕایاشۊ، دۊزەکەش و گەلەکەشنە هەرمانەو وێش زانۍ. وەختۍ ئینسان دیێش پەی، ڕوخسارشنە ناسکی، ئیرادێوە پۊڵایین و جەبنەناما  و قەوەت بۍ، پێسە ئاوۍ هێمنە ڕۊشنە  و قووڵە بۍ. پا تایبەتمەندییاوە بەرڎەوام پەی ڕەفێقەکاش بیێبۍ بە سەرچەمەو ژیوای و بییەی. یۊ مەوینی ڕەفاقەتش کەرڎێبۊ و پەرەش پەنە نەدابۊ. یۊ بە یۊ گرنگی بە ڕەفێقەکاش دۍ، گۊش جە مشکیلەکاشا گێرۍ و هەوڵۍ دۍ یاوۊشانە و بۊ بە قوەو چارەسەری و وێش گردی تەرخان کەرۍ. یۊ جە تایبەتمەندییە گەورەکاش، کە سەرنجەو کێشۍ پێوەسببیەی قووڵیشا بە کۊشیای ئازادیی ژەنێوە، کۊشیای بێوچانش ئەو چا بابەتەنە و ڕانەدای بە تایبەتمەندیی دماکەوتانە. هامڕا ئاخینە کۊشەرۍ بۍ، بوو،  پا گێرێرە سەروو بنەمایەکاش. وەروو ئانەیە زانۍ، کە گەرەکشا چە ژیواێوە بژیوۊ و چە ئازادیێوە دەس وزۊ. پێسە ئاوێوە کە قووڵاییوە بەربۍ، هەستش پەنە مەکریۊ و و وەلۍ هەنە. وێش ئاشکرا مەکەرۊ وەلۍ گرد وەخت ئینات چەنی. دیارە نییەنە وەلۍ گردوەخت کات پێسە کەشێوە ئینا پەشتیتۊ. هامڕاێوە کە ماوێوە چەنی هامڕا ئاخینۍ مەنەبێوە واتەبێش: "ئەگەر مەلایکۍ ئینسانۍ بیێنۍ هامڕا ئاخینە یەکەم ورچنیێبێ" پاسە سەرنجەش کێشتێبی. نوێنەرایەتیی ژەنۍ فریشتەیۍ و نموونەییێنە کە ڕابەرایەتی باسش کەرۊ.  

بەڕاسییچ سەرباروو ئانەیە فرە چەنەئاما بۍ جە مەیدانە جیاجیایەکاو خەباتینە، وەلۍ تایبەتمەندییەکاو هامڕا ئاخینۍ بەرڎەوام پاسەش پەنە کەرد، کە کەشنە مەنۊوە و  پا گێرۊرە جە گەریلایەتی و وزۊش وەڵۍ. هۊشیاریی پارێزنای ژەنا و گەلیش قووڵتەر کەرڎۊ، خوڵقنای بییەی جە نەبییەی، پاگێرتەیرە سەروو وەرفراوانکەرڎەی تاکتیکی، هەوڵدای و قورسایی سەرمەشقیی گەریلایەتی جە دەشتەنە و شارنە و کەشۊ سەروو بنەماو ستراتیژوو جەنگوو گەلی شۊڕشگێڵنی و بونیادنیای سوپاو ژەنۍ، کەرڎەش فەرماندۍ پەیجۊرە و شۊنیرەلوای. حەرچندە بە پێرفۊڕمانسی تاکتیکی، کە ئارۊ جە یەژاستارنە زیاتەر وێش مرمانۊ، جە گرد وەختێوەنە و شۊنێوەنە و خەباتێوەنە کە بەشدارە بییێنە بووە گرنگییش بە وەڵیوەلوای ژەنۍ و وێش و سەرمەشقبییەی کەرڎەن. هامڕا ئاخینە، کە تا دما هەناسەش پا ئاستوو ئیدعا، قەرارڎاری و هۊشیاریوە بەشدارە بییە، پەی ئێمە هامڕێوە سەرمەشقە و داراو هێزێوە قووڵی و مەعنۍ بۍ،  کەشێوە بۍ کە ئینسان پاڵەش بدۊ پۊوە و هەمان وەختنە بە شناسنامەو وێشۊ بییە بە نوێنەرەو ورچنیەی ژیوای ئازادیی ژەنا. چی مانێنە یادەوەرییش بەرڎەوام گەشیاوە بۊ و سەرکەوتەێوە، کە ئێمە بەدەسش مارمۍ بەرڎەوام بۊ.

بیۍ نامۍ و هێماو پاگێرتەیرەی دژوو فاشیزمی

هامڕا عەگید و دەمهات، کە چەنی هامڕا ئاخیننۍ گەشمەرڎۍ بیۍ، هامڕایۍ گەنجۍ بێنۍ، کە  گردوو کاریگەرییە خەڵەتنەرانە و چەپەڵەکاو سیستمی دوورۍ کەوتێبێنێوە  و جە کۊشیای شکۊمەندانەنە ئازادی و جوانییشا دییەبێوە. ئا هامڕۍ وەراوەروو گردوو هەلومەرج و فشارەکاو فاشیزمینە دلۍ ڕێکوزیایەکاو گەنجانە بەشدارۍ بێنۍ، دژوو هجوومەکاو دوژمنی پەی سەروو گەنجا و گەلەکەیما پارێزگارییشا کەرد و بیۍ بە هێزێوە، کە هۊشیاری بەدەس مارۊ. دماو ماوێوە کۊشیای وێشا پێسە پێویسی نەوینۍ و بە لوایشا پەی کەشەکا گەرەکشابۍ شێوازوو کۊشیایشا وەرفراوانتەر کەرا. بەو هۊشیاری و ئازایەتییوە ڕووەشا کەرڎە کەشی، جە ماوێوە کەمنە فێروو ژیوای گەریلایەتی بیۍ و بیی بە نامۍ و هێماو مقاوەمەتی و مدرامانی دژوو فاشیزمی. بەشداربییەی ئاهامڕایا جە قۊناغێوە پێسە بەئێشنە، کە سەرجەنۊ پیلانگێڵنیی میاننەتەوەیی بە کۊنسێپتێوە وەرفراوان بەرڎەواما، بەشداربییەی ئادیشا و ئازایانە سەروو گەریلایەتی. هامڕۍ دەمهات و عەگید بە بەشداربییەیشا پەیاموو ئانەیشا  بە دوژمنی دا، کە "مەتاودۍ دمایی بە گەریلای بارڎێ" و بەرڎەوام بەو هۊشیارییوە بەشدارییشا کەرد. هەرپاسە هامڕا ڕۊهات پاسۊر، رۊڵێوە قارەمانوو گەلوو ئامەدینە، سەرباروو ئانەی دلۍ چالاکیی جیاجیاینە بۍ و وەڵۍ جە بەشداربییەیشنە زیندانی کریا، وەلۍ سازشش سەروو هۊشیاری و هەڵوێستوو وەڵاتپارێزنیی وێش نەکەرد بی بە ساعیبوو هەڵوێستێوە، کە گرد هەلومەرجێوەنە دلۍ کۊشیاینە پێسە شکۊمەندی نیێرە. ساڵەو ٢٠١٣ی دماوە بەشدارییش جە خەباتنە کەرڎەن بەتایبەتیچ دەورێوە کاراش جە وەڵیوەبەرڎەی خەباتوو یەپەسەینە گێڵنان و پەی هۊشیارکەرڎەیۊ گەلی سەروو ئا بابەتەیە خەباتی قەوەتش کەرڎەن. تا ئاواتیوو وێش بەرڎەوام بەزیندەیی بازۊوە. دماو گێڵایۊ پەی ئامەدی فرە خەباتش کەرد و تا وەختەو گەشمەرڎەییش درێژەش بە کۊشیای دا. حەر چوار هامڕێکێما، بە حیچ نۊعێوە سەرەشا پەی هجوومە دژوارەکاو دوژمنی و بانگەوازەکاو وێدەسۊدای نەکۊمنارە.  پێسە نوێنەرە قەوەتاو هامڕایی پەکەکە- پاژکی جارێوە تەر ئیرادەو گیانبازیی ئاپۊییشا نیشانە دا.

ڕێوە کە ئێمە شایەنەو ڕابەرایەتیما، شەهیداما و گەلە شکۊمەندەکەیما بیمۍ، تاجدارکەرڎەی جەنگوو گەلی شۊڕشگێڵنین بە سەرکەوتەی. پا هۊشیارییوە ئێمە جارێوە تەر پێسە فەرماندەیی قەرارگەی ناوەندی یەژاستاری هامڕایێما ئاخین گابار مووش، کە نموونەو فەرماندەیی ژەنۍ ئازادێن، هەرپاسە ڕۊهات پاسور، دەمهات سەتکار و عەگید بەرخودان بە ڕێز و پەنەزانایۊ یادۍ کەرمێوە و سەرەوەشی جە بنەیانەکەیشا و گەلە وەڵاتپارێزنە بەنرخەکەیما کەرمۍ. پێسە هامڕایاو ئا گەشمەرڎا وەعد مڎەیمۍ، کە جە دوژمنی هەقەشا سانمێوە وەرمەکاشا بە سەرکەوتەی تاجدارۍ کەرمێ".

س.ز