ئی ژمارەو گۊڤاروو ئاڵتەرناتیوی تایبەت کریان بە ساڵوەگېڵ وئاخېزوو "ژەنی، ژیای، ئازاڎیی" و ئا هەورازوو بەرزوو نزمیۍ کە ماوەو ساڵېوەنە بڕیېنېش  و ئا نرخ و بەهۍ کە ماوەو ئا یەک ساڵەینە جە کۊشیای شۊڕشگېڵنی و جە مېڎانەکا خەباتینە جە ۋەران ۋەروو ڕژېمی فاشیستی و ئەرەگیری ئېرانینە خوڵقنانشا.

هام وەخت چی ژمارەو گۊڤارەکەینە بە چڕی سەرنج وزیان سەروو هەلوومەرجە تایبەتەکا ئېرانی و ۋەرکەوتوو کورڎسانی و سەرهۊردای ئاخېزوو"ژەنی، ژیای، ئازاڎیی".

حەرپاسە سەروو ڕەهەندەکا ئاخېزوو"ژەنی، ژیای، ئازاڎیی"چ مرڎای کریان، بەتایبەت ئاخېزوو"ژەنی، ژیای، ئازاڎیی" پېسە جمیەرۍ کۊمەڵایەتی چنی تاواش جە ماوەو ساڵېوەنە بۊ بە ئامیان پۍ ئاخېزی و جمیەرەکا تەری کۊمەڵایەتی و ژەناو جمیەرە ئیکۊلۊژیستی وگەنجاو شارستانیەتی مۊېرنەتەی دیموکراتیکی وپېسە تەنیا ڕېوە پۍ ژیۋایۍ ئازاڎیی و  دیموکراتیکی بارۊنە ئاراوە.

جە بەشېوەتەروو گۊڤارەکەینە دەورو پېگەو ژەنا سەرمەشقی و کاریگەریشا سەروو ۋەڵابیەیۊ  جە بەینوو چین و توېژەکا گلېرگەو ئېرانی و ۋەرکەوتوو کورڎسانی و بەتایبەتی ئەڎایا و ژەنا نزیک بە ٥٠ ساڵان سەرەمڕە چا مېڎانەنە بۍ مرڎای خەبات و ڕېکوستەی تایبەتیشا جە ئەستۊنە بیەن.

ئاڵتەرناتیو ژمارە ٢٢ۍ  ۋېش پېشکەش بە ڕۊحوو پاک و هەڤاڵۍ گەشمەرڎۍ شیلانۍ و گەشمەرڎا ڕاو ئاخېزوو "ژەنی، ژیای، ئازاڎیی" کەرڎەن.

متاودۍ پۍ هۊرگېرتەو فایل و گۊڤاروو تازەی ئاڵتەرناتیۊی چېنە کلیک کەرڎۍ.