ئەنجومەنی کۆنگرەی ستار بە بۆنەی ٢٤مین ساڵیادی پیلانگێڕێ نێودەوڵەتی دژی عەبدوڵلا ئۆجالان رێبەری گەلی کورد راگەیەندراوێکی لە ستادیۆمی ١٢ی ئازاری قامشلۆ خوێندەوە و بەرنامەی خۆی ئاشکرا کرد. راگەیەندراوەکە لەلایەن ریحام تەمۆ ئەندامی کۆمیتەی ئیکۆلۆژی ئەنجومەنی کۆنگرەی ستارەوە خوێندرایەوە.

ریحام تەمۆ بەبیریهێنایەوە کە پیلانگێڕی نێودەوڵەتی لە کەسایەتی عەبدوڵلا ئۆجالان رێبەری گەلی کورد لەدژی گەلی کورد دەستی پێکرد، ٢٤ ساڵە بەردەوامە و تاوەکو ئێستاش هەوڵ دەدرێت ئیرادەی گەلان بشکێنن.

تەمۆ باسی ئەوەی کرد کە گۆشەگیری قورس، هیرشی قڕکردنی سیاسی، جەستەیی و کەلتوری بەردەوامی پیلانگێڕیە و وتی کە بۆیەش پێویستە تێکۆشانی ئازادی بەهێز بکرێت. تەمۆ هەروەها باسی ئەوەی کرد کە ئەوان وەک کۆنگرەی ستار، گەلی کورد و هەموو گەلانی هەرێمەکە یاری نێودەوڵەتی شەرمەزار دەکەن و لەدژی هەموو جۆرە پیلانگێڕیەک بە دروشمی ' کەس ناتوانێت رۆژمان تاریک بکات' تێبکۆشن.

لە کۆتایی راگەیەندراوەکەدا ریحام تەمۆ بەرنامەی چالاکیەکانی شەرمەزارکردنی پیلانگێڕی ١٥ی شوباتی ئاشکرا کرد.

بەرنامەکە بەم شێوەیەیە؛

• لە ٥ تاوەکو ١٠ شوبات لە گوند، ناوچە، کۆمون و دەزگاکان سمینار لەبارەی پیلانگێڕیەوە پێشکەش دەکرێت.
• ٥ی شوبات لەگەڵ ئەنجومەنی خانەوادەی شەهیدان لە هەموو شار و ناوچەکان وێنەی عەبدوڵلا ئۆجالان رێبەری گەلی کورد هەڵدەواسرێن.
• ٥ی شوبات لە ناوچەکان پێشەنگای وێنەکانی عەبدوڵلا ئۆجالان رێبەری گەلی کورد دەکرێنەوە.
• ٥ی شوبات لەگەڵ کۆمیتەی منداڵانی شلێر کە سەربە کۆنگرەی ستارە، پێشەنگای وێنەی عەبدوڵلا ئۆجالان رێبەری گەلی کورد کە بە دەستی منداڵان دروست کراون، دەکرێنەوە.
• ١٠ی شوبات نوسینگەی ژنانی پەیەدە فۆرومی ژنان ساز دەکات.
• ١٤ی شوبات لەسەر تۆڕە کۆمەڵایەتیەکان کەمپەینی هاشتاگ دەست پێ دەکات.
• ١٥ شوبات بە دروشمی 'ئازادی رێبەر ئاپۆ ئازادی مرۆڤایەتیە، ئازادی رێبەر ئاپۆ ئازادی ژنە' لە دێرک، قامشلۆ و حەسەکە، هەرێمی فورات، شەهبا و حەلەب رێپێوان ئەنجام دەدرێن.
• ئەو نامانەی کە لەلایەن پیلانگێڕیەوە نووسراون، بۆ سی پی تی رەوانە دەکرێن.
• کۆمیتەی ئیکۆلۆژی کۆنگرەی ستار لە شار و ناوچەکان نەمان دەچێنێت. لەم چوارچێوەیەدا شوێن و رۆژی هەڵمەتەکە لەلایەن کۆمیتەی شارەکان دیاری دەکریت."

ف.ق