ئەنجامنامەو کۊنفرانسوو''چنی گەنجا بە ڕېکوستەکریای ڕووەو ئازاڎیی ڕابەرایەتی'' ئەرەیاۋیا و چنەشەنە پۍ ئیڎانەکەرڎەی و هۊرگېرتەی گۊشەگیری سەروو ڕابەر ئاپۊی و ئازاڎکەرڎەی جەستەیی،قەرارۍ فرە لایەنۍ دریۍ.
گەنجۍ کورڎی و ئینتەرناسیۊنالیستی جە شاروو دۊرتمۊندی کۊنفرانسېوەشا بە درووشمەو''چنی گەنجا بە ڕېکوستەکریای ڕووەو ئازاڎیی ڕابەرایەتی'' سازکەرڎو دماتەر ئەنجامنامەو کۊنفرانسەکەی ئەرەیاۋیا.
دەیان گەنجۍ جە ۋڵاتەکا ئەڵمانیای، سویسرا، فەرەنسا، ئیتالیا، بەریتانیا و چنڎین ۋڵاتۍ تەرۍ بەشڎاریشا جە کۊنفرانسەکەینە کەرڎ، کە نزیک بە ٦ سەعاتاش خواینا.
ئەنجامنامەو کۊنفرانسەکەی، کە چنەشەنە باس جە ئازاڎیی جەستەیی ڕابەر ئاپۊی کریا، جە ڕاو کۊنگرېوە ڕۊنامەنۋیسیۊ پۍ ڕای گرڎیی ۋنیاوە.
جە ئەنجامنامەو کۊنفرانسەکەینە ئامان:
*گرڎوو پەرس و مژارەکا پەیوەس بە ڕابەر ئاپۊی جە چەق و هەرمان و کاروو چالاکیەکا گەنجا بۊ.
*جە ۋەران ۋەر و عەقڵیەتوو دەوڵەت- نەتەوەینە کە جە دماو پیلان گېڵی میان نەتەوەیی بە ئامانجوو پاکتاوکەرڎەی جمیەری ئازاڎیی، جە هجومەکاش وەردەواما، پەنەوازەن پاڕادیگمای مۊدېرنیتەی دیموکراتیکی ڕابەر ئاپۊی بەقوەتتەر باس کریۊ و پۍ ئا مەبەستەیچە مشۊم هەرمانوو کاروو چالاکی سازکریۊ.
*فەلسەفەو پاڕادیگماو ڕابەر ئاپۊی جە ۋەرکەوتوو میامینیۊ تا ئەمریکای لاتین، جە ئەفریقاوە تا ئاسیا، جە ئۊرووپاوە تا ئوسترالیا پېسە پیمەرۍ دڵسۊزی و وەشەویسی پۍ ڕابەر ئاپۊی بشناسیۊ ۋەڵاکریۊوە.
*گۊشەگیرکەرڎەی ڕابەر ئاپۊی، کە ساڵانېوەن وەردەواما، پەنەوازەن بۊ بە مژاری گەرم و سەرو ئا ئەساسیچە خەبات و چالاکیەکۍ ئەنجام بڎریا.
*جە چوارچېوەو پاڕادیگمای ئازاڎیی ژەنانە،کە ڕابەر ئاپۊ بە حۊڵ و ڕنج و مانیایۍ فرۊ خوڵقناش، پەنەوازەن چنی گرڎوو ڕېکوزیاکا ژەنا جە ئاستی جەهانینە گفتوەگۊش سەرکریۊ و چېروو ڕۊشنایی ئاخېزوو ۋەرنیشتینە، کە پنەش ماچا ئاخېزوو ژەنا، جماوەو فەلسەفەو ڕابەر ئاپۊی ۋەڵا کریۊوە.
*دەورو ئەمریکای، یۊبیەی ئۊروپای، سی پی تی، داڎگاو مافەکا مرۊڤوو ئۊروپای کە ۋېشا پېسە ئەرەمەرزیا و دیموکراتیکتەرین ڕېکوزیای نیشانە مڎا، جە سیستموو گۊشەگیرکەرڎەی سەرو ڕابەر ئاپۊینە ۋەروو چەما ڕای گرڎیی جەهانیۊ ئاشکرا کریۊ.
*گرڎوو ئانیشا کە گەرەکشانە ئا نا داڎییە مرڎنا، بە تایبەتیچ ئا ڕېکوزیۍ پاڵپەشتی و هامسۊزی ۋېشا پۍ ڕابەر ئاپۊی و گەلوو کورڎی بەربڕانە، بە شېۋېوە ۋەردەوام و ڕېکوزیا نامە پۍ سی پی تی و ئەنجوومەن و ئۊروپای کیانا.
*جە دژوو هەڵۋېست و کرڎەوەکا کە جە کەسایەتی ڕابەر ئاپۊینە جە ۋەران ۋەروو زینڎانیەکا جە زینڎانەکا کورڎسانی و تورکیاینە کریۊ، مرڎاوەو سەروو ئا ئەساسیە خەبات کەرا.
*پەی ئانەی فرەو ئەرەمەرزیاکا بەتایبەت ئەنجوومەن و ئۊرووپای بە ئاڕاسەو ئازاڎیی ڕابەر ئاپۊی هەنگامە بنیا، چالاکی ئەنجام بڎریۊ.
