زینڎانیێوە سیاسیی تەمەن ٧٠ ساڵە، کە سەرباروو نەوەشیی درێژخواینی جە زینڎانوو ئەرزینگانینە گیریابۍ، خەسەخانەنە مەرد، توران جە دما وەختەکاو مەرڎەیشنە واتەبێش، "یۊ گێردۍ، سەرەم بەرزا، یەک هەنگامیچ پاشەکشێم نەکەرڎە".
زینڎانیی سیاسیی نەوەش شاکیر توران، کە زینڎانیوو نۊعوو ئێڵی ئەرزینگانینە گیریابۍ، بە پاو وشکنایەکا بەرکەوتەبۍ سەرەتانوو گڵووێش بییەن، پەوکای ماوەو ٤ مانگانە ٢٣ کیلوۍ کەمش کەرڎەبۍ. بە بەهانۍ ئانەیۊ هامکاریی ڕێکوستەیەکاش کەرڎەن، سزاو شش ساڵا زینڎانی ملوو تورانی ٧٠ ساڵەیرە سەپیێبۍ، توران کە لە خەسەخانەو فێرکاری و کۊڵیایۊ ئەرزینگانینە چارەسەر کریۍ، ئارۊ مەرد.
ماوەو حەفتێوەن، توران خەسەخانەنە چێروو چەمداریی دکتۊرینە بۍ، وەلۍ چا ماوەنە بنەیانەکەش هاگادارۍ نەکریێبێنێوە، کوڕێوە تورانی بە نامۍ عەبدولرەحمان تورانی واتش، کە زینڎانیێشا هگادارۍ کەرڎێنیوە ئێدیچ ٢٥وو ئابینە لوان ئەرزینگان وەلۍ ڕاش نەدریێنە پەنە چەمش گنۊ بە تاتەیش.
عەبدولرەحمان توران واتیچش، هەوڵێشا دێنۍ، کە خەسەخانەو ئەرزینگانینە ڕاو دکتۊرەکاوە زانیاری ورگێرا، وەلۍ کەسی زانیارییش نەدێنۍ. ئاشکراش کەرد جە ئەنجاموو هەوڵەکاو پارێزنەرانە ٢٨وو ئابینە تاوانش چەمش بە تاتەیش گنۊ، وەختێوزیان زینڎانۊ ٧٥ کیلوێبییەن، وەلۍ کە خەسەخانەنە دییەنش بییەنۊ بۊ ٤٠ کیلوۍ، نەتاوانش بلۊ ڕارە و بە حاڵ تاوانش قسۍ کەرۊ و "نەیتاوانش پێوێسی و هەرمانە کەسییەکاش ڕایی کەرۊ. ڕایچشاهامڕاو نەوەشی چەنیش بیمۍ.".
توران ئانەیچش وست ڕووە، کە تاتەش سەرسەعبوو ئارۊی سەعات ٠٧:٣٠ مەرڎەن و پێسە درێژەش بە قسەکاش دا: "جە ئاخر دیدارنە دیدارڎا من و تاتەم خواحافیزیما کەرد، چێرزەمینوو ژوورێوە شۊدارینە خەسەخانەکەنە گیریابۍ، فرە بە ناڕەحەت تاوۍ قسۍ کەرۊ، یاگۍ مەنەیۊش فرە دەردنەوارڎۍ بۍ. ٦-٧ سەروازۍ سەروو سەرەیماوە مدرێبێنۍ، قاچێش پێسە سهۊڵی بێنۍ گەرەکم بۍ گۊروەێش کەروونە ناستشا، پێسە ئانە کە تاتەم هەر ئیسە بڕەمۊ، پاسە دیارماوە مرڎێبێنۍ، یۊ یۊ خواحافیزییش وەنە کەردیمۍ و پەنەش واتیمۍ "خاس هاگادارۍ وێتا بیدۍ و یۊگێرتۍ بیدۍ و سەرەم بەرزا یەک هەنگام پاشەکشێم نەکەرڎێنە".
جەنازەو تورانی فاڕیاوە پەی بەشوو تۊکاریی دەزگاو پزیشکیی دادی جە ئەرزینگاننە و قەرارا جەنازەو ئازینڎانییە سیاسییەیە جە مەنتێقەو ستەوریی مێردینینە بەخاکی بسپاریۊ.
س.ز
