دماو ئانەی هەرێمەکە جە چەتەکا داعشی پاککریاوە، زەنگوو کڵێساکا پۍ جارێوەتەری جە سەرنیشتوو و ۋەرکەوتوو سوریای مڎریاوە ۋنە و هەرێمەکە جارێوەتەر باوشی پۍ فرەڕەنگی نەتەوەیی کەرۊوە. ڕۆشنۋیرا قیپتی میسری بە دڵوەشیوە پێشوازی جە گێڵایۆ کڵێساکا کەرا.
مانگەو کانوونوو دووەمی، مانگەو جەژنەو نوئێلی و تازەبیەیۊین، بیەن بە سیمبولېوە پۍ کریستیانەکا. چی مانگێنە مەسیحیەکۍ لاڵیایۆ ئەنجام مڎا. بەڵام جە سەردەم و دەسەڵاتوو داعشینە جە سەرنیشت و ۋەرکەوتوو سوریای، گرڎوو و ناوەندەکا دین و مەسیحیشا کاول کەردەبۍ گەلوو مەسیحی ڕوبەڕوو تنووتیژی بیۆ.
هێزەکاو سوریایی دیموکراتی (قەسەدەی) هەرێمەکێشا جە داعشی ڕزگار کەردۍ، گەلوو مەسیحی پینەی دلوەشێبێنۍ.
ئەرەمەرزنەروو جمیەروو نیشتیمانی پارێزناو ئەزهەری عومەر سلێمان باسش چانەی کەرد، داعش ڕێکوزیێوە تیرۆرستیا، گلیێرگەی پارچە پارچە کەرۆ و واتش: "تەرسەکی تەنیا پێ گەلوو مەسیحی نیا، بەڵکم پۍ سەروو گردوو گەلاو هەرێمەکەیا".
حەرپاسە سەرۆکو جمیەروو ئەزهەری، ئاماژەش پانەی کەرد کە هێزەکاو سوریای دیموکراتی دەورێوە گۊرەشا وینا جە بنیاڎنیای چنەها کڵێسایانە و واتش: "یۆ چا کڵێسایا کڵێساو ڕەقەی بۍ. جە سەردەمو داعشینە کە جە ئاژێوە فرە خراپەنە بۍ".
ڕۆنامەوانی میسری عادل تۆماس ئاماژەش پانەی کەردەن، هەرمانەو ڕێکوزیاو تیرۆرستی داعشی تەنیا کاولکەردەی هەرێمە سەرکۊتەکا بۍ و ئی ڕێکوزیا پۍ پارچەکەردەی ۋەرکەوتوو دلېڕاسەی جە تەرەفوو زلهێزەکاوە ئەرەمەرزیا. حەرپاسە تۆماس ئانەش بەروست، هێزەکاو سوریایی دیموکراتیکی، سوریاشا جە زینڎانی تاریکوو داعشی ڕزگار کەرد و گرڎوو ئا ناوەنڎا کە جە تەرەفوو ڕێکوزیاو داعشیوە کاولکریێبێنۍ، سەرجە نۆ ئاوەڎانش کەردۍ.
