ژن تیڤی یاڎوو شش ساڵەو ئەرەمەرزنایش کەردۆ
شاروو سلێمانینە، جە مەراسیمێوەنە، ستافوو ژن تیڤی، یاڎوو شش ساڵەو کار و چالاکی و خەباتوو ۋێشا جە ئۆفیسوو ژن تیڤینە کەردۆ.
دمانیمەڕۆو ئارۊی، شاروو سلێمانینە، ستافوو ژن تیڤی، جە ئۆفیسوو کەناڵەکەینە، جە مەراسیمێوەنە، بە ئاماڎەبیەی چنڎەها ژەنە چالاکا و ڕۆنامەنوویسۍ و خەباتکارۍ، یاڎوو ساڵوەگەروو ئەرەمەرزناو ۋێش کەردۆ.
جە سەرەتاو مەراسیمەکەینە، تەوار عادلە، یووە جە کارمەندا ژن تیڤی، بەیاننامەو یاڎوو ساڵوەگەروو ئەرەمەرزناو ژن تیڤیش ۋەناوە و واتش: "ماوەو شش ساڵان جە کار وخەباتی و چالاکی بەردەوامێنمۍ پانیشتوو کوردسانینە، ئی بەردەوامییە بە ڕۆحییەتوو ژەنۍ ئازاڎێوە بیەن و هەمیشە بەردەوامۍ بیمۍ چی کار و خەباتا."
دماتەر گوڵ و خەڵاتوو ڕێزۋنەنیای پێشکەش بە ستافوو ژن تیڤی کریا جە تەرەفوو چن ئاماڎەبیێوە و پیرۆزبایشا ۋنە کریا.
جە دمادمایی مەراسیمەکەینە شیرینی پێشکەش بە ئاماڎەبیا کریا و گرڎ بە زەماۋنە و هۊرپڕای وەشحاڵی ۋێشا پۍ یاڎوو ژن تیڤی و ڕۊو ژەنا بەربڕی.
