زاخۆنە ژەنێوە کوشیا
بە دەسڕێژو گولـلا ژەنێوە جوانە جە شارو زاخۆینەکوشیێنە، دماتەر بە مەبەسو ئەوەکۊڵیای جە قۊمیاکەی تەرمەکەش ڕەوانەو پزیشکی دادوەری کریان.
بە پاو هەواڵێوە ڕۆژ نیوزی، ژەنێوە جوانە بەنامۍ (ن، ا، ع) کە تەمەنش ٢٦ ساڵېن جە شارو زاخۆو پانیشتوو کوردەسانینە بە دەسڕێژو گوللا کوشیێنە. دماو دییەیۆ تەرمو ژەنە کوشیاکۍ کە ئاسەوارو چڼین گولـلاش پۊوە بیەن، ڕەوانەو پزیشکی دادوەری زاخۆی کریان.
یاگۍ ئاماژەیەنە، جە پەنج مانگۊو سەرەتاو ئېساڵینە جە پانیشتوو کوردەسانی ۱٤ ژەنۍ کوشیێنۍ و ١٠ ژەنی تەرێچ بە شێوەی گوماناویی گیانشا جە دەسدان، دووۍ ژەنې تەرێچ زامڎارۍ بیێنۍ.
