بارەگای ناوەندی کۆمەڵگەى دیموکراتیکی کورد (نەجەدەکە) لە شاری ئۆسنابروکی ئەڵمانیا بە مەراسیمیک کرایەوە. مەراسیمی کردنەوەى بارەگای نەجەدەکە لە شاری ئۆسنابروک دوێنێ ٢٢ی ئابی ٢٠٢١ بەڕێوەچوو و نوێنەرانی ژمارەیەکی زۆر لە حیزبەکان و رێکخراوەکانی کۆمەڵی مەدەنی لە ئەڵمانیا تیایدا بەشدار بوون.

دوای خولەکێک رێزگرتن پەیامی ئەنجوومەنی گەل لە ئۆسنابروک خوێندرایەوە و کردنەوەى بارەگای نەجەدەکە لە خەڵکی ناوچەکە پیرۆز کرا.

زوبەیدە زومروت هاوسەرۆکی کۆنفیدراسیۆنی کورد لە ئەڵمانیا (کۆن – مەد / KON-MED) کردنەوەى بارەگای ناوەندەکەى لە گەل پیرۆز کرد و داوای لە کوردستانیانی ئەو ناوچەیە کرد، کە پشتیوانی لە ناوەندەکە بکەن.

بەشداربووە ئەڵمانییەکانیش لە مەراسیمەکەدا وتەیان پێشکەشکرد و دڵسۆزی و پشتیوانیی خۆیان بۆ تێکۆشانی ئازادیی گەلی کورد راگەیاند.

لە کۆتایدا هۆزان سەیدخان چووە سەر تەختە وهونەری خۆی پێشکەشی ئامادەبوان کرد.

ژ.ت