پەرلەمانتار کەیت فایرمان وتەکەی ڕێبەر ئاپۆی بیرهێنایەوە کە دەڵێت 'سڵاو لەو کەسانە دەکەم کە باوەڕیان بە پێکەوەژیانە و گوێ لە بانگەوازەکەم دەگرن"، دووپاتی کردەوە، بۆ پێشڤەچوونی پرۆسەکە پشتگیری لە بانگەوازەکە دەکەن.
پەرلەمانتاری پارتی سەوزی ئوسترالیا کەیت فایرمان بانگەوازە مێژووییەکەی ڕێبەر ئاپۆی کردە ڕۆژەڤی پەرلەمانی ویلایەتی وێلزی باشووریی نوێ (NSW) و پشتگیری خۆی ڕاگەیاند.
فایرمان تیشکی خستەسەر گۆشەگیری ٢٦ ساڵەی ڕێبەر ئاپۆ و گوتی: "پاش ٥ ساڵ چاوی بە پەرلەمانتارانی دەم پارتی کەوتووە و دووپاتی کردووەتەوە بۆ هاوکاریکردن لە بەدیهاتنی ئاشتی هەرێمەکە ئامادەیە".
هەروەها تیشکی خستەسەر بانگەوازە مێژووییەکەی ڕێبەر ئاپۆ و گوتی: "من لێرە هەموو پەیامەکە ناخوێنمەوە، بەڵام لە بەشی کۆتایی پەیامەکەیدا دەڵێت، 'سڵاو لەو کەسانە دەکەم کە باوەڕیان بە پێکەوەژیانە و گوێ لە بانگەوازەکەم دەگرن.
لەسەر بناغەی ئەم بانگەوازە، پارتی کرێکارانی کوردستان (پەکەکە) ڕایگەیاند بە مەرجی ئازادیی بەڕێز ئۆجالان ئامادەن دەست لە چەک هەڵگرن و هەنگاوی سیاسی بنێن. ئەم بانگەوازە لە لایەن ئەمریکا بەریتانیا، فەرەنسا، ئەڵمانیا، کەتەلۆنیا، ئیتاڵیا، سوید، نەتەوە یەکگرتووەکان و یەکێتی ئەوروپا و هەروەها لە ئاستی نێونەتەوەییدا پشتگیرییەکی مەزنی لێ کرا.
ئەم بانگەوازەی بەڕێز ئۆجالان هەنگاوێکی مێژووییە بەرەو ئاشتی بۆ کورد و تورک لە تورکیا و بۆ کۆمەڵگەی کورد لە ویلایەتی وێڵزی باشووری نوێ گرنگییەکی زۆری هەیە.
ئێمە داوای ئازادکردنی بەڕێز ئۆجالان لە دەوڵەتی تورک دەکەین. بۆ پێشڤەچوونی پرۆسەی ئاشتی لە تورکیا و ڕۆژهەڵاتی ناوەڕاست، پشتگیری لە ئازادی گەلی کورد و ئەم بانگەوازە دەکەین".
