گلېرگەو ژەنا ئازاڎیی ۋەرکەوتوو کورڎسانی (کەژار)، جە ماڵپەڕەکەو ۋېشەنە ئەرەیاۋنانش، '' جمیەری ئاپۊیی جە ۋېڕاگری و کۊشیای ١٤ و تەموزوو ١٩٨٢ ېنە، لۋا دلۍ قۊناغېوە تاریخیۊ. سەرمەشقا ئی جمیەرەیە پەی بەرجەسەکەرڎەی ڕابەرایەتی تاکتیکی بە گرڎوو  خانەکا جەستەیشاوە و بە گیانېوە فیڎاکارانە زینڎانەکېشا کەرڎۍ بە قەبرسان و فاشیستا''.

کەژار تەئکیدیچش کەرڎۊ ،'' جمیەری ئاپۊیی جمیەروو گەشمەرڎان. چنی هە گەشمەرڎەبیەیېنە لۋان دلۍ قۊناغېوە هەستیارتەرۍ و حەق کەرڎەیۊ  جە سیستموو پیاسالاری ودەسەڵاتوازی بە تینتەر بیەن و  پەنەوازش بە فراوانکەرڎەی و بە کرڎاریکەرڎەی جەنگوو گەلی شۊڕشگېڵنی جە قولە پۊپۍ ۋېڕاگری و کۊشیاینە هەن. گەلوو کورڎی و ژەنا بە ڕۋانۍ تاریخیرە ۋیەرا. ژەنی بە ئیلهام هۊرگېرتەی جە مدرامان و گەریلاکا ئازاڎیی جە کەشەکانە و ۋېڕاگری شۊڕشگېڵنا جە زینڎانەکانە، بە حەدېوە جە زانستی و هوشیاری سەرمەشقی جمیەرە کۊمەڵایەتیەکا یاۋېنۍ و بە کرڎارشا کەرڎېنۍ. ئی سەرمەشقیەو ژەنا جە گرڎ بوراەکانە بیەن بە سەرچەمەو وزەی پۍ چین و توېژەکا گلېرگەی و ئا ئیراڎەی کە ڕۊشیەن دلۍ گرڎوو بەشەکا گلېرگەی بەرەو هېزېوە گۊرەی شۊڕشگېڵنی ئاڕاسەش کەرۊ''.

چا چوارچېوەیچەنە ژمارە ٤٧ و گۊڤاروو ژەنا وەرکەوتی، پۍ هۊرسەنگناو ئی مژارا تەرخانکریان.

ۋېڕاگری، ئیراڎە و گیان و ڕووبەڕوو بیەیۊ سیاسەتی نکوڵی- بەڕېکوستەکەرڎەی ڕەهەندەکا نەتەوی دیموکراتی جە جەنگی گەلی شۊڕشگېڵنینە- چنی مدرامانوو گەریلای، ڕووەو سەرکۊتەی و گەشمەرڎەبیەی، ڕەنگدایۊ ڕاسی گەلېوەن.

پۍ وەزنایرەی فایلی PDF و ژمارە ٤٧ و گۊڤاروو ژەنا ۋەرکەوتی چېنەکلیک  کەردۍ

هـ.ش