ژەنەهەقسانەکۍ یەرۍ شارانە چالاکییشا کەرد
دژوو گۊشەگیریی تنڎوو سەروو ڕابەروو گەلوو کوردی عەبدوڵڵا ئۊجالانی و کارە نائینسانییەکا، کە وەراوەروو زینڎانییە سیاسییاوە کریا، دەسوەڵێوزوو ژەنە هەقسانا، جە چند شارێونە چالاکییشا کەرد.
دەسوەڵیوزوو ژەنە هەقسانا ئەرەیاوناش، دژوو گۊشەگیریی تنڎوو سەروو ڕابەروو گەلوو کوردی عەبدوڵا ئۊجالانی و هەرمانە نائینسانییەکا کە وەراوەروو زینڎانییە سیاسییا، مێرسین و بالیکەسیر و ئیستەنبوڵنە یەرۍ سەیارۍ بەکرێگیریایا و ئەرەگیرە فاشیستاشا سۊچنێنۍ، هەرپاسە بە چەکی تاکەکەسی و بۊمب هجوومشا کەرد سەروو سەیارێوە پۊلیسی.
پێسە جە ئەرەیاونیاکەینە ئامان: "جە ٢٢ تەمووزینە چالاکیێوەنە شارۊچکەو بایلیکدوزوو ئیستەنبوڵینە، بە چەکی تاکەکەسی و بۊمبی دەسکرد هجووم کریا سەروو سەیارێوە پۊلیسوو دەوڵەتوو تورکی فاشیستی، زەرەرێوە گەورەش وەرکەوت و پۊلیسێوەیچ بریندار بی.
٢٠ تەمووزینە، سەیارەو ئەندامێوە لەقوو گەنجاو سەر بە ئاکەپەی شارۊچکەو مانیاسوو شاروو بالیکەسیرینە سۊچیا.
١٩ تەمووزی، شارۊچکەو ئاناموروو سەر بە مێرسینینە، دووۍ سەیارۍ فاشیستەکا سۊچیۍ".
س.ز
