چالاکیی مانگرتنی زیندانیانی دۆزی پەکەکە و پاژک لە دژی گۆشەگیریی سەر عەبدوڵا ئۆجالان رێبەری گەلی کورد و پێشێلکردنی مافەکان لە زیندانەکاندا لە ٢٥١هەمین رۆژدایە.

چالاکیی زیندانیان لە ١٤ی تەممووزەوە هەر ١٥ رۆژ جارێک لەلایەن دەستەیەکی نوێی مانگرەوە درێژەى پێدەدرێت.

 چالاکییەکە لە مەخمور لە ٢٣٠هەمین رۆژ و لە یونان لە ٢١٣هەمین رۆژدا بەردەوامە.

مەخموور

لە کامپی پەنابەرانی مخمووریش دا ژنان لە ١٨ی کانوونی یەکەمی ٢٠٢٠ دا لە دژی کۆشەگیریی سەر عەدبوڵا ئۆجالان رێبەری گەلی کورد چالاکیی مانگرتنیان دەستپێکردووە. چالاکییەکە لە رێکخراوی بنەماڵەى شەهیدانی مەخموور بەڕێوەدەچێت و ماوەى ٢٣٠ رۆژە بەردەوامە.

یونان

چالاکیی مانگرتنی پەنابەرانی کامپی لاڤریۆ لە یونان بۆ کۆتایهێنان بە گۆشەگیریی سەر عەبدوڵا ئۆجالان رێبەری گەلی کورد و پشتیوانی لە چالاکیی مانگرتنی زیندانیان ماوەى ٢١٣ رۆژە بەردەوامە. چالاکییەکە لەلایەن بزووتنەوەى گەنجانی شۆڕشگێڕ (تەجەشە)، بزووتنەوەى ژنانی کوردستان لە ئەوروپا (تەژەکە - ئە)  و ناوەندی رۆشنبیریی کوردستان بەڕێوەدەچێت.

ژ.ت